Qazaqstan Respýblıkasy Aýyl sharýashylyǵy mınıstrliginiń buıryǵy  №9-1/71

2015 jylǵy 30 qańtar,  Astana qalasy Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalaryn bekitý týraly «Agroónerkásiptik keshendi jáne aýyldyq aýmaqtardy damytýdy memlekettik retteý týraly» 2005 jylǵy 8 shildedegi Qazaqstan Respýblıkasy Zańynyń 6-baby 1-tarmaǵynyń 14) tarmaqshasyna sáıkes buıyramyn: 1. Qosa berilip otyrǵan Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Investısııalyq saıasaty jáne qarjy quraldary departamenti: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýyn qamtamasyz etsin. 3. Osy buıryqtyń oryndalýyn baqylaý jetekshilik etetin vıse-mınıstrge júktelsin. 4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi. Mınıstr A.MAMYTBEKOV Qazaqstan Respýblıkasy Aýyl sharýashylyǵy mınıstriniń 2015 jylǵy 30 qańtardaǵy №9-1/71 buıryǵymen bekitilgen Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalary 1. Jalpy erejeler 1. Osy Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalary (budan ári – Qaǵıdalar) «Agroónerkásiptik keshendi jáne aýyldyq aýmaqtardy damytýdy memlekettik retteý týraly» 2005 jylǵy 8 shildedegi Qazaqstan Respýblıkasynyń Zańyna sáıkes ázirlengen jáne qaryzdardy kepildendirý men saqtandyrý kezinde agroónerkásiptik keshen sýbektilerine (budan ári – AО́K sýbektileri) memlekettik qoldaý kórsetýdiń tártibin aıqyndaıdy. 2. Osy Qaǵıdalarda mynadaı termınder men anyqtamalar paıdalanylady: 1) jumys organy – oblystar, respýblıkalyq mańyzy bar qalalar jáne astana ákimdikteriniń aýyl sharýashylyǵy basqarmasy; 2) kepil berýshi – banktik qyzmetti júzege asyrý quqyǵyna tıisti lısenzııasy bar qarjy ınstıtýttary, qarjy uıymdary, sondaı-aq óńirlerdiń áleýmettik-kásipkerlik korporasııalary; 3) kepildendirý/saqtandyrý sharty – osy Qaǵıdalardyń sharttarynda qaryz alýshy men kepil berýshi/saqtandyrý uıymy arasynda jasalatyn jazbasha kelisim; 4) kepildik kólemi/saqtandyrý somasy – kepildik berilgen nemese talap etý quqyǵy týyndaǵan kezde kepil berýshiniń/saqtandyrý uıymynyń kredıtor aldyndaǵy jaýapkershiliginiń shekti kólemi bolyp tabylatyn kredıttiń bir bóligi saqtandyrylǵan aqsha somasy; 5) kepildik boıynsha tólem/saqtandyrý tólemi – kepil berýshi/saqtandyrý uıymy talap etý quqyǵy týyndaǵan kezde kepildik somasy/saqtandyrý somasy sheginde kredıtorǵa tóleıtin aqsha qarajatynyń somasy; 6) kepildik boıynsha komıssııa/saqtandyrý syılyqaqysy – talap etý quqyǵy týyndaǵan kezde kredıtorǵa kredıttiń kepildendirilgen/ saqtandyrylǵan bóligin tóleýdi júrgizý mindettemelerin alǵany úshin bir rettik tólem túrinde qaryz alýshy kepil berýshige/saqtandyrý uıymyna tóleýge mindetti aqsha qarajatynyń somasy; 7) kepildik boıynsha komıssııanyń bir bóligin sýbsıdııalaý – kredıt bóliginiń qaıtarylmaý táýekelin qamtamasyz etetin kepil berýshilerge qaryz alýshylar tóleıtin komıssııanyń bir bóligin óteýge baǵyttalǵan memlekettik qoldaýdyń