Fılıal jumysyna oń baǵa

«Nur Otan» halyqtyq-demokratııalyq par­tııasy Ońtústik Qazaqstan oblystyq fılıaly­nyń úlken májilis zalynda oblystyq fılıaldyń HVII  esep berý-saılaý  konferensııasy ótti. Onyń jumysyna Premer-Mı­nıstr­diń birinshi orynbasary, «Nur Otan» HDP Saıası keńesi bıýro­synyń múshesi О́.Shókeev,  Parlament depýtaty, “Nur Otan” HDP fraksııasynyń múshesi Sh.Myrzahmetov, oblys ákimi, «Nur Otan» HDP OQOF tóraǵasy A.Myrzahmetov, qalalyq jáne aýdandyq partııa fılıaldarynyń delegattary qatysty. Esep berý-saılaý konferen­sııa­­­­syn­da mynadaı máseleler qaraldy: – Ońtústik Qazaqstan oblys­tyq partııa fılıalynyń 2009-2010 jyldardaǵy jumysy; – «Nur Otan» HDP-nyń 2020 jylǵa deıingi baǵdarlamasyn tal­qylaý; – partııa fılıalynyń ba­qy­laý-tekserý komıssııasynyń esebi jáne komıssııanyń qura­myn saılaý; – Ońtústik Qazaqstan oblys­tyq partııa fılıaly saıası ke­ńesi­niń quramyn saılaý; – «Nur Otan» HDP XIII  sezi­ne delegattar saılaý. Konferensııany “Nur Otan” HDP oblystyq fılıaly tóraǵa­sy­­­nyń birinshi orynbasary U.Sádi­bekov júrgizip otyrdy. Jıynda “Nur Otan” HDP Ońtústik Qa­zaqstan oblystyq fılıaly saıası keńesiniń eseptik kezeńdegi ju­mysy men aldaǵy kezeńdegi mindetteri týraly oblys ákimi, par­tııa­nyń oblystyq fılıalynyń tór­aǵasy A.Myrzahmetov baıandama ja­sady. “Nur Otan” partııasy –ha­lyq­tyq partııa. О́ńirdiń arshyndap damýyna eń aldymen múddeli ári ekonomı­kalyq damýǵa óz úlesin qosyp oty­rady. Máselege osy tur­ǵydan kelgen oblys basshysy aı­maqta atqa­rylyp jatqan jumystar­dy sala-sala boıynsha jiliktep berdi. Kúrdeli máseleler sanatyn­da­ǵy bilim berý, densaýlyq saqtaý jáne aýyz sý máselelerinde ótken jyldarmen salystyrǵanda ana­ǵur­lym ósim bar. О́ńirdiń baǵyn jan­dyratyn jylyjaı salý, tam­shy­latyp sýarý jáne mal basyn asyldandyrý men kóbeıtýde de jaǵymdy jańalyqtar kóp. “Nur Otan” HDP OQOF qo­ǵam­dyq qabyldaý bólmesiniń meńgerý­shisi Isa Tasbolatov mandat ko­mıssııanyń baıandamasyn jasady. Konferensııada  Parlament Má­­jili­siniń depýtaty Shalataı Myr­zah­­metov sóz alyp, partııanyń 2020 jyl­ǵa deıin boljamdalǵan jańa baǵ­darlamasyn taratyp aıtty. Ob­lystyq máslıhattyń hatshysy A.Dos­bolov, taǵy basqa sóılegen­der partııa  muryndyq bolǵan má­selelerdiń sońyna deıin oryndal­ǵanyn aıtyp, oblystyq fılıal­dyń jumysyn oń baǵalady. Premer-Mınıstrdiń birinshi orynbasary О́mirzaq Shókeev: “Soń­ǵy jyldardaǵy elimizdiń ta­rı­hyna azdap kóz júgirtsek, 2000 jylǵa deıingi qıyny men qys­ta­lańy basym ýaqytty el aıaǵyna turyp, keleshekke degen daıyn­dy­ǵyn baǵdarlaǵan kezeń deýge bola­dy, – deıdi. – Kelesi on jyl – sol maqsatty iske asyrýǵa qajetti eko­nomıkalyq negizdi anyq­tap, naqty isterdiń bastalý kezeńi. Elbasy­myzdyń kóregen­digi negizinde