AQTО́BE. 28 sáýir. Aqtóbe qalasyndaǵy «Nur Aqtóbe» shaǵyn aýdanynda «О́ńirlerdi damytý — 2020» memlekettik baǵdarlamasy aıasynda «Jas otbasylarǵa arnalǵan turǵyn úı» baǵyty boıynsha boı kótergen toǵyz qabatty jańa úıdiń páterleriniń kiltterin ıelerine saltanatty jaǵdaıda tapsyrý sharasy ótkizilip, osynshama jas otbasy qýanysh qushaǵyna bólendi. Bul týraly egemen.kz tilshisi habarlady.
Saltanatty sharada sóz alǵan qala ákiminiń orynbasary Qýantqan Álimov jas otbasylardy mereke qarsańyndaǵy mereıli sátterimen quttyqtady.
«Úsh jyldan beri oblysta «О́ńirlerdi damytý — 2020» memlekettik baǵdarlamasy aıasynda júıeli jumystar júrgizilýde .«Turǵyn úı qurylys jınaq banki» aksıonerlik qoǵamynyń belsendi jumys júrgizýimen 234 jas otbasy jaldamaly páterge qol jetkizip otyr.Elbasynyń tapsyrmasy aıasynda júzege asyrylyp jatqan osyndaı ıgi ister aldada jalǵasyn tabady», dedi ol .
Shara barysynda qala ákiminiń orynbasary Qýantqan Álimov pen «Turǵyn úı qurylys jınaq banki» AQ oblystyq fılıalynyń basshysy Nurlan Kúzembaev jas otbasylaryna páter kiltterin saltanatty jaǵdaıda tapsyryp, lenta qııý rásimin jasady
Saltanatty rásimde qýanysh ıeleri atynan sóz sóılegen Erkebulan Qanıev Elbasynyń bastamasymen júzege asyrylyp jatqan memlekettik baǵdarlamanyń jas otbasylar úshin tıimdiligi zor ekenin aıtyp, qala ákimdigi men «Turǵyn úı qurylys jınaq banki» AQ ókilderine alǵys sezimin jetkizdi.
Páter kiltteri qoldaryna tıgen jas otbasylar jaqsy bastamanyń basynda bolyp, aýlaǵa jas aǵash kóshetterin otyrǵyzdy.
Satybaldy Sáýirbaı.
Derek, foto: egemen.kz
