Astanadaǵy «Qazaqstan» Ortalyq konsert zalynda Keńes Odaǵynyń halyq ártisi, Sosıalıstik Eńbek Eri, Bıbigúl Tólegenovanyń Táýelsizdiktiń 20 jyldyǵyna arnalǵan «Gaýhartas» atty shyǵarmashylyq keshi ótti.
Esimi ańyzǵa aınalǵan ánshi óziniń shyǵarmashylyq keshinde “Qazaq valsi”, “Bulbul”, “Qaratorǵaı”, “Gaýhartas”, “Alqońyr” sııaqty tamasha ánderdi shyrqady. Sondaı-aq ol Dj. Pýchchınıdiń «Jannı Skıkkı» operasynan Laýrettyń, Ǵ.Jubanovanyń «Eńlik-Kebek» operasynan Eńliktiń arııalaryn naqyshyna keltire oryndady.
Qazaq sahnasynyń jaryq juldyzy atanǵan óner sańlaǵynyń keshinde Bıbigúl Tólegenovamen qosa bir top izbasarlary da óner kórsetti. Atap aıtqanda, Gúljanat Sapaqova, Marjan Tórehanova, Elena Nızamýtdınova men Elena Iаroslavseva, sondaı-aq, Tolqyn Zabırova oryndaǵan ánderdi elorda halqy zor yqylaspen tyńdap, qoshemet kórsetti. Sonymen qatar, keshte Astana qalasy memlekettik fılarmonııasynyń sımfonııalyq orkestri bas dırıjeri Abzal Muhıtdınov pen Astana qalasy memlekettik fılarmonııasynyń qazaq ult aspaptar orkestri bas dırıjeri Aıtqalı Jaıymov óz ónerlerimen bólisti.
Úlken-kishi qashanda súıip tyńdaıtyn, árdaıym júzinen nury tógilip turatyn Bıbigúl Ahmetqyzy bul keshte de halqynyń erekshe iltıpatyna bólendi.
Juldyz BAIDILDA.
Sýretterdi túsirgen Orynbaı BALMURAT.