nysany; 8) komıssııa – qaryzdardy kepildendirý men saqtandyrý kezinde sýbsıdııalaýdy usyný/usynýdan bas tartý týraly sheshim qabyldaýǵa ýákiletti turaqty jumys isteıtin organ; 9 kredıt (qaryz) – qaryz alýshyǵa aınalym qarajatyn tolyqtyrýǵa, negizgi quraldardy satyp alýǵa jáne qurylysqa aqylylyq, jedeldik jáne qaıtarymdylyq sharttarynda kredıtor usynatyn aqsha somasy; 10) kredıtor – ekinshi deńgeıdegi bankter, «QazAgro», ulttyq basqarýshy holdıngi» aksıonerlik qoǵamynyń enshiles uıymdary, sondaı-aq bank qyzmetterin júzege asyrý quqyǵyna tıisti lısenzııasy bar kredıttik uıymdar; 11) qaryz alýshy – aýyl sharýashylyǵy ónimderin óndirýmen jáne (nemese) óńdeýmen aınalysatyn sharýa (fermer) qojalyqtaryn qosa alǵanda, menshik nysanyna qaramastan jeke nemese zańdy tulǵa, sondaı-aq aýyl sharýashylyǵy ónimderin daıyndaý, saqtaý, tasymaldaý jáne ótkizý boıynsha qyzmetterdi kórsetetin jeke nemese zańdy tulǵa; 12) operator – «Qazagromarketıng» aksıonerlik qoǵamy jáne onyń oblystyq fılıaldar/ókilderi; 13) saqtandyrý uıymy – saqtandyrý shartynda aıqyndalǵan saqtandyrý jaǵdaıy týyndaǵan kezde onyń paıdasyna shart jasalǵan kredıtorǵa saqtandyrý somasy sheginde saqtandyrý tólemin júrgizýge saqtandyrýdy júzege asyratyn kompanııa; 14) saqtandyrý syılyqaqysynyń bir bóligin sýbsıdııalaý – saqtandyrý uıymdaryna qaryz alýshy tóleıtin, kredıttiń bir bóliginiń qaıtarylmaý táýekelin qamtamasyz etetin saqtandyrý syılyqaqysynyń bir bóligin óteýge baǵyttalǵan memlekettik qoldaý nysany; 15) talap etý quqyǵy – onyń týyndaýy kepildendirý/saqtandyrý sharty kepildik/saqtandyrý boıynsha tólemdi júzege asyrýdy kózdeıtin oqıǵa. 2. Agroónerkásiptik keshen sýbektileriniń qaryzdaryn kepildendirý sheńberinde sýbsıdııalaý tártibi 3. Agroónerkásiptik keshen sýbektileriniń qaryzdaryn kepildendirý sheńberinde sýbsıdııalaý jónindegi is-sharalardy iske asyrý maqsatynda jumys organy men operatordyń arasynda operatorlyq qyzmetter kórsetý jóninde shart jasalady. Operator operatorlyq qyzmetter kórsetý jónindegi shart kúshine engennen keıin 3 jumys kúni ishinde oblys/qala aýmaǵynda taralatyn buqaralyq aqparat quraldarynda jáne oblystyq/qalalyq ákimdiktiń ınternet-resýrstarynda AО́K sýbektileriniń qaryzdaryn kepildendirý kezinde kepildik boıynsha komıssııanyń bir bóligin sýbsıdııalaý boıynsha baǵdarlamanyń bastalǵany týraly habarlandyrýdy ornalastyrady. 4. Qaryz alýshy kredıt alýǵa kredıtorǵa júginedi. 5. Kredıtor ishki rásimderge sáıkes qaryz alýshynyń ótinishin qaraıdy, onyń usynǵan qujattary men qaryz alýshynyń qarjylyq jaǵdaıyn taldaıdy, sodan keıin kredıtti berý múmkindigi nemese múmkin emestigi týraly sheshim shyǵarady. Sýbsıdııalaýǵa syıaqy mólsherlemesi teńgemen jyldyq 14 (on tórt) paıyzdan aspaıtyn kredıtterdi kepildendirý jatady. Buryn alynǵan kredıtter boıynsha kepildik boıynsha komıssııanyń bir bóligin sýbsıdııalaýǵa jol berilmeıdi. 