Toı kóıleginiń ádibi – myń jumyrtqa
Qytaı dızaıneri Kýn Nın Jer kúni qurmetine myń jumyrtqadan qalyńdyqtyń toı kóılegin tigip shyqqan.
Modeler bul kıim úlgisin Beıjińdegi oryndaýshylyq óner ulttyq ortalyǵynda kórsetken. Kýn Nın muny jasaýǵa eki kúnin arnapty. Biraq kóılekti tigý barysynda jumyrtqalardyń jarylyp ketkeni-ketpegeni týraly málimet joq.
Terlegishtigi ózine sor bolyp tur
AQSh-tyń Florıda shtatynda turatyn 28 jastaǵy Djýlı Reıdke sırek kezdesetin dıagnoz – óz boıynan aqqan terden allergııa alyp, «tunshyǵyp» qalatyn naýqasqa ushyraǵan.
Osyǵan baılanysty áıel endi óz úıinen qarǵa adym syrtqa shyǵa almaı qalǵan. Dárigerler munyń aýtoımmýndyq aýrý ekenin, bylaıynsha aty «holınergııalyq esekjem» dep atalatynyn aıtady. Áıeldiń terisi sál nársege bola terleı salatyn óte sezimtal bolyp shyqty. «Meniń ómirim – azap ómir» deıdi ol sondyqtan. Aýrýy sebepti jumysty da qoıýǵa týra kelgen.
Marqum maman – match tóreshisi
Fýtboldan Nıgerııa chempıonatynyń premer-lıgasynda kezekti matchqa qaıtys bolyp ketken maman tóreshi etip taǵaıyndalǵan.
Eldiń federasııasy qazir daǵdarystyń sharyqtaý shegine jetipti. Jergilikti sottyń sheshimimen basshy bolyp oryntaqqa otyrǵan Krıs Djıva osy tusta jeke bedelin kóterý maqsatynda ulttyq chempıonattyń kezekti týry tóreshiler brıgadasyn ózi taǵaıyndapty. Ol et qyzýymen 22 qańtarda test tapsyrý kezinde kenet ólip ketken arbıtr Ýeıl Akınsanıany «Varrı Výlvz» jáne «Gıva» komandalary arasyndaǵy oıynǵa qazylyq etýge belgilep jiberipti.
Mysyq bosaný úshin dárigerge kelgen
Túriktiń Bıtlıs degen qalasynda júkti mysyq bosaný úshin otbasy densaýlyq saqtaý ortalyǵyna ózi kelgen.
Janýar jaı kelip qoıa salmaǵan, medısınalyq mekeme esigin tyrnalaı bergen. Mysyqty qoldaryna alyp teksergen dárigerler onyń óz betinshe týa almaıtynyn anyqtaǵan. Sosyn ortalyq qyzmetkerleri jaqyn mańdaǵy veterınarlyq klınıkaǵa habarlasyp, haıýandy sonda jetkizip bergen. Al veterınarlar kóp uzamaı kesip alý jolymen mysyqty bosandyryp alǵan. Nátıjesinde dúnıege denderi saý tórt mysyq balasy kelgen.
Monahtar tóbelesine sebepshi – sadaqa
Qytaıda din qyzmetkerleri qaıyr-sadaqany ózara bólisý kezinde kelýshilerdiń turǵandaryna qaramastan, bir-birlerimen tóbelesken.
Jelige tarap ketken vıdeoda monahtardyń bir-birlerine qalaı tarpa bas salyp, judyryq ala júgirgenderi kórsetilgen. Ádepkide olar ózderin ózderi ajyratpaqshy bolady. Biraq shamalary kelmeı bara jatqasyn, kelýshilerdi de kómekke shaqyrǵan. Al tóbeleske áldekimderdiń sadaqa retinde berip ketken aqshasy sebepker bolǵan.
Sıam egizderiniń beti bir bolyp shyqty
Úndistannyń shyǵysyndaǵy aýrýhanalardyń birinde deneleri bólek bolǵanymen, betteri ortaq sıam egizderi týyldy.
Biraq olar jaryq dúnıege kelgennen keıin bar-joǵy 6 mınýt qana ómir súrgen. Dárigerler nárestelerdi kesip alardyń aldynda olardyń sıam egizderi ekenin bilgen. Al syrtqy kelbetterin tek jaryp alǵannan keıin ǵana kórgen.
Aptanyń eki kúni ǵana jumys
Venesýela memlekettik qyzmetkerleri uıymdar men kásiporyndarda elektr qýatyn únemdeý maqsatynda endi aptasyna eki kún ǵana jumys isteıtin bolyp otyr.
Eldiń vıse-prezıdenti Arıstobýlo Istýrıs osyny habarlaı otyryp, jumys kúnderiniń dúısenbi men seısenbi kúnderine belgilengenin de aıtty. Budan buryn bılik jumany jumys jasamaıtyn kún retinde jarııalaǵan bolatyn.
Kóp aldynda ótinse de keshirmedi
Abý-Dabı telearnasynda júrgizýshi Djordj Karadahı áıeli opasyzdyq jasady degen kúdikpen ajyrasyp ketken mysyrlyq erli-zaıyptylardy tatýlastyra almady.
Tikeleı efırde júrgen habarǵa qatysqan áıel betine nıkab kıip kelip, óziniń jas jigitpen telefon arqyly istegen áreketi úshin kúıeýinen keshirim suraǵan. Biraq onyń Mýhammad esimdi kúıeýi áıeline ózin mıllıondaǵan jurttyń kóz aldynda masqaralaǵany úshin endi múldem keshirmeıtinin aıtyp, úzildi-kesildi qarsylyq bildirgen.
Aqparat agenttikteriniń materıaldary negizinde daıyndaldy.
