*1 mamyr – Qazaqstan halqynyń birligi kúni

Yntymaq, birlik, kelisim – Eń basty baılyq el úshin!

«Máńgilik El» oqýlyǵy –  keleshektiń tutqasy

Elbasymyz N.Á.Na­zar­­baev­tyń «Máńgilik Elge» aparatyn basty qun­dylyqtar týraly Qa­zaqstan halqy Assam­bleıasynyń HHIV sessııasynda sóılegen sózi Qazaqstannyń ulttyq ıdeıasynyń negizgi maqsatyn aıqyndap bergen negizgi qujat boldy dep sanaımyn. «Máńgilik Eldiń» tiregi, bolashaq qury­lysshylary, qaı­rat­kerleri – keıingi tolqyn jas qaýym ekeni sózsiz. Jastar – mem­leketimizdiń bolashaq taǵ­dyryna jaýapty urpaq. Álemdik qo­ǵamdastyqta olar áleýmettik ózgeristerdiń  mańyzdy sýbektisi, qoǵamnyń adamgershilik deńgeıi­niń kórsetkishi, óte úlken ınno­vasııalyq kúsh pen strategııalyq resýrs bolyp tabylady. Biz jas­tarymyzdyń, ásirese, stýdent-jas­tarymyzdyń ulttyq sana-sezimderi, soǵan sáıkes eljan­dylyq qasıetteriniń qalaı qalyp­tasatynyna nemquraıly qaraı almaımyz. Sondyqtan da,  bolashaq joǵary bilikti mamandardyń bıik ulttyq sana-sezimin qalyptastyrý elimizdiń joǵary oqý oryndarynda oqý úderisine «Máńgilik El» pánin engizýdi talap etedi. Osyǵan oraı, elimizdegi pedagogıkalyq joǵary oqý oryndarynyń kóshbasshysy, qazaq joǵary biliminiń qarashańyraǵy – Abaı atyndaǵy Qazaq ulttyq pedagogıkalyq ýnıversıteti Qazaqstanda birinshi bolyp oqý úderisine «Máńgilik El» pánin engizý jóninde bastama kóterip, bul pándi oqytýǵa arnalǵan tujyrymdama men oqý baǵdarlamasyn jasady jáne «Máńgilik El» oqýlyǵyn daıyndap, baspadan shyǵardy. Sondaı-aq, ýnıversıtetimizde osy pándi oqý úderisine engizý máselesi boıynsha respýblıkalyq keńes ótkizildi. Bul keńes «Máńgilik El» pánin oqý úderisine engizý jóninde Bilim jáne ǵylym mınıstrligine usynys jasaǵan qarar qabyldady. Al endi osy «Máńgilik El» pániniń ıdeıasyn  halyqtyq dástúr men otandyq múdde týraly tolyq túsinikti qalyptastyratyn, áleýmettik-mádenı keńistiktegi qazaq bolmysynyń mán-maǵynasyn ashyp beretin, óz atamekenimizde erkin de birdeı ómir súretin adamdardyń ishki rýhanı jáne qoǵamdyq ómirin aıqyndaıtyn ustanymdar quraıtynyn, bul nysan Qazaq elin tulǵalyq, ulttyq, memlekettik, qoǵamdyq qundylyqtarymen tolyqtyra túsýdi mindet tutatynyn aıta ketkenim oryndy bolar. «Máńgilik Eldiń» erteńgi tutqalary bolatyn jastardy tárbıeleý jáne qalyptastyrý – búgingi orta mektep pen joǵary oqý oryndarynyń mindeti ekenin umytpaǵanymyz abzal. Bul turǵyda elimizdiń pedagogıkalyq joǵary oqý oryndaryna júkteler mindet te aýqymdy. О́ıtkeni, pedagogıkalyq joǵary oqý oryndary bolashaq mektep muǵalimderin daıarlaıdy. Al olar óz kezeginde mektep shákirtterin oqytatyndyqtan bo­lashaq «Máńgilik El»  tutqasyn