6. Kredıtor kredıt berý múmkindigi nemese múmkin emestigi týraly sheshim qabyldaǵannan keıin 5 (bes) jumys kúni ishinde qaryz alýshyǵa kredıt berýge kelisý ne berýden bas tartý, kredıttiń sharttary týraly, kepildik quny mólsheriniń esebi jáne áleýetti kepil berýshige qoıylatyn talaptar týraly hat joldaıdy. 7. Qaryz alýshy kúntizbelik 30 kún ishinde kredıtordyń talaptaryna sáıkes keletin kepil berýshini tabady. 8. Kredıtor kepil berýshiden qujattardyń tolyq toptamasyn alǵannan keıin 5 jumys kúni ishinde qabyldanǵan sheshim týraly qaryz alýshy men kepil berýshini jazbasha habardar etedi. 9. Kepil berýshi maquldaǵannan keıin qaryz alýshy 5 jumys kúni ishinde osy Qaǵıdalarǵa 1-qosymshaǵa sáıkes nysan boıynsha sýbsıdııa berý týraly ótinishti myna qujattarmen qosa operatorǵa joldaıdy: 1) kredıt berýdiń múmkindigi týraly kredıtordyń oń sheshimi bar hatty; 2) kepildik berý týraly kepil berýshiniń hatyn. 10. Operator qaryz alýshydan qujattardy alǵannan keıin 5 jumys kúni ishinde mynadaı is-sharalardy júzege asyrady: 1) qaryz alýshy usynǵan qujattardyń tolyqtyǵyn tekseredi. Qujattar toptamasy tolyq usynylmaǵan ne belgilengen talaptarǵa sáıkes kelmeıtin qujattar usynylǵan jaǵdaıda, operator olardy joıý úshin naqty kemshilikterdi kórsete otyryp, usynylǵan qujattardy qaryz alýshyǵa qaıtarady; 2) qaryz alýshynyń jáne onyń kredıtiniń osy Qaǵıdalardyń sharttaryna sáıkestigin tekseredi; 3) Komıssııa úshin usynymdar ázirleıdi; 4) usynystardy, kún tártibin qalyptastyrady, Komıssııa tóraǵasynyń kelisimi boıynsha otyrystyń kúnin, ýaqyty men ótetin ornyn aıqyndaıdy; 5) qaryz alýshylardyń ótinishterin qosa bere otyryp, tizimdi jáne qujattardyń tolyq toptamasyn Komıssııanyń qaraýyna engizedi. 11. Sýbsıdııalaýdy júzege asyrý úshin jumys organy tıisti oblystar, respýblıkalyq mańyzy bar qalalar jáne astana ákimderiniń ókimimen bekitiletin, quramynda Komıssııa tóraǵasy, músheleri jáne hatshy bar Komıssııa qurady. 12. Qaryz alýshylardyń ótinimderin maquldaý/maquldamaý týraly sheshimdi Komıssııa qatysyp otyrǵan músheleriniń kópshilik daýysymen qabyldaıdy jáne ol hattama túrinde resimdeledi. Komıssııa qaryz alýshylardyń ótinimderin maquldaý/maquldamaý týraly sheshimdi qabyldaý kezinde operatordyń usynymdaryn basshylyqqa alady. 13. Komıssııanyń bir otyrysy sheńberinde sýbsıdııalar somasyn bólý kelesi baǵyttyń ótinimderin jáne osy Qaǵıdalarǵa 2-qosymshaǵa sáıkes AО́K-ni damytýdyń basym baǵyttaryna engizilmegen aýyl sharýashylyǵy qyzmetiniń qalǵan túrlerin qanaǵattandyrýǵa kóshkenge deıin basym baǵyttyń qajettiligin tolyq qanaǵattandyrýdy boljaıdy. 14. Qaıta óńdeý kásiporyndarynyń aınalym qarajatyn tolyqtyrýǵa beriletin kredıtter jónindegi kepildik boıynsha komıssııanyń bóligin sýbsıdııalaýǵa osy Qaǵıdalarǵa 3-qosymshada kózdelgen aýyl sharýashylyǵy ónimin óńdeý salasyndaǵy basym baǵyttar boıynsha qyzmet túrlerimen aınalysatyn kásiporyndar jatady. 