ALMATY. 1 mamyr. Almaty qalasyndaǵy Ulttyq kitaphanada sopylyq poezııanyń negizin qalaýshy, aqyn, fılosof Qoja Ahmet Iаsaýıdiń 850 jyldyq mereıtoıy aıasynda «Áziret Sultan» memlekettik tarıhı-mádenı qoryq-murajaıynyń uıymdastyrýymen «Iаsaýı murasy – máńgilik mura» atty kórme ashyldy. Bul týraly egemen.kz tilshisi habarlady.
Kórme úsh bólimge toptastyryldy. Birinshi bólimge Q.A.Iаsaýı nár alǵan Quran, hadıs, táfsırler kitaby qoıyldy. Qazan, Tashkent, Buqara, Samarqand baspalarynan shyqqan Qoja Ahmet Iаsaýı murasy men ilimine qatysty «Dıýanı hıkmet» kitabynyń kóne qoljazba nusqalary, «Mırat-ýl Qýlýb», «Faqyrnama» eńbekteri ekinish bólimnen oryn aldy.
Kórmeniń úshinshi bóliminen – Qoja Ahmet Iаsaýıdiń shákirti Súleımen Baqyrǵanıdiń «Dıýan» kitaby, Sheıh Hýdaıdad Tash-Muhammed ál-Býharıdiń «Býstan ýl-Mýhıbbın» qoljazbasy, Imam Maǵrýdı, Hoja Hafız, Qul Azım shyǵarmalary, sopy Allaıardyń arab, túrki tilderinde jaryq kórgen eńbekteri, HIH ǵasyrdan jetken kıeli kesene men Túrkistan qalasynyń kórinisteri jaıly syr sherter fotosýrettermen tanysýǵa bolady.
Kórmeniń ashylýyna otandyq ıasaýıtanýshy, aqyn muralaryn jınaq etip shyǵarýshy ǵalymdar, buqaralyq aqparat quraldary ókilderi jáne qala qonaqtary qatysty. «Áziret Sultan» qoryq-murajaıynyń dırektory J.Áýbákir bıyl elimiz úshin aıtýly mereke ekendigin, Iаsaýı murasyna qatysty sharany da osy kıeli shańyraqta ótkizýdiń ózindik mánine toqtalyp, Qazaqstan Respýblıkasynyń Ulttyq kitaphanasyna arnaıy syı-sııapat jasady.
Kórme ekskýrsııasy aıaqtalǵan soń kelgen qonaqtar Iаsaýı muralaryna qatysty oı-tolǵamdary men usynys pikirlerin ortaǵa saldy. «Dóńgelek ústeldi» belgili ǵalym Ábsattar qajy Derbisáli júrgizdi. Iаsaýıtanýǵa súbeli úles qosqan «Dıýanı hıkmet» kitabyn elimizde alǵash ret qazaq tiline aýdarǵan M.Shafıǵı, S.Dáýletuly men sopy ilimin zertteýshiler A.Smaqova, Ǵ.Qambarbekova, Ulttyq kitaphananyń sırek qoljazbalar bólimin uzaq jyl basqarǵan G.Káriler sóz sóılep pikir alasty. Kórme kelýshilerge bir aı boıy qyzmet kórsetedi.
Talǵat Súıinbaı.
Derek, foto: egemen.kz.
