PAVLODAR. 3 mamyr. Bul jarys robot tehnıkasyn nasıhattaý, oqýshylardyń tehnıkalyq shyǵarmashylyǵyn damytý, daryndy balalardy anyqtaý jáne qoldaý maqsatyna arnaldy. Bul týraly egemen.kz tilshisi habarlaıdy.
Elimizde bir myńǵa jýyq ónertapqysh robot jasaýmen aınalysýda. Robot tehnıkalary jarysyn oblystyq bilim berý basqarmasy, «QazRobotıks» federasııasy jáne oqýshylar saraıy uıymdastyrdy.
Qatysýyshlar robot tehnıkalarymen jumys jasaýdaǵy sheberlikterin kórsete bildi. Olar «Kegelrıng», «Robosýmo», «Slalom» kategorııalary boıynsha kólik jáne kommýnıkasııalar kolledjiniń stýdentteri júldeli oryndar ıelendi. Sharaǵa óńirdegi mektep pen kolledjderden 18 komanda, 40-qa jýyq ónertapqysh qatysty. «QazRobotıks» uıymdastyrǵan chempıonat aıasyndaǵy jarysta jas órender «Syzyqtar boıynsha jarystar», «Kegelrıng», «Robosýmo» kezeńderinde óz jumystaryn usyndy. «Slalom» boıynsha taǵy bir komanda qatysty.
Qatysýshylar jas ereksheligine qaraı 10-16 jáne 17-25 jas aralyǵynda synǵa tústi. Lego, ardýnıo jáne qoldan jasalǵan túrli qurylymdyq robot tehnıkalary biriktirildi. Jarystyń qorytyndysy boıynsha, kólik jáne kommýnıkasııa kolledjiniń stýdentteri Oleg Chernyshev, Nıkıta Sekretarev, Artem Kırılıýs, Ermurat Telegenov, Olesıa Petrenko, Anton Pomorzın, Olesıa Petrenko, oqýshylar saraıynyń tárbıelenýshileri Aleksandr Pýha, Shahnazar Qanapııa, qazaq-túrik lıseıiniń oqýshylary Mádına Taýpyqova, Danııa Oralova birinshi oryndy ıelendi. Jeńimpazdar qyrkúıek aıynda ótetin respýblıkalyq «Robot tehnıkasy» jarystaryna qatysady.
Farıda Byqaı.
Derek: egemen.kz.
Foto: Janar Tájikqyzy.