15. Basymdyqtyń bir baǵyty sheńberinde sýbsıdııalar somasyn bólý qaryz alýshynyń ótinish bergen kúnine baılanysty júzege asyrylady. О́tken jyly maquldanǵan ótinishterdi Komıssııa qaıta júginýsiz basym tártippen qaraıdy. 16. Operator 5 jumys kúni ishinde Komıssııa músheleriniń qoldaryn jınaıdy jáne qol qoıylǵannan keıin Komıssııa otyrysy hattamasynan úzindi kóshirmeni kredıtor men kepil berýshige joldaıdy. 17. Jumys organy oń sheshimi bar Komıssııa otyrysy hattamasynan úzindi kóshirmeni alǵannan keıin 5 jumys kúni ishinde osy Qaǵıdalardyń sharttaryna sáıkes kepil boıynsha komıssııany sýbsıdııalaý tártibi men sharttary týraly kepil berýshimen shart jasasady. 18. Kepil berýshi osy Qaǵıdalardyń 17-tarmaǵynda kórsetilgen shartqa qol qoıǵannan keıin 5 jumys kúni ishinde qaryz alýshy kredıtiniń bir bóligin kepildendirý shartyna qol qoıady jáne ony kredıtorǵa jiberedi. 19. Kredıtor kepil berýshiden kepildendirý shartyn alǵannan keıin 5 jumys kúni ishinde oǵan qol qoıady jáne ony qaryz alýshyǵa qol qoıý úshin beredi. 20. Qaryz alýshy kepildendirý shartyna qol qoıǵannan keıin qaryz alýshy ózdiginen jáne bir mezgilde kepil berýshige tóleıtin kepildik boıynsha komıssııanyń sýbsıdııalanbaıtyn bóligin tóleýdi júzege asyrady. 21. Qaryz alýshy kepildendirý shartyna qol qoıǵannan keıin kredıtor 5 jumys kúni ishinde qaryz alýshymen qaryz shartyn jasasady jáne qaryz alýshyǵa kredıtti naqty berýdi júzege asyrady. 22. . Qaryz alýshyǵa kredıt berilgennen keıin kredıtor 5 jumys kúni ishinde kredıtor rastaǵan qaryz shartynyń, aqsha aýdarý týraly tólem tapsyrmasynyń kóshermelerin kepil berýshige joldaıdy. 23. Kepil berýshi kredıt berilgennen keıin 5 jumys kúni ishinde operatorǵa osy Qaǵıdalarǵa 4-qosymshaǵa sáıkes qaryz alýshyǵa kredıt berý jáne onyń kepildendirý komıssııasyn ishinara tóleý týraly málimetterdi myna qujattarmen qosa joldaıdy: 1) kepil berýshi rastaǵan kredıtor, kepil berýshi jáne qaryz alýshy arasyndaǵy kepildendirý shartynyń kóshirmesin; 2) qaryz alýshynyń kepildik boıynsha komıssııanyń sýbsıdııalanbaıtyn bóligin tólegeni týraly rastaýdy; 3) kredıtor rastaǵan kredıtor men qaryz alýshy arasyndaǵy qaryz shartynyń kóshirmesin; 4) kredıtor rastaǵan qaryz alýshynyń shotyna kredıtti aýdarý týraly tólem tapsyrmasynyń kóshirmesin. 24. Operator 3 jumys kúni ishinde usynylǵan qujattardy qaraıdy jáne jumys organyna tıisti hat joldaıdy. Jumys organy operatordan hat alǵannan keıin 5 jumys kúni ishinde kepil berýshiniń shotyna sýbsıdııa aýdarýdy júzege asyrady. Kredıtti kepildendirý kezinde 50 (elý) paıyz mólsherindegi kepildik boıynsha komıssııa sýbsıdııalanady, bul rette sýbsıdııanyń eń joǵary kólemi kepildik kóleminiń sýbsıdııalanatyn bóliginiń 3 (úsh) paıyzynan aspaýy tıis. 25. Kredıtordyń kepil berýshiden kepildendirilgen jáne qaıtarylmaǵan kredıttiń bir bóliginiń somasyn óteý boıynsha talap etý quqyǵy qaryz alýshy kredıtormen jasalǵan qaryz sharty boıynsha kredıtti óteý sharttaryn oryndamaǵan kezde týyndaıdy. 