Qostanaıdaǵy turǵyn úı

penoplast bloktarynan salynatyn boldy Qostanaı qalasynda «Báıterek» ulttyq basqarýshy holdın­giniń qoldaýymen 2016-2017 jyldary túrli qarjy­landyrý ınstıtýttaryn paıdalana otyryp, 13 mıllıard teńgege 112 myń sharshy metr qol jetimdi áleýmettik turǵyn úı salý jos­parlanýda. Osy eki jyldyń ishinde 1800-den astam otbasy baspanaly bolady. Al qurylysshy fırmalar turǵyn úıdi sapaly, tez arada salý úshin qarjymen qatar jańa tehnologııalardy, jańa qurylys materıaldaryn qoldanady. Mysaly, oblys ortalyǵynyń «Aeroport» shaǵyn aýdanynan tórt birdeı kóp qabatty úı túspek. Merdiger «Irına ı K» fırmasy onyń biriniń irgetasyn qalaýǵa kirisken. Tórt seksııadan turatyn úıde 144 páter bolady. Jyldyń ortasyna qaraı úıdiń irgetasyn endi quıyp jatqan qurylys kompanııasy jeltoqsan aıynda turǵyndarǵa páter kiltin de tapsyrmaq. Munyń barlyǵy da jańa tehnologııamen jasalǵan qurylys materıalyna baılanys­ty eken. Úı tutastaı penoplastan jasalǵan qabyrǵa bloktarmen salynady. – Penoplasty HHI ǵasyrdyń qurylys materıaly dep ataıdy. Onyń eni 30 santımetr, kirpishten salynǵan úıdiń qabyrǵasyndaı bolady. Penoplast jylytqysh materıaldyń ornyn aýystyrady. Salynǵan úı jylylyǵymen, tazalyǵymen erekshelenedi. Ka­nada men Reseıdiń kóptegen qala­larynda  turǵyn úılerdiń qan­daı túri bolsa da osyndaıdan turǵyzylady, – deıdi «Irına ı K» seriktestiginiń jetekshisi Alek­sandr Korchınskıı. Aleksandr Vasılevıchtiń aıtýynsha, penoplastan salynǵan úı kirpishten órilgen úıge qaraǵanda 25 paıyz arzanǵa túsedi. Kún ót­kizbegendikten jazda salqyn, al qysta jylýdy syrtqa shashy­ratpaǵandyqtan jyly bolady. Názıra JÁRIMBETOVA, «Egemen Qazaqstan»