Zańdylyǵy aıqyndaldy

Budan buryn habarlaǵanymyzdaı, Ata Zańǵa ózgerister men tolyqtyrýlar engizý jóninde Parlament qabyldaǵan zańnyń Konstıtýsııaǵa sáıkestigin qaraý týraly Prezıdent Nursultan Nazarbaevtyń ótinishin Konstıtýsııalyq Keńes Ata Zańnyń 72-baby 2-tarmaǵy 1-