Ońdy ister de, sheshimin kútken máseleler de bar

Keshe Parlament Májilisi Tóraǵa­sy­nyń orynbasary Jánibek Kárib­ja­novtyń jetekshiligimen «Qazaqstan Respýblıkasy Qurylys jáne turǵyn- úı kommýnaldyq sharýashylyq isteri agenttiginiń 2010 jylǵy jumysynyń qorytyndylary jáne 2011 jylǵa arnalǵan mindetteri týraly» degen ta­qy­rypta Úkimet saǵaty ótti, dep ha­barlady Májilistiń baspasóz qyzmeti. Onda atalǵan taqyryp boıynsha Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın baıandama jasady. Agenttiktiń basty mindeti – qurylys salasyn jáne turǵyn-úı kommýnaldyq sharýashylyqty damytý men reformalaý jónindegi memlekettik saıasatty iske asyrý bolyp tabylady. Turǵyn úıdi iske qosý jospary 103% oryndalǵan jáne naqty 6,4 mln. sharshy metrdi quraıdy. Barlyq qarjylandyrý kózderi boıynsha turǵyn úı qurylysyna 317 mlrd. teńge ınvestısııa, neme­se 2009 jyldyń deńgeıine qa­ra­ǵanda 97,9% qarjy baǵyttalǵan. 2007 jyldan bastap, Úkimet úlestik qurylysty aıaqtaýǵa 433,4 mlrd. teńge bólgen. Nátıjesinde, 389 obekti boıynsha 53 myńnan astam úleskerdiń problemalary sheshimin tapty. Respýblıka boı­ynsha qalǵan 58 obektini (13650 úlesker) aǵymdaǵy jyly paıda­lanýǵa berý josparlanyp otyr. Onyń ishinde Astanada 25 obek­tini (5 944 úlesker), Almaty qala­synda 19 obekti (3 376 úlesker), basqa óńirlerde 14 obektini (4 330 úlesker) iske qosý jospar­lanǵan. Memleket basshysynyń Qazaq­stan halqyna Joldaýyna sáıkes 2009 jyldan bastap, «Turǵyn úı-kommýnaldyq sharýashylyǵyn da­my­tý jáne jańǵyrtý» baǵyty boı­ynsha «Jol kartasy» iske asy­ry­lyp, ótken jyl ishinde osy maq­satqa 51 mlrd. teńge bólingen, 672 joba iske asyrylǵan jáne 41 myń­nan astam jumys orny ashylǵan. Memleket basshysynyń tap­syr­malaryn oryndaý úshin Qazaq­standa turǵyn úı qurylys jınaq júıesiniń áleýetin paıdalanýmen qatar, turǵyn úı qurylysynyń jańa shemasy iske asyrylýda. 2011 jyly Turǵyn úı qurylys jınaq banki», jergilikti atqarý­shy organdar qanatqaqty joba­lar­dy iske asyrý úshin 20,8 mlrd. teńge bólýdi qarastyrǵan. Sonymen birge, 6 óńirde «Nur­ly kósh» baǵdarlamasy boıynsha kredıttik turǵyn úı qurylysy júrgizilýde. Osy maqsatqa 2011 jyly 7,3 mlrd. teńge kózdelip otyr (Aqtóbe, Shyǵys, Batys, Sol­tústik, Ońtústik Qazaqstan, Mań­ǵystaý oblystary). Agenttik tóraǵasy Májilis de­pýtattary aldynda basqa da at­qarylǵan jumystardyń negizgi baǵyttary boıynsha esep berip, bar kúsh-jigerlerin qazaqstan­dyq­tardyń ál-aýqattaryn artty­rý jáne tirshilik sapasyn jaqsar­tý jolyna baǵyttaıtyndyqtaryn málimdedi. Baıandamadan keıin depýtattar Serik Nokınmen suraq-jaýap rásimine kóshti. A. Bekenov, Sh.О́temisov, V.Nehoroshev, E.Oma­rov, Ú.Medeýov, J.Dúıse­ba­ev, G.Seıitmaǵanbetova, t.b. depýtattar suraq berip, pikir bildirdi. Jánibek Káribjanov Úkimet sa­ǵatyn qoryta kele birqatar qol jetken jetistiktermen qatar, áli de qolǵa alynatyn máseleler ba­ryn aıtyp óz usynysyn bildirdi. Birinshiden, salynyp jatqan úı­ler­diń qurylysynyń sapasy­nyń tómendigi, osy obektilerdiń sa­pa­syn, qaýipsizdigin qadaǵalaý júıe­siniń álsizdigi, qoldanýǵa bergen úılerdiń talapqa saı bolmaýy alańdatady. Sonymen birge, eń basty má­sele – 2007-2008 jyldary Úki­mettiń tikeleı qoldaýymen bas­talǵan úlestik qurylysqa qatys­qan úleskerlerdiń máselelerin kóp sozbaı sheshý kerek. Taǵy da bir aıta ketetin jáıt – kóp pá­terli úılerdi kútip ustaýdaǵy kommý­nal­dyq qyzmet kórsetý deń­geıiniń tómendigi, ásirese, jańadan salyn­ǵan úılerdiń tez arada kúrdeli jóndeýdi talap etip jatatyndyǵy, al eski, apatty dep tanylǵan úı­lerdiń máselesi de jeterlik. Jergilikti jerlerde tur­ǵyn úı ıns­pek­sııasynyń ju­my­syn júrgizý qajet. Ekinshiden, halyqty taza sýmen, elektr qýatymen, gazben, ot­ynmen jabdyqtaý kerek, ásirese, jylýmen qamtamasyz etýdi memlekettik turǵydan qatań túrde, aıryqsha qadaǵalaý mindet. Ol úshin qosymsha ınvestısııalar tar­tý, jańa tehnologııalar men ınno­vasııalardy engizý qajet.