ALMATY. 23 sáýir. Almatydaǵy Ǵ.Músirepov atyndaǵy Qazaq memlekettik akademııalyq balalar men jasóspirimder teatry 20-30 sáýir aralyǵynda Túrkııanyń Konıa qalasynda bolatyn «Myń tynys – bir daýys» atty halyqaralyq teatrlar festıvaline qatysady. Bul týraly teatrdyń baspasóz qyzmetine silteme jasaǵan egemen.kz tilshisi habarlady.
Túrkııadan bólek, Ázerbaıjan, Moldavııa, Bolgarııa, Makedonııa, Kıpr, Grýzııa, Qytaı memleketteriniń óner ordalary qatysatyn jarysqa Qazaqstan atynan atalǵan teatr ujymy joldama alǵan bolatyn.
Osymen toǵyzynshy márte uıymdastyrylyp otyrǵan bul festıvalge teatr ujymy Georgıı Hýgaevtyń «Qara shekpen» qoıylymyn daıyndaǵan. Qazaq kórermenderiniń de qoshemetine bólenip júrgen spektakldiń qoıýshy rejısseri – Qazaqstannyń eńbek sińirgen qaıratkeri Ashat Maemırov.
Túrkııada Danııar Bazarqulov, Áset Esjan, Edil Ramazanov, Janar Maqasheva, Sánııa Erzat, Darhan Súleımenov, Erlan Káribaev, Gúlbahram Baıbosynova, Erbol Sadyrbaev, Erbol Ydyrysov, Gaýhar Saǵynǵalıeva, Tolqyn Nurbekova, Qýanysh Turdalın, Móldir Qonysqyzy, Dınara Shymyrbaeva, Eldar Otarbaev syndy qazaq akterleri óz ónerlerin kórsetedi.
«Qara shekpen» spektakli 26 sáýir kúniTúrkııada kórermender nazaryna usynylady.
Aınash Esalı.
Derek foto: Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń baspasóz qyzmeti.