Qytaı dızaıneri Kýn Nın Jer kúni qurmetine myń jumyrtqadan qalyńdyqtyń toı kóılegin tigip shyqqan.
Modeler bul kıim úlgisin Beıjińdegi oryndaýshylyq óner ulttyq ortalyǵynda kórsetken. Kýn Nın muny jasaýǵa eki kúnin arnapty. Biraq kóılekti tigý barysynda jumyrtqalardyń jarylyp ketkeni-ketpegeni týraly málimet joq.
Terlegishtigi ózine sor bolyp tur
AQSh-tyń Florıda shtatynda turatyn 28 jastaǵy Djýlı Reıdke sırek kezdesetin dıagnoz – óz boıynan aqqan terden allergııa alyp, «tunshyǵyp» qalatyn naýqasqa ushyraǵan.
Osyǵan baılanysty áıel endi óz úıinen qarǵa adym syrtqa shyǵa almaı qalǵan. Dárigerler munyń aýtoımmýndyq aýrý ekenin, bylaıynsha aty «holınergııalyq esekjem» dep atalatynyn aıtady. Áıeldiń terisi sál nársege bola terleı salatyn óte sezimtal bolyp shyqty. «Meniń ómirim – azap ómir» deıdi ol sondyqtan. Aýrýy sebepti jumysty da qoıýǵa týra kelgen.
Marqum maman – match tóreshisi
Fýtboldan Nıgerııa chempıonatynyń premer-lıgasynda kezekti matchqa qaıtys bolyp ketken maman tóreshi etip taǵaıyndalǵan.
Eldiń federasııasy qazir daǵdarystyń sharyqtaý shegine jetipti. Jergilikti sottyń sheshimimen basshy bolyp oryntaqqa otyrǵan Krıs Djıva osy tusta jeke bedelin kóterý maqsatynda ulttyq chempıonattyń kezekti týry tóreshiler brıgadasyn ózi taǵaıyndapty. Ol et qyzýymen 22 qańtarda test tapsyrý kezinde kenet ólip ketken arbıtr Ýeıl Akınsanıany «Varrı Výlvz» jáne «Gıva» komandalary arasyndaǵy oıynǵa qazylyq etýge belgilep jiberipti.
Mysyq bosaný úshin dárigerge kelgen
Túriktiń Bıtlıs degen qalasynda júkti mysyq bosaný úshin otbasy densaýlyq saqtaý ortalyǵyna ózi kelgen.
Janýar jaı kelip qoıa salmaǵan, medısınalyq mekeme esigin tyrnalaı bergen. Mysyqty qoldaryna alyp teksergen dárigerler onyń óz betinshe týa almaıtynyn anyqtaǵan. Sosyn ortalyq qyzmetkerleri jaqyn mańdaǵy veterınarlyq klınıkaǵa habarlasyp, haıýandy sonda jetkizip bergen. Al veterınarlar kóp uzamaı kesip alý jolymen mysyqty bosandyryp alǵan. Nátıjesinde dúnıege denderi saý tórt mysyq balasy kelgen.
Monahtar tóbelesine sebepshi – sadaqa
Qytaıda din qyzmetkerleri qaıyr-sadaqany ózara bólisý kezinde kelýshilerdiń turǵandaryna qaramastan, bir-birlerimen tóbelesken.
Jelige tarap ketken vıdeoda monahtardyń bir-birlerine qalaı tarpa bas salyp, judyryq ala júgirgenderi kórsetilgen. Ádepkide olar ózderin ózderi ajyratpaqshy bolady. Biraq shamalary kelmeı bara jatqasyn, kelýshilerdi de kómekke shaqyrǵan. Al tóbeleske áldekimderdiń sadaqa retinde berip ketken aqshasy sebepker bolǵan.
Sıam egizderiniń beti bir bolyp shyqty
Úndistannyń shyǵysyndaǵy aýrýhanalardyń birinde deneleri bólek bolǵanymen, betteri ortaq sıam egizderi týyldy.
Biraq olar jaryq dúnıege kelgennen keıin bar-joǵy 6 mınýt qana ómir súrgen. Dárigerler nárestelerdi kesip alardyń aldynda olardyń sıam egizderi ekenin bilgen. Al syrtqy kelbetterin tek jaryp alǵannan keıin ǵana kórgen.
Aptanyń eki kúni ǵana jumys
Venesýela memlekettik qyzmetkerleri uıymdar men kásiporyndarda elektr qýatyn únemdeý maqsatynda endi aptasyna eki kún ǵana jumys isteıtin bolyp otyr.
Eldiń vıse-prezıdenti Arıstobýlo Istýrıs osyny habarlaı otyryp, jumys kúnderiniń dúısenbi men seısenbi kúnderine belgilengenin de aıtty. Budan buryn bılik jumany jumys jasamaıtyn kún retinde jarııalaǵan bolatyn.
Kóp aldynda ótinse de keshirmedi
Abý-Dabı telearnasynda júrgizýshi Djordj Karadahı áıeli opasyzdyq jasady degen kúdikpen ajyrasyp ketken mysyrlyq erli-zaıyptylardy tatýlastyra almady.
Tikeleı efırde júrgen habarǵa qatysqan áıel betine nıkab kıip kelip, óziniń jas jigitpen telefon arqyly istegen áreketi úshin kúıeýinen keshirim suraǵan. Biraq onyń Mýhammad esimdi kúıeýi áıeline ózin mıllıondaǵan jurttyń kóz aldynda masqaralaǵany úshin endi múldem keshirmeıtinin aıtyp, úzildi-kesildi qarsylyq bildirgen.
Aqparat agenttikteriniń materıaldary negizinde daıyndaldy.