3. Agroónerkásiptik keshen sýbektileriniń qaryzdaryn saqtandyrý sheńberinde sýbsıdııalaý tártibi 26. Agroónerkásiptik keshen sýbektileriniń qaryzdaryn saqtandyrý sheńberinde sýbsıdııalaý jónindegi is-sharalardy iske asyrý maqsatynda jumys organy men operatordyń arasynda operatorlyq qyzmetter kórsetý jóninde shart jasalady. Operator operatorlyq qyzmetter kórsetý jónindegi shart kúshine engennen keıin 3 jumys kúni ishinde oblys/qala aýmaǵynda taralatyn buqaralyq aqparat quraldarynda jáne oblystyq/qalalyq ákimdiktiń ınternet-resýrstarynda AО́K sýbektileriniń qaryzdaryn saqtandyrý kezinde saqtandyrý syılyqaqysynyń bir bóligin sýbsıdııalaý boıynsha baǵdarlamanyń bastalǵany týraly habarlandyrýdy ornalastyrady. 27. Qaryz alýshy kredıt alýǵa kredıtorǵa júginedi. 28. Kredıtor 5 jumys kúni ishinde qaryz alýshynyń ótinishin qaraıdy, ol usynǵan qujattar men qaryz alýshynyń qarjylyq jaǵdaıyn taldaıdy, sodan keıin kredıtti berý múmkindigi nemese múmkin emestigi týraly sheshim shyǵarady. Sýbsıdııalaýǵa syıaqy mólsherlemesi teńgemen jyldyq 14 (on tórt) paıyzdan aspaıtyn kredıtterdi saqtandyrý jatady. Buryn alynǵan kredıtter boıynsha saqtandyrý syılyqasynyń bir bóligin sýbsıdııalaýǵa jol berilmeıdi. 29. Kredıtor kredıt berý múmkindigi nemese múmkin emestigi týraly sheshim qabyldaǵannan keıin 5 jumys kúni ishinde saqtandyrý uıymy men qaryz alýshyǵa kredıt berýge kelisý ne berýden bas tartý, kredıttiń sharttary, saqtandyrý ótemimen qamtamasyz etilýge tıis saqtandyrý somasynyń esebi týraly tıisti hattardy joldaıdy. 30. Qaryz alýshy kredıtordan hat alǵannan keıin 5 (bes) jumys kúni ishinde saqtandyrý uıymyna júginedi jáne talap etiletin qujattardy usynady. 31. Saqtandyrý uıymy 5 jumys kúni ishinde qaryz alýshynyń qujattaryn qaraıdy jáne qaryz alýshy kredıtiniń bir bóligin saqtandyrýǵa kelisý ne bas tartý týraly sheshim qabyldaıdy. Usynylǵan qujattarǵa eskertýler bolǵan jáne/nemese qosymsha aqparat berý qajettiligi týyndaǵan jaǵdaıda, qaryz alýshyǵa 5 jumys kúni ishinde anyqtalǵan eskertýlerdi túzeý jáne/nemese qosymsha aqparat berý úshin qosymsha ýaqyt beriledi. Saqtandyrý uıymy úshin qujattardy qaraý merzimi qaıtadan bastalady. 32. Saqtandyrý uıymy qaryz alýshy kredıtiniń bir bóligin saqtandyrý týraly oń sheshim qabyldaǵan jaǵdaıda, saqtandyrý uıymy 5 jumys kúni ishinde operatorǵa mynalardy: 1) osy Qaǵıdalarǵa 1-qosymshaǵa sáıkes nysan boıynsha sýbsıdııa berý týraly ótinishti; 2) kredıt berý múmkindigi týraly sheshimi bar kredıtordyń hatyn; 3) saqtandyrý uıymynyń saqtandyrýdy usyný týraly hatyn qosa bere otyryp, qaryz alýshy kredıtiniń bir bóligin saqtandyrý múmkindigi týraly sheshim kórsetilgen hat joldaıdy . 