qalyptastyrý muǵalimniń eljan­dy­lyǵyna tikeleı baıla­nysty. Sondyqtan, peda­gogı­kalyq joǵary oqý oryn­dary óz elin, óz jerin, otanyn, halqyn, ultyn shyn súıetin, halq­ymyzdyń ata dástúr, salt-sanasyn, máde­nıetin, tilin tereń meń­­gergen mamandar tár­bıelep shyǵa­rýy tıis. Bul mamandar erteń­gi mektep shákirtterin tárbıe­leýi kerek. Halqymyzda «Bir jyldyǵyn oılaǵan astyq ósiredi, on jyl­dyǵyn oılaǵan aǵash ósiredi, al júz jyldyǵyn oılaǵan urpaq ósiredi» degen ulaǵatty sóz bar. Olaı bolsa, qol jetkenge toqmeıilsimeı, bolashaǵymyzdy oılaıtyn, ony jobalap-josparlaıtyn, jas urpaqty naǵyz ulttyq qundylyqtarǵa tárbıeleıtin jańa ǵasyrdyń «jańa muǵalimderin» daıarlaıtyn kez jetti. Sondyqtan, mejelep otyrǵan mindetterimiz de salmaqty. Túpki maqsatymyz – bolashaq muǵalimderdiń tár­bıe­shilik, pedagogtyq áleýetin, qabi­letin ashý, naǵyz qazaqy, ultjan­dy mamandar daıarlaý. Biz Bolon (Italııa) konvensııasyna qol qoıyp, álemdik bilim stan­darttaryna umtylǵanda Eýro­pa ýnı­ver­sıtetteriniń úlgisin sol qal­pynda kóshirip ákelip, ornata salýdy maqsat tutpaımyz. О́z kezeginde Eýropa ýnıversıtetteriniń bilim berýdegi ozyq tájirıbelerin, ınnovasııalyq tehnologııalaryn alamyz da, ony ózimizdiń ǵasyrlar boıy qalyptasqan ulttyq tárbıe qundylyqtarymyzben baıytyp, qunarlandyra otyryp paıdalanamyz. Búgingi jedel qarqynmen órship kele jatqan jahandaný úderisi  adamzattyń ulttyq erekshelikterin qurdymǵa ketirip, óz ústemdigin júr­gizýde. Jahandaný barysynda  Batys «mádenıetiniń» basym­dyq tanytýy jergilikti halyq­tyń baıyrǵy ulttyq sıpatynyń joǵalýyna túrtki bola ma degen qaýip te bar. Sondyqtan, jahan­danýdyń dúleı tolqynynda juty­lyp ketpeý úshin bizge ulttyq tár­bıeni kúsheıtý kerek. Ulttyq tárbıeniń eń mańyzdy ereksheligi adamdardy ulttyq qasıetin saqtaýǵa úıretý der edik. Árbir jeke adam áýeli óziniń belgili bir ulttyń múshesi ekenin ishteı tereń sezinip, jalpyadamzattyq qoǵamǵa laıyq ómirden, qoǵamnan óz ornyn belgileýi tıis. «Máńgilik El» bolýymyz úshin búgingi tańda bizdiń árbireýimiz birtutas ult­tyq bitim-bolmysymyzdy, ulttyq oılaý mashyǵymyzdy, erekshe­lik­terimizdi saqtap qalýymyz qajet.  Serik PIRÁLIEV, Abaı atyndaǵy  Qazaq ulttyq  pedagogıkalyq ýnıversıtetiniń rektory, UǴA akademıgi, pedagogıka ǵylymdarynyń doktory, professor ALMATY

Erteńdi oılasaq, eńseli bolamyz