biz kelesi onjyl­dyqta naqtyly qandaı isterdi atqaraty­nymyzdy saraptap al­dyq. Osy turǵyda erek­she aıta keterlik bir jáıt – elimizdiń búgingi kúni asa mańyzdy tarıhı belestiń aldynda turǵany. Ol – halyqtyń shynaıy yqylas-peıi­li men qalaýy negizinde  El­ba­sy­myz Nursultan Nazarbaevtyń  óki­lettigin 2020 jyl­ǵa deıin uzartý». Osylaı dep sózin túıindegen О́mirzaq Estaıuly Elbasynyń Oń­­tústiktegi partııa jumysyna yr­zalyq bildirgendigin aıta kelip, partııanyń oblystyq fı­lıa­ly­nyń tóraǵalyǵyna oblys ákimi A.Myr­zahmetovtiń  kandı­da­týrasyn  usyn­dy. Sóıtip, óńir basshysy  OQOF tóraǵalyǵyna qaı­ta saı­lan­dy. “Nur Otan” HDP XIII sezine Ońtús­tikten 48 delegat baratyn boldy. Depýtattar olardyń kandı­datýra­laryn bir­aýyzdan qoldady. Baqtııar TAIJAN, Shymkent. Serpildirgen senim Qaraǵandyda «Nur Otan» HDP oblystyq fılıalynyń HII esep berý-saılaý konferensııasy bolyp ótti. Onda partııa jergilikti uıymynyń esepti merzimde atqarǵan jumysy taldanyp, alǵa qoıylǵan mindetter talqylandy. Konferensııada oblys ákimi, fılıal tóraǵasy Serik Ahmetov baıandama jasady. О́ńir bas­shy­sy atap ótkendeı, byltyr aı­maqtyń áleýmettik-ekonomıka­lyq damýy jańa deńgeıge kó­terildi. Belgilengen baǵdarlama­lar men jobalar boıynsha aý­qymdy ister at­qa­ryl­dy. Bul jetistikterde 86 myńnan astam nur­otandyqtyń úlesi úlken. 518 bastaýysh partııa uıymynan qu­rylǵan 22 qalalyq jáne aýdan­dyq fılıaldar olardy qoǵam­dyq ómir men el ıgiligi úshin eńbekke belsendi qatystyryp keledi. Byl­tyr 750 myń adamdy qamtyǵan 6 myńǵa jýyq ár túrli is-sharalar uıymdastyrylyp, aza­­mattardy or­taq maqsat jolyndaǵy kúreske biriktirýge yqpaly zor boldy. «Ardagerlerdi ardaqtaıyq», «Kıeli muramyzǵa taǵzym», «Otan­­dastar» sııaqty aksııalar jurttyń qalyń bóligin qamtydy. Sonymen birge, baıandamada or­taǵa salynǵandaı, partııalyq tár­tip­ti nyǵaıtýǵa talap kú­sheı­tildi. Partııanyń 44 múshesiniń jeke isteri qaralyp, 38-i jaýapkershilikke tartyldy. 14-i jem­qor­lyq áreketi úshin partııa qa­ta­ry­nan shyǵa­ryldy. О́tken jyly «Jol kartasy» memlekettik baǵ­dar­lamasy aıasynda qurylǵan par­tııalyq baqylaý beketteri jaýapkershilikti kúsheıtýge áserin tıgizdi. Osy oraıda uıym­dasty­ryl­ǵan respýblıkalyq baı­qaýda Serke Qojamqulov atyndaǵy Jez­qazǵan qazaq drama teatrynyń jóndelýin nazarda ustaǵan baqylaý beketi júldeli orynnan kórindi. Kópshilik arasyndaǵy jumys jyl­­dan-jylǵa shırap otyr. Aza­mat­tardyń ótinishterin qaraý maq­satyn­da barlyq uıymdarda qo­ǵam­dyq qabyldaý bólimderi ju­mys isteıdi. Onyń kóshpeli túri de bar. Ashyq esik kúnderi uıym­dasty­ryl­ǵan.  