33. Operator saqtandyrý uıymynan qujattardy alǵannan keıin 5 jumys kúni ishinde mynadaı is-sharalardy júzege asyrady: 1) qaryz alýshy usynǵan qujattardyń tolyqtyǵyn tekseredi. Qujattar toptamasy tolyq usynylmaǵan ne belgilengen talaptarǵa sáıkes kelmeıtin qujattar usynylǵan jaǵdaıda, operator olardy joıý úshin naqty kemshilikterdi kórsete otyryp, usynylǵan qujattardy saqtandyrý uıymyna qaıtarady; 2) qaryz alýshynyń jáne onyń kredıtiniń osy Qaǵıdalardyń sharttaryna sáıkestigin tekseredi; 3) Komıssııa úshin usynymdar ázirleıdi; 4) usynystardy, kún tártibin qalyptastyrady, Komıssııa tóraǵasynyń kelisimi boıynsha otyrystyń kúnin, ýaqyty men ótetin ornyn aıqyndaıdy; 5) qaryz alýshylardyń ótinishterin qosa bere otyryp, tizimdi jáne qujattardyń tolyq toptamasyn Komıssııanyń qaraýyna engizedi. 34. Sýbsıdııalaýdy júzege asyrý úshin jumys organy tıisti oblystar, respýblıkalyq mańyzy bar qalalar jáne astana ákimderiniń ókimimen bekitiletin, quramynda Komıssııa tóraǵasy, músheleri jáne hatshy bar Komıssııa qurady. 35. Qaryz alýshylardyń ótinimderin maquldaý/maquldamaý týraly sheshimdi Komıssııa qatysyp otyrǵan músheleriniń kópshilik daýysymen qabyldaıdy jáne ol hattama túrinde resimdeledi. Komıssııa qaryz alýshylardyń ótinimderin maquldaý/maquldamaý týraly sheshimdi qabyldaý kezinde operatordyń usynymdaryn basshylyqqa alady. 36. Komıssııanyń bir otyrysy sheńberinde sýbsıdııalar somasyn bólý kelesi baǵyttyń ótinimderin jáne osy Qaǵıdalarǵa 2-qosymshaǵa sáıkes AО́K-ni damytýdyń basym baǵyttaryna engizilmegen aýyl sharýashylyǵy qyzmetiniń qalǵan túrlerin qanaǵattandyrýǵa kóshkenge deıin basym baǵyttyń qajettiligin tolyq qanaǵattandyrýdy boljaıdy. 37. Qaıta óńdeý kásiporyndarynyń aınalym qarajatyn tolyqtyrýǵa beriletin kredıtter boıynsha saqtandyrý syılyqaqysynyń bóligin sýbsıdııalaýǵa osy Qaǵıdalarǵa 3-qosymshada kózdelgen aýyl sharýashylyǵy ónimin óńdeý salasyndaǵy basym baǵyttar boıynsha qyzmet túrlerimen aınalysatyn kásiporyndar jatady. 38. Basymdyqtyń bir baǵyty sheńberinde sýbsıdııalar somasyn bólý qaryz alýshynyń ótinish bergen kúnine baılanysty júzege asyrylady. О́tken jyly maquldanǵan ótinishterdi Komıssııa qaıta júginýsiz basym tártippen qaraıdy. 39. Operator 5 jumys kúni ishinde Komıssııa músheleriniń qoldaryn jınaıdy jáne qol qoıylǵannan keıin Komıssııa otyrysy hattamasynan úzindi kóshirmeni kredıtor men saqtandyrý uıymyna joldaıdy. 40. Jumys organy oń sheshimi bar Komıssııa otyrysy hattamasynan úzindi kóshirmeni alǵannan keıin 5 jumys kúni ishinde osy Qaǵıdalardyń sharttaryna sáıkes saqtandyrýdy sýbsıdııalaýdyń tártibi men sharttary týraly saqtandyrý uıymymen shart jasasady. 41. Saqtandyrý uıymy osy Qaǵıdalardyń 40-tarmaǵynda kórsetilgen shartqa qol qoıǵannan keıin 5 jumys kúni ishinde saqtandyrý shartyna qol qoıady jáne ony qaryz alýshyǵa qol qoıýǵa joldaıdy. 42. Qaryz alýshy saqtandyrý shartyna qol qoıǵannan keıin qaryz alýshy ózdiginen jáne bir mezgilde saqtandyrý uıymyna tóleıtin saqtandyrý syılyqaqysynyń sýbsıdııalanbaıtyn bóligin tóleýdi júzege asyrady. 