 Únemi alǵa jyljyǵan qoǵamnyń murattary bıik bolady. Astanadaǵy Beıbitshilik jáne kelisim saraıynda úlken órleý ústinde ótkizilgen Qazaqstan halqy Assambleıasynyń «Táýelsizdik. Kelisim. Bolashaǵy Birtutas Ult» kún tártibimen ashylǵan XXIV sessııasy osynaý ustanymnyń berik ekendigin dáleldeı tústi. Ásirese, Elbasy Nursultan Nazarbaevtyń «Máńgilik El» Patrıottyq aktisi beıbitshilik pen kelisimniń jańa kezeńin pash etedi», – degen sózderi táýelsiz Qazaqstanymyzdyń maqsaty berik, tuǵyry bıik ekendigin pash etti. Yntymaq pen berekeniń uıasy retinde álemge ónege shashyp otyrǵan Qazaqstan halqy Assambleıasynyń sessııasynda Patrıottyq akt qabyldanýy aıryqsha mándegi qadam ekendigin, sonymen qatar beıbitshilik belesteriniń búgingi kúrdeli aǵymyn da bildiredi. Elbasy, QHA Tóraǵasy N.Nazarbaev: «Biz «Máńgilik El» Patrıottyq aktisin saltanatty jaǵdaıda qabyldadyq. Osy akti arqyly barsha qazaqstandyqtardyń dostyq, beıbitshilik pen kelisimniń biryńǵaı qujatyn qabyldaǵandy. Patrıottyq aktide uly qundylyqtar qamtylyp otyr. Ondaı qundylyqtar – bizdiń halqymyzdyń erik-jigeriniń, dana sheshiminiń kórinisi. Akt kabınetterde oılastyrylǵan qujat emes, ol – Táýelsizdigimizdiń jemisi», deý arqyly bul úrdiske erekshe ekpin túsirip otyr. Asqaq rýh, jańa serpilis ústindegi sessııanyń jumysyna qoǵam músheleriniń barlyq býyndaǵy ókilderi qatysty. Minberge kóterilgen delegattardyń bizdiń asyl qundylyqtarymyzdy aıryqsha baǵalap, qasterleıtini kórinip turdy. Olardyń oı-paıymdary Qazaqstan Prezıdentiniń jasampaz usynystarymen úndes kelgenin atap ótkim keledi. Máselen, kópultty, kóp konfessııaly qoǵamnyń ustyndaryn bekemdeý máselesinde tolyq túsinistik aýany qalyptasty. Eń bastysy – ult emes, azamattyq. Nursultan Ábishuly uǵymnyń keńeıýin bylaısha túsindirdi: «Osyǵan baılanysty atap ótkim keledi, eń bas­tysy – azamattyq, ult emes. Azamattyq degen – ol elimizdiń barlyq azamaty bir zańmen, Konstıtýsııamen ómir súredi degen sóz. Bári osy bir ǵana zańǵa baǵynýy kerek. Rım ımperııasynda azamattar boldy, ult emes. Tipti, latyn tilinde «ult» degen sóz «jańa týǵan» degendi bildiredi eken. Al biz osy «ult» degen máseleni ne qylyp jiberdik? Sondyqtan da, birtektilik degenimiz ózińniń ulttyq erekshelikterińdi joǵaltpaý, tarıhyńdy, mádenıet pen tilińdi umytpaý degendi bildiredi. Al azamattyqta – biz birdeımiz». Bul sózderdiń astarynda kóp maǵyna jatqanymen, qarapaıym tujyrym – Qazaqstan barshamyz úshin jaıly meken bolýy qajet. Muny men óz basymnan ótkerdim. Saıası qýdalaý jyldary jer aýdarylǵan balqar balasy Qazaqstanda oqyp-ónip, erjettim. Adal eńbektiń jemisin kórip otyrmyn. Eńbek baǵalaıtyn qoǵamnyń arqasynda eń joǵary marapattarǵa ıe boldym. TMD elderinde halyqtar dostyǵyn qaster tutýdyń bir úlgisi – Assambleıa boldy. Men az halyqtyń ókili bolsam da №1 «Dostyq» ordenin omyraýyma taǵyp júrgenimdi maqtan etemin. Bul azamatyn ardaqtaǵan eldiń mereıi árdaıym ústem ekendigin bildiredi. Erteńin oılaǵan eldiń eńsesi bıik bola bergeı.  Ibragım JANǴORAZOV, «Ijevskıı» О́K bas dırektory, QHA múshesi, Sosıalıstik Eńbek Eri  Aqmola oblysy, Arshaly aýdany