Byltyr 6 myńnan astam hat, shaǵym túsip, 4060-y, ıaǵnı 63 pa­ıyzy oń sheshimin tap­ty. Turǵyn­dar­dyń «Nur Otannan» qam­qorlyq kútýiniń, arasha suraýynyń munyń aldyndaǵy ýa­qytpen salys­tyr­ǵan­da 12 pa­ıyz­ǵa ulǵaıýy partııa bedeli artýy­nyń bir aıǵaǵy. Mundaı senimdi aqtaý men saqtaý baǵytyn­da­ǵy jumysty jetildire berý basty maqsat. Bastaýysh uıymdarda partııa­nyń jańa baǵdarlamasy keńinen talqylandy. Ol boıynsha tús­ken usynystar men tilekterdi aqpan aıynda ótetin sezge qa­tysatyn delegattar jetkizedi. Jıynda sóz alǵan partııa­nyń Qaraǵandy qalalyq fı­lıa­lynyń tóraǵasy  Borıs Zorın, oblystyq máslıhattyń hatshy­sy Beısembaı Jumabekov, «Arselor Mıttal Temirtaý» AQ domna sehynyń gor­novoıy Arman Espataev, «Jas Otan» jastar qanatynyń atqarý­shy hatshysy Mıras Quttybaı, Aq­toǵaı aýda­nyn­daǵy Shashýbaı kenti­niń mek­tep dırektory Aıman Túk­baı partııanyń jurtshylyq­pen jumys isteý ádisteri men tásil­derin jetildirýge baǵyttal­ǵan oı-pikir­lerin ortaǵa saldy. Qo­ǵam­dyq-saıa­sı is-sharalarǵa úki­mettik emes uıym­dar, ǵyly­mı birlestikter, bas­qa da partııalar men qozǵalys­tar ókilderin belsendi tartý, semınar-trenıngter jáne óz bilimin jetildirý arqy­ly aqparat­tyq-nası­hat­taý top lektorlary­nyń biliktiligin jo­ǵarylatý jó­nindegi jumys­ty bel­sendilendirý, pikirtalas klýb­­tarynyń otyrys­tarynda aımaq­taǵy asa mańyzdy máselelerge kóńil bólý qajettiligi ataldy. Konferensııada «Nur Otan» HDP hatshysy – Ortalyq apparat basshysy Sergeı Gromov sóz sóı­lep, qabyldanatyn jańa baǵ­darla­ma jobasyn tanystyrdy. Partııa oblystyq fılıalynyń tóraǵaly­ǵyna oblys ákimi Serik Ahmetov qaıta saılandy. Alqaly basqosýǵa qatysýshylar Qazaq­stan Respýblı­kasynyń Tuńǵysh Prezıdenti, Ult Kóshbasshysy Nur­sultan Nazar­baevtyń ókilet­tigin 2020 jyldyń aıaǵyna deıin uzartý jónindegi búkilhalyqtyq  usynys­ty biraýyz­dan qoldaıtyn­dyqtaryn bildirdi. Aıqyn NESIPBAI, Qaraǵandy. Qatyqtaı uıytqan uıym Qazir kimniń basyna is túsip, ádildik izdep shyryldasa, kimniń jaǵdaıy kelispeı saly sýǵa ketse «Nur Otan» partııasyna júginedi.Al oblysta  «Nur Otan» HDP-nyń 59 myń  múshesiniń basyn biriktirip otyrǵan 458 bastaýysh  uıym bar. О́zi sengen partııanyń aıaq alysyn, tynys-tirshiligin  jurtshylyq ta qadaǵalaıdy. Par­tııa­nyń Qostanaı oblystyq fılıalynyń HI konferensııasynda qaral­ǵan máseleler men aıtylǵan pikirler  osynyń aıǵaǵyndaı boldy. Konferensııada baıandama ja­saǵan oblys ákiminiń orynba­sary, «Nur Otan» HDP Qos­tanaı ob­lystyq fılıalynyń tóraǵasy Serik Bekturǵanov elimizdegi jetekshi partııanyń uıyt­qylyq qyz­­metin erekshe atady. Túsin­di­rý jumy­sy­men quramyna memlekettik qyz­metkerler, ǵalym­dar, memlekettik emes uıymdar ókil­deri jáne nur­otandyqtardyń ózi kiretin 310 aqparattyq-na­sıhat toptarynyń aı­­nalysqa­nyn tilge tıek etti. Konferensııada sóz alǵandar ózekti degen máselelerdi qozǵa­dy. Mysaly, Áýlıekól aýda­nyn­­daǵy