Búginde elimizge týrısterdi kóbirek tartýdyń joldary izdestirilip jatyr. Ońtústik Qazaqstan oblysy ákimdiginiń uıytqy bolýymen týrızmdi damytý baǵdarlamasy boıynsha «Kóne Túrkistan» tujyrymdamasy ázirlengen. IýNESKO baǵdarlamasyna engen Qoja Ahmet Iаsaýı kesenesi janynda jer asty meshiti, kóne monsha sııaqty tarıhı oryndar kóp.
Búginde osynyń bári qalpyna keltirilip jatyr. Qala ákimi Álipbek О́serbaevtyń aıtýynsha, kesene tóńireginde eni 4 metr, bıiktigi 6 metr qorǵan turǵyzylady. Ortaǵasyrlyq ǵımarattar, qorǵannyń syrt jaǵynan kóne Rabat qalasy men Tım bazary qaıta qalpyna keltiriledi. Kerýen saraıdaǵy shaıhana men Shyǵys medısınalyq ortalyǵy, etnoaýyl men Turan halyqtarynyń áskerı murajaıy, shaǵyn kóli bar saıabaq ta salynbaq. Tarıhı-mádenı etnografııalyq ortalyqta mádenıetimiz ben salt-dástúrimiz saltanat qurady. Munda eski murany qaıta tiriltip jatqan qolónershiler mektebi bar. Olar óz qataryna jas jetkinshekterdi alyp, qolónerge baýlyp jatyr.
Týrıster Túrkistanǵa kelgende orta ǵasyrdaǵy qalaǵa kelgendeı áserde bolý úshin kóp jumystar jasalyp jatyr, – deıdi qala ákimi. Byltyr saıahatshylar esebinen qazynaǵa 4 mlrd. teńgedeı qarajat túsipti. Iаǵnı, tabysty molaıtýǵa negiz bar. «Uly Jibek joly» boıynda ornalasqan Túrkistannan 20 shaqyrym jerde kóne Saýran qalashyǵy menmundalaıdy. Túrki halyqtarynyń rýhanı ortalyǵyna arnaıy kelgen sheteldik týrıster elimizdiń baı tarıh, sáýlet ónerinen úlken áser alǵandyqtaryn aıtady.
Baqtııar TAIJAN,
«Egemen Qazaqstan» Ońtústik Qazaqstan oblysy