Birtutas ult – irgesi ajyramaıtyn shańyraq

Biz búgingi kúnniń ashy shyndyqtaryn kózben kórip otyrmyz. Keshe ǵana aǵaıyn bolyp, bir-biriniń tileýin tilep kelgen memleketter endi qaıtip kórispeıtindeı kúıge jetti. Nege týysqan halyqtar arasynda ortaq túsinistik, ashyq únqatysý joq? Nege olar bir-birimen túsinispeıtin, túsinýge de tyryspaıtyndaı halge tústi?! Beıbit ómirdi, ashyq kúnde oq atylmaýyn qalaıtyn adamdardyń bári osyndaı áreketterge ókinedi. Keıbir memleket basshylarynyń óz múdde qaqtyǵysyn halyqtan bıik qoıatynyna narazy bolady. Til-kóz tasqa, Qazaqstan mundaı indetten aýlaq. Bul – bizdiń Elbasymyz Nursultan Nazarbaevtyń syndarly saıasatynyń úlken jemisi. Memleket basshysy Qazaqstan halqy Assambleıasynyń «Táýelsizdik. Kelisim. Bolashaǵy Birtutas Ult» ataýymen ótken XXIV sessııasynda esti jan uǵarlyqtaı taǵylymdy sózder aıtty. Elimizde turatyn barlyq ulttar men ulystardyń bir úıdiń balasyndaı bolyp uıysýy ońaı bolmaǵandyǵyn bárimiz de bilemiz. Qazaqstandaǵy tatý ómirdi shaıqaý, el berekesin alý úshin ártúrli nıeti haram uıym qarjylandyrǵan azamattar alýan sherý uıymdastyryp, ulttardy bir-birine aıdap salýǵa tyrysty. Keıde degenderine jetip te jatty. Osyndaı syn saǵattarda Nursultan Ábishulynyń bar­lyq qazaqstandyqty bir múdde, bir maqsatqa birik­tirý baǵytyndaǵy saıasa­ty elimizdi túrli qaqty­ǵys­tardan aman saqtap, búgin­gideı mamyrajaı zamanǵa jetkizdi. Biz muny eshqashan umytpaýymyz kerek. Qazaqstan halqy Assam­bleıasy sessııasynda «О́mirden arman týyndatyp, armannan shynaıy bolmysty somdaý kerek. Jalpyulttyq armanymyzdy biz osylaı júzege asyramyz. Qýatty, laıyqty jáne máńgilik memleket týraly armanymyzdy. Keń-baıtaq, súıikti jáne kıeli jerimizdi kórkeıtý týraly armanymyzdy. Uly Dala eli keńistigindegi záýlim aspanmen astasqan shańyraq astynda tatý-tátti ómir súretin baqytty jáne beıbit halqymyz týraly armanymyzdy. Men búgin Assambleıa sapyna ony budan jıyrma jyl buryn menimen birge qurysqan jáne bastapqy tarıhı sessııalary men sheshimderin ázirleskenderdiń eseıgen balalary qosylyp jatqanyn kórip turmyn. Bul – qazaqstandyqtardyń urpaq sabaqtastyǵynyń aıqyn aıǵaǵy», dedi Memleket basshysy. Cheshenstanǵa saparǵa barǵandar bıik ǵımarat qabyrǵasynda Reseı Prezıdenti Vladımır Pýtınmen birge Qazaqstan Prezıdenti Nursultan Nazarbaevtyń portreti ilýli turǵandyǵyn aıtyp keledi. Ol zańdy. О́ıtkeni, myńdaǵan taýlyqtar ekinshi dúnıejúzilik soǵys kezinde óz týǵan jerinen kúshpen kóshirilip, qazaq halqynan