Amanqaraǵaı orta mektebiniń dı­rektory, sybaılas jemqorlyq­pen kúres jónindegi qoǵamdyq keńes tóraıymy, aýdandyq más­lıhattaǵy «Nur Otan» HDP de­pýtattyq fraksııasynyń jetekshisi Lıýdmıla Voıloshnıkova «Memlekettik satyp alý týraly» Zańdy júzege asyrýda jetildirýdi kerek etetin kereǵar tustardy tilge tıek ete kele, jergilikti ózin ózi basqarýdyń mańyzdylyǵyna toqtaldy. Eger memlekettik bılik ókilettiliginiń bir bóligin jergilikti ózin ózi basqarýǵa berse, ol bıýdjet qarajatynyń tıimdi jum­salýyna qoǵamdyq baqy­laý­dy kú­sheıter edi degen pikir aıt­ty. Kon­ferensııaǵa qatysyp otyr­ǵan ob­lys ákimi Sergeı Kýlagın nur­otan­­dyqtar kóterip otyrǵan má­se­leniń óte mańyzdy­lyǵyn atap ót­ti. Sońǵy jyldary oblysta «Mem­lekettik satyp alý týraly» Zańǵa sáıkes tender ót­kizýge baı­lanysty kóptegen laýa­zym ıeleri, memlekettik qyzmetker­ler jaýap­qa tartylyp jatady. So­nyń sal­darynan talant­ty uıym­dastyrý­shy­lardan, mamandardan aıy­ry­lyp jatamyz. – Nurotandyqtardyń óz múshe­leriniń jaǵynda bolyp, onyń durystyǵyn dáleldeýi, qorǵaýy óte durys qadam. Qys aılarynda kenetten isten shyqqan agregat úshin dalada 25 gradýs aıaz soǵyp tur­ǵanda tender ótkizemiz deý aqyl­ǵa syımaıtyn nárse. О́mir­diń aty – ómir. Zańdy oryndaý osy eken dep, shash al dese bas alý istiń túpkilikti oń sheshim ta­býyna aparmaıdy. Sondyqtan mu­ny oılasý kerek, – dedi Sergeı Vıtalevıch. Sonymen qatar, kon­feren­sııada sóılegen nur­otan­dyqtar – Qazaqstannyń Eń­bek Eri S.Buqanov, «SSKО́B» AQ prezıdenti, «Nur Otan» HDP Saıası keńesiniń mú­shesi, partııanyń «SSKО́B» AQ aý­dan­dyq fılıa­lynyń tóraǵasy M.Turdahunov jáne basqalar elimizde qol jetken iri jetistikterdi respýblıka Prezıdenti, par­tııa­nyń Kóshbas­shysy Nursul­tan Na­zar­baevtyń esimimen baı­lanys­tyr­dy. Prezıdentimiz N.Nazar­baev­tyń ókilet­tigin 2020 jyl­ǵa deıin uzartý jó­nindegi re­fe­rendýmdy ótkizý bas­ta­­ma­syn qol­daıtyndyǵyn bildirdi. Konferensııa jumysyna qa­tysyp sóz sóılegen «Nur Otan» HDP Ortalyq apparaty jetek­shisiniń birinshi orynbasary Muh­tar Erman partııanyń 2020 jylǵa deıingi arnalǵan baǵdar­lamasy­nyń jobasy jóninde aıta kele, Prezıdentimiz, Kóshbas­shymyz Nur­sul­tan Nazarbaev­tyń ókilet­tigin 2020 jyl­ǵa deıin uzartý jónindegi referendým ótkizý bastamasy búkil ha­lyqqa rýh berip otyrǵandyǵyn aıtty. Sebebi, ekonomıkasy men áleýmettik ba­qýat­ty, serpindi da­myp otyrǵan elimizdegi jetis­tik­ter­d­iń barlyǵy N.Nazar­baev­tyń sar­­­dar saıasaty­men baıla­nys­ty eke­­­nin jurttyń barly­ǵy da kórip otyr. «Nur Otan» HDP Qos­tanaı oblystyq fılıalynyń tór­aǵasy bolyp Serik Bek­turǵanov qaıta saılandy. Sony­men qatar, konferensııa partııa­nyń aldaǵy HIII sezine delegat­ta­r saılady. Názıra JÁRIMBETOVA, Qostanaı.