43. Kredıtor saqtandyrý uıymynan saqtandyrý shartyn alǵannan keıin 5 jumys kúni ishinde oǵan qol qoıady jáne 5 jumys kúni ishinde qaryz alýshymen qaryz shartyn jasasady jáne qaryz alýshyǵa kredıtti naqty berýdi júzege asyrady. 44. Qaryz alýshyǵa kredıt berilgennen keıin kredıtor 5 jumys kúni ishinde kredıtor rastaǵan qaryz shartynyń, aqsha aýdarý týraly tólem tapsyrmasynyń kóshirmelerin saqtandyrý uıymyna joldaıdy. 45. Saqtandyrý uıymy 5 jumys kúni ishinde operatorǵa osy Qaǵıdalarǵa 5-qosymshaǵa sáıkes qaryz alýshylarǵa kredıt berý jáne saqtandyrý syılyqaqysynyń bir bóligin ishinara tóleýi týraly málimetterdi myna qujattarmen qosa joldaıdy: 1) saqtandyrý uıymy rastaǵan kredıtor, saqtandyrý uıymy jáne qaryz alýshy arasyndaǵy saqtandyrý shartynyń kóshirmesin; 2) qaryz alýshynyń saqtandyrý syılyqaqysynyń bir bóligin tólegeni týraly rastaýdy; 3) kredıtor rastaǵan kredıtor men qaryz alýshy arasyndaǵy qaryz shartynyń kóshirmesin; 4) kredıtor rastaǵan qaryz alýshynyń shotyna kredıtti aýdarý týraly tólem tapsyrmasynyń kóshirmesin. 46. Operator 3 jumys kúni ishinde usynylǵan qujattardy qaraıdy jáne jumys organyna tıisti hat joldaıdy. Jumys organy operatordan hat alǵannan keıin 5 jumys kúni ishinde saqtandyrý uıymynyń shotyna sýbsıdııa aýdarýdy júzege asyrady. Bul rette saqtandyrý somasy kredıt somasynan 50 (elý) paıyzdan artyq emes, al saqtandyrý syılyqaqysy saqtandyrý somasynan 20 (jıyrma) paıyzdan artyq emes bolýy tıis. 47. Saqtandyrý sharty ekinshi kezektegi qaryzdardyń ótelýin qamtamasyz etedi. Eger qaryzdyń ótelmegen/merzimi ótken bóligi berilgen qaryz somasynyń 50 (elý) paıyzynan aspasa, saqtandyrý sharty saqtandyrý tólemin júzege asyrýdy kózdemeıdi. 48. Qaryzdyń ótelmegen/merzimi ótken bóligi berilgen qaryz somasynyń 50 (elý) paıyzynan asqan kezde, saqtandyrý uıymy saqtandyrý tólemin berilgen qaryzdyń 50 (elý) paıyzy men ótelmegen/merzimi ótken bóliginiń mólsheri arasyndaǵy aıyrmadan aspaıtyn mólsherde júzege asyrady. 49. Kredıtordyń saqtandyrý uıymynan saqtandyrylǵan jáne qaıtarylmaǵan kredıttiń bir bóliginiń somasyn óteý boıynsha talap etý quqyǵy qaryz alýshy kredıtormen jasalǵan qaryz sharty boıynsha kredıtti óteý sharttaryn oryndamaǵan kezde týyndaıdy. Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalaryna 1-qosymsha Kimge _________________________ (ótinish joldanatyn _____________________________ uıymynyń ataýy) О́tinish Kepildik / saqtandyrý syılyqaqysy boıynsha komıssııanyń bir bóligine sýbsıdııa tóleýdi suraımyn (qajettiniń astyn syzý): r/s № Derekter kózi Qajetti málimet Derekter 1 2 3 4 1. Tolyq ataýy 2. Menshik túri 3. Memlekettik tirkeý (qaıta tirkeý) týraly kýálik nemese anyqtama – zańdy tulǵa úshin tirkeý nómeri tirkeý kúni ataýy ornalasqan jeri (zańdy, naqty jáne elektrondyq mekenjaıy, telefondary, faksy) memlekettik tirkeý kúni kim berdi 4. Jeke basty kýálandyratyn qujat – jeke tulǵa úshin jeke basty kýálandyratyn