pana tapty. Taıpa aqsaqaldary kúni búginge deıin «qazaqtar bizdi ashtyqtan aman alyp qaldy. Baýyryna tartty. Olardy syılańdar» dep aıtyp otyrady eken. «Biz dostyqty qazaqstan­dyq­tardyń barlyq býynynyń basty ıgiligi retinde saqtaı bildik. Bizdiń biregeı jolymyz – teń quqyqtylyq, bir shańyraq astynda ómir súretin barlyq etnostyń birligi men kelisimi halyqtyń tilek-qalaýymen tańdaldy. Qazaqstan halqy Assambleıasy – Táýelsizdik jemisi. Assambleıa kez kelgen syn-qater tóngen kezde jáne Táýel­sizdiktiń barlyq kezeńinde árdaıym bıikten tabyldy. Onyń tarıhyn­da bizdiń ulttyń órleý dáýiriniń kezeńderi men naqty nátıje­leri kórinis tapqan», – dedi Memleket basshysy. Kúsh – birlikte, túsinistikte. Bú­gingi bizdiń maqsatymyz – birligimiz ben yntymaǵymyzǵa syzat túsirmeý. Qazaqstan halqy Assambleıasynyń eń basty maqsaty da osy qundylyqtar dep oılaımyz. Muratáli QALMURATOV, Ońtústik Qazaqstan oblystyq Qazaqstan halqy Assambleıasy hatshylyǵynyń meńgerýshisi  Ońtústik Qazaqstan oblysy

Eń bastysy – birigý

Memleket basshysy Nursultan Nazarbaev Qazaqstan halqy Assambleıasynyń XXIV sessııasynda sóılegen sózinde qazirgi tańda elimizdiń aldynda turǵan qadaý-qadaý mindetterdi shegelep aıtyp berdi. Onyń qaı-qaısy da búgingi kúnniń eń ózekti máselelerin qamtıdy. Sonyń ishinde maǵan Elbasynyń azamattyq pen azamattylyq uǵymdaryna qatysty tereńnen tolǵap aıtqan parasatty da paıymdy sózderi úlken áser etti. Jasyratyny joq, osy kezge deıin keıbir otandastarymyz azamattyq degen qasıetti de qasterli uǵymnyń túp-tórkinine tereńdep boılaı almaı júrgendeı kórinedi. Aramyzda onyń dál maǵynasy qandaı ekenin de ajyrata almaı qalatyndar joq emes. Prezıdenttiń azamattyq uǵymyna qatysty aıtqan tereń tolǵa­nys­tary sonyń bárine naqty jaýap boldy degen oıdamyn. Iаǵnı, Elbasynyń málimdeýinshe, aza­mat­tyq jáne azamattylyq uǵymdary ult nemese belgili bir ult ókili degen túsinikti tanytpaıdy. Eń bastysy, ult emes, azamattyq dep atap kórsetti N.Á.Nazarbaev. Buǵan bárimiz de qol qoıamyz. О́ıtkeni, respýblıkanyń barlyq azamattary Qazaqstan Konstıtýsııasyna sáıkes ómir súrip, eńbek etedi. Ári otandastarymyzdyń bári de elimizdiń Ata Zańyna bas ıedi, oǵan qaı kezde de qurmetpen qaraı alady desem, qatelespeıtin shyǵarmyn. Bul jerde túsiniksiz bolatyndaı eshteńe joq. Bar bolǵany tek osy ǵana. Iаǵnı, bul el zań­yn oryn­daý jáne qurmet­teý. Bul oraıda Nursul­tan Ábishuly álemdegi eń ejelgi memlekettilikter tarıhynan da mysaldar keltirdi. Sonyń biri erte zamandaǵy Rım ımperııasy desek, munda da Memleket basshysy atap kórsetkendeı, birinshi kezekke ult emes, azamattyq alǵa shyqqan eken. Árıne, bul arada