Alla ózi jar bolsyn

Meıirimdi, raqymdy Allanyń aty­men bastaımyn! Meniń mańdaıyma Elbasy Nur­sultan Nazarbaevpen birneshe ret kezdesip, aýyz­ba-aýyz sóılesý baqy­ty buıyrdy. Alǵash ret 1991 jyly ol Jezqazǵan oblysyna aldaǵy bo­latyn prezıdent saılaýyna túsetin kandıdat retinde kelgende kezdestik. Men ol kezde oblystyń bas ımamy edim. Áýejaı­dan qarsy alý kezinde qa­symda oblystyń belgili aqsa­qaldary Ordabaı Isaev pen Músilim Dosmyrzaev bolǵan edi. Nurekeń bizderge kelip, bári­mizge qol berdi. Men sonda aqsaqaldarǵa júzindegi nuryn kórdi­ńiz­der me, Alla ­taǵala patsha bolatyn adam­darǵa osyndaı erekshe nur beredi degen sózdiń Kitapta baryn aıttym. Aqsaqaldar bas ızep, tańǵalyp jatty. Mine, sodan beri 20 jyl ýaqyt ótipti. Odan keıin de men Elba­symen Qaraǵandy, Soltústik Qa­zaq­stan oblystarynda, Astana men Almaty qala­larynda din ókili retinde de, Qazaqstan halqy Assam­bleıasynyń múshesi retinde de birneshe ret kezdesip, qol alystym. Sol kezderdiń bárinde de onyń júzinen Alla­nyń bergen nury taımaǵanyn, kerisinshe, buryn­ǵydan da aıshyq­tala tús­kenin barlaımyn. Din ókili retinde kezdeskende El­basy ıslamnyń jastardy durys jol­ǵa tár­bıe­leýge, ultaralyq túsi­nistik pen tózim­di­likke shaqyratyn izgi qasıetterin kóbirek ýaǵyzdaýdy tapsyratyn. О́ziniń de dinnen biligi mol ekeni ańǵarylyp turady. 2005 jyldyń 19 sáýirinde Qazaq­stan musylmandary dinı basqar­ma­synyń tór­a­ǵasy, Bas múftı Ábsat­tar qajy Derbi­sáli hazirettiń uıym­dastyrýymen Elba­sy­nyń QMDB-nyń oblystardaǵy ókil ımamda­ry­men kezdesýi boldy. Bir saǵatqa belgilengen kezdesý eki jarym saǵatqa sozyl­ǵandyǵynyń ózi kezdesýdiń qy­z­yq­ty, eki jaqqa da unamdy ót­keniniń belgisi bolsa kerek. Son­daǵy sózi men jaýaptary bizdi tańǵaldyrǵan edi. О́ıtkeni, Elbasy dinı saýaty tereń dinbasylardyń ara­synda ǵana qoldanylatyn kóptegen dinı uǵymdar men tirkesterdi oryn­dy qol­danyp otyrdy jáne dinniń qasıetin óte tereńnen tanıtynyn bildirdi. Sonymen birge óziniń mu­sylmandardyń sanaýly­laryna ǵana Allanyń qudiretimen buı­y­ratyn baqytty bastan keship, Saýd Ara­bııa­synyń patshasy Fahdtyń ruhsa­tymen qasıetti Qaǵbanyń ishine kirgenin aıtyp edi. «Qaǵbanyń ishine engende aspan men jerdiń arasynda qal­qyp bara jatqandaı boldym», al qandaı tilek tileısiz degende, elge tynyshtyq, halqyma, qazaǵyma sha­pa­ǵatyńdy ber dep tiledim, degen edi Nurekeń. Sol kezdesýde maǵan da sóıleý baqyty buıyryp, óziniń qoldaýy arqasynda Sol­tústik Qazaqstan ob­ly­synyń tarıhynda Qyzyljar qa­la­synda tuńǵysh ret óte úlken me­shittiń qurylysy aıaqtalǵaly tur­ǵanyn aıtyp, qazir qala halqy onyń sáý­letine tańyrqaı qyzyǵyp, qury­lys­­tyń tezirek aıaqtalǵanyn asyǵa kútip já­ne ony ózińizdiń ashyp ber­genińizdi qalap júr degen edim. Sol sózim aıaqsyz qalmaı, aqyry Memleket basshysy oblysqa ju­mys sapa­rymen kelgende Qyzyljar meshitin ózi ashyp, el-jurttyń alǵysyn alǵan edi. Men ózim tájik balasymyn, ot­basy­myzdaǵy 12 balanyń bári de din jolynda. О́zimniń bes balam bar, olardyń bári de qazaq mektepterinde oqıdy. 2005 jyly atalmysh kezde­sýdiń qarsańynda «Egemenge» shyq­qan maqalamda ózimniń Qazaq­standa týyp, Qazaqstan azamaty bolǵa­nymdy maqtanysh etemin degen edim. Elbasy joǵaryda atalǵan kezdesýde sol maqalany oqyǵanyn atap ótip, meniń pikirlerime rızashylyǵyn bildirdi. Mine, osyndaı kezdesýler adamnyń esinde máńgi-baqı qalatyn áserler beredi eken. Men Elbasynyń dinder arasyndaǵy túsinistikke, ózara tózimdilikke shaqyrǵan saıasatyn jan-tánimmen qoldaımyn. Rım papasy Ioann Pavel II-niń Qazaqstanǵa sapary konfessııaaralyq túsinistiktiń ar­týyna úlken úlesin qosty. Qurban aıt pen Rojdestvonyń merekelik kúnder bolyp jarııalanǵany da musylmandar men hrıs­tıandardy ózara jaqyndastyra tústi. Qa­zir hrıstıandardyń bári de musyl­man­dardy qurban aıtpen, al musylmandar pravoslavıelikterdi rojdestvomen jappaı quttyqtap jatatynyn kózimiz kórip júr. Alladan kitap túsken ıýdaızm, hrıstıan jáne ıslam dinderiniń bárinde de «Jaqyn adamyńdy ózińdeı jaqsy kór» nemese «bir senimdi ýaǵyzdaıtyn barlyq paıǵam­bar­lardyń úmbetteri – bizdiń baýyrlarymyz» degen sózder bar. Demek, bizdiń álemdik jáne dástúrli dinderimiz adamdy tek jaq­sylyqqa shaqyratynyn Elbasy tereńnen tanyp, ózara jaqyndastyqty óziniń saıa­satynda basshylyqqa alýda. Men Elbasymyzdyń prezıdenttik óki­lettigin 2020 jylǵa deıin uzar­týdy jan-tánimmen qoldaımyn. О́ıt­keni, ol Alla­nyń ózi qalap, taqqa otyrǵyzǵan súıikti quly. Ahmad jetkizgen bir hadıste «Alla taqqa otyr­ǵyzǵan ámirdi kim qurmet tutsa, Alla ony qurmet tutady» deıdi. Son­dyq­tan, Alladan qurmet kútsek, on­yń qa­laǵan qulyn da qurmetteýimiz kerek. Alla taǵala elimizdi aman, jurty­myz­dy tynysh qylyp, Elbasy­myz­dyń izgi amal­da­ryna, qaıyrly ju­mystaryna razy bolyp, árqashanda bir ózi jar bolsyn. Áýmın! Jaqııa qajy YSMAIL, din qaıratkeri, Qazaqstan halqy Assambleıasynyń múshesi.