qujattyń nómiri JSN kim berdi berilgen kúni 5. Dara kásipkerdi memlekettik tirkeý týraly kýálik – jeke tulǵa úshin ornalasqan jeri tirkeý kúni kim berdi 6. Birinshi basshynyń tegi, aty, ákesiniń aty (bar bolsa), jumys jáne úı telefondary 7. Quryltaıshylar Zańdy tulǵanyń tolyq ataýy, birinshi basshynyń tegi, aty, ákesiniń aty, (jeke basty kýálalandyratyn qujatta bar bolsa) 8. О́tinish berýshiniń banktik derektemeleri JSN/BSN JSK Banktiń ataýy BSK 9. Negizgi qyzmet túri 10. Kredıt (lızıng) somasy, teńge/ AQSh dollary / evro 11. Kredıt (lızıng) berý merzimi, aı 12. Kepildendirý/saqtandyrý somasynyń mólsheri, teńge/ AQSh dollary / evro 13. Kredıttiń nysanaly maqsaty Birinshi basshy ____________________________ (tegi, aty, ákesiniń aty (laýazymy) (bar bolsa)) (qoly) Mór orny 20__j. «___» _______________ Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalaryna 2-qosymsha Agroónerkásiptik keshendi damytýdyń basym baǵyttary 1. Et jáne sút baǵytyndaǵy mal sharýashylyǵy. 2. Qoı sharýashylyǵy. 3. Jylqy sharýashylyǵy. 4. Shoshqa sharýashylyǵy. 5. Jemshóp óndirisi. 6. Jemshópti óńdeý. 7. Jaıylymdardy sýlandyrý. Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalaryna 3-qosymsha Aýyl sharýashylyǵy ónimin qaıta óńdeý salasynyń basym baǵyttary 1. Sút ónimderin óndirý; 2. Et ónimderin óndirý; 3. Maı-toń maı ónimderin óndirý; 4. Astyq daqyldaryn tereńdetip óńdeý; 5. Jemis-jıdek jáne kókónisterdi óńdeý; 6. Qant óndirý 7. Jún men terini bastapqy óńdeý. Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalaryna 4-qosymsha Qaryz alýshylarǵa kredıt berý jáne kepildendirý komıssııany ishinara tóleý týraly málimet R/s № AО́K sýbekti siniń ataýy AО́K sýbekti siniń JSN/BSN Kredıt berýshi- niń ataýy Kredıt somasy (teńge) Kepilden-dirý somasy (teńge) Komıssııa boıynsha kepil-dendirý kólemi (teńge) AО́K sýbektisi tólegen komıssııa boıynsha kepildendirýdiń bir bóligi Kepildendirý komıssııasynyń bóligin tóleý úshin qajetti sýbsıdııa somasy 1 2 3 4 5 6 7 8 9 Kepil berýshi _________________ (qoly, tegi, aty, ákesiniń aty (bar bolǵan jaǵdaıda)) Mór orny Agroónerkásiptik keshen sýbektileriniń qaryzdaryn kepildendirý men saqtandyrý sheńberinde sýbsıdııalaý qaǵıdalaryna 5-qosymsha Qaryz alýshylarǵa kredıt berý jáne kepildendirý komıssııanyń ishinara tóleý týraly málimet R/s № AО́K sýbekti siniń ataýy AО́K sýbekti siniń JSN/BSN Kredı-tordyń ataýy Kredıt somasy (teńge) Saqtandyrý somasy (teńge) Saqtandyrý syılyq-aqysynyń kólemi (teńge) AО́K sýbektisi tólegen saq-tandyrý syı-lyqaqysynyń bóligi Saqtandyrý syıaqysynyń bir bóligin tóleý úshin qajetti somasy 1 2 4 4 5 6 7 8 9 Saqtandyrý uıymynyń basshy _________________ (qoly, tegi, aty, ákesiniń aty (bar bolǵan jaǵdaıda)) Mór orny Buıryq Qazaqstan Respýblıkasynyń Ádilet mınıstrliginde 2015 jylǵy 19 qazandaǵy Normatıvtik quqyqtyq kesimderdi memlekettik tirkeýdiń tizilimine № 12183 bolyp engizildi.