Qazaqstandy mekendeıtin ózge ult ókilderiniń etnostyq erekshelikteri, olardyń tarıhy men tiliniń saqtalýy jónindegi másele azamattyqqa eshqandaı kóleńkesin túsire almaıdy. Bul másele elimizde etnomádenı birlestikterdiń qurylýy arqyly sheshimin taýyp kele jatqany aıtpasa da túsinikti. Sonyń báriniń qozǵaýshysy Qazaqstan halqy Assambleıasy ekeni taǵy da talassyz. Qalaı degende de, azamattyq máselesine kelgende barlyq qazaqstandyqtar birtutas, eshqaısysy bir-birinen bólshektenbeıdi, bólinbeıdi. Bolashaǵy birtutas ult uǵymynyń tórkininde mine, osyndaı baǵa jetpes qundylyq jatqany anyq. Assambleıa sessııasynda Prezıdent barsha respýblıka halqyna óz júregin jaryp shyqqan aq adal sózin aıtqanyn tereńnen túısindim. О́tken jyly Prezıdent saılaýyna el turǵyndarynyń 85 paıyzy qatysyp, 92 paıyzy daýys bergenin estigende Nursultan Ábishuly qatty tolqyp, tebirengenin jetkizdi. О́ıtkeni Nur-aǵamyz osy sátte respýblıkada birtutas ult qalyptasyp qalǵanyn tuńǵysh ret sezinipti. Munyń ózi elimizdegi barlyq etnostyq toptardyń Qazaqstan dep atalatyn alyp shańyraqtyń astyna toptasyp, birige túskendigin kórsetpeı me? Mine, Elbasy atap kórset­ken­deı, barlyq máseleniń kilti osynda. Bizge eń basty keregi de osyn­daı toptasý men birigý emes pe? Barlyq qazaqstandyqtardyń mun­daı deńgeıge jetýi, Máńgilik El atanýy úshin bir kisideı eseli eńbekkke jumylýy, sóz joq, atap aıtýǵa turarlyqtaı máse­le. Aýyzbirshiliktiń basty kóri­nisi dep osyny aıtyńyz. Biz dál osy birlik pen kelisimdi kóz­diń qara­shyǵyndaı saqtaı bilsek, eldiń týy eshýaqytta jyǵyl­maıdy. Vıktor FOMIN, Batys Qazaqstan oblystyq balalar men jasóspirimder týrızmi ortalyǵynyń dırektory  ORAL

Yntymaǵymen erekshelengen el

Elbasymyz Nursultan Nazarbaev kóp ultty memleketimizde yntymaq pen birlikti nyǵaıta túsý úshin qyrýar ister tyndyrýda. Qazaqstandyqtar úshin de keregi – osyndaı berekeli de beıbit ómir. Prezıdentimiz N.Á.Nazarbaevtyń sarabdal saıasaty men onyń el basqarýdaǵy kóregendigin tek qazaqstandyqtar emes, álem elderi moıyndap otyr. «Táýelsizdik. Ke­li­sim. Bolashaǵy Bir­tutas Ult» taqyryby aıasynda ótken Qazaq­stan halqy Assam­bleıa­synyń XXIV ses­sııasynda mem­le­ket­tiń bolashaǵy men halyqtyń yntyma­ǵyn arttyrýdy kózdeı­tin mańyzy joǵary qun­dylyqtar sóz boldy. Mem­leket basshysy Qazaqstan hal­qy Assambleıasy bizdiń Táýelsiz­digimizdiń uly qundylyqtarynyń biri ekenin atap ótti. Shynynda, Elbasy aıtqandaı, Qazaqstan halqy Assambleıasy – Táýelsizdik jemisi. Assambleıa kez kelgen syn-qater tóngen kezde jáne Táýelsizdiktiń barlyq kezeńinde árdaıym bıikten tabyldy. Onyń tarıhynda bizdiń ulttyń órleý dáýiriniń kezeńderi men naqty nátıjeleri kórinis tapqan. Qaı dáýirdi alyp qarasaq, tarıhtyń kómeski tartqan bet­terin paraqtasaq Qazaq eli ejel­den bitimgerligimen, araaǵaıyn­dyǵymen, dostyq qarym-qaty­nasymen erekshelengenin bilemiz. Yrystyń, bereke ataýlynyń bastaýy ásilinde dostyqta, adam­gershilik qasıetterde jatqany málim ǵoı. Yntymaq bar jerde jaqsylyq ústemdik qurady. Eldiń peıili keń bolǵannan eshkim de kem bolmaıdy. Búgingideı úlken úderispen damyp jatqan jahanda el ishindegi tatýlyqty saqtaı otyryp, ulttar arasyndaǵy dostyq qatynasty nyqtaı bilý – úlken paryz. Mindet. Kezinde Qaz daýysty Qazybek bıdiń ózi «Eshkimge soq­tyqpaı jaı jatqan elmiz» dep qa­zaq halqynyń bolmysyn, adamı asyl, izgi qasıetterin bir aýyz sóz­ben ǵana órnektep, bederlep aıtqan ǵoı. Iá, bizdiń Táýelsiz Otany­myz Qazaqstanda tatý-tátti ǵumyr keship jatqanymyz Elba­sy Nursultan Ábishuly Nazarbaevtyń eren eńbeginiń arqasy ekeni talas týdyrmaıdy. «Qu­daı qalaǵan han bolady» degen ejel­den aıtylyp kele jatqan sózdiń qa­sıetin jaqsy túsinetin el azamattary ulttar arasyndaǵy dostyqty árdaıym bıik qoıyp kele­di. Beıbit eldiń yrysy tasıtyny da sondyq­tan. «El birligin saqta­ǵan tatýlyqty aıt» demekshi, qazir biz aınala­myzǵa barlap kóz salsaq, nebir zulymdyq, ashkózdik, lańkestik sekildi oqıǵalardy kóremiz. Álemde oryn alyp jatqan osyndaı qanypezerlik áreketterge janymyz aýyrady. О́ıtkeni, uly ǵulama Abaı Qunanbaev «Adamzattyń bárin súı baýyrym dep», degen tereń oıly sózimen adamzat ataýlyny izgi oılarǵa umtylýǵa shaqyrǵan ǵoı. Bizde shúkir, dinimiz ben tilimiz, dilimiz qalypty yrǵaqpen damyp otyr. Barlyq ult pen ulystardyń quqyǵy teń dárejede saqtalǵan. Elimizde shoǵyrlanǵan ult pen ulys ókilderiniń bári de meıirban qazaq halqyna tek qana alǵys aıtady. Irgemizdiń berik, shańyraǵymyzdyń nyq turýy – sózsiz Memleket basshysynyń syndarly saıasatynyń jemisi. Táýelsizdik jyldarynda Qazaqstannyń ekonomıkalyq turǵyda ál-aýqaty jyl sanap artpasa, kemigen emes. «Qolymnan is keledi» degen adamdardyń barlyǵyna da jaǵdaı jasalyp otyr. «Qoly qımyldaǵannyń aýzy qımyldaıdy». Etken eńbektiń óteýi óz nátıjesin berýde. Munyń bári Qazaqstan halqyna jasalyp otyrǵan úlken qamqorlyq ekeni daýsyz. Sol úshin de memleket tizginin ustaǵan azamattarǵa alǵystan basqa aıtarymyz joq. Jańarǵan, jasarǵan Otanymyzdyń gúldenýi, sáýleti kelisken eńseli ǵımarattardyń boı kóterýi, táýelsizdik jyldarynda elimizde kóptegen halyqaralyq deńgeıdegi sharalardyń ótkizilýi – memleket mereıiniń artqanyn, dáýletiniń ústemelene túskenin aıǵaqtasa kerek.  Aleksandr GIBNER, Jambyl oblystyq nemis etnomádenı birlestiginiń tóraǵasy  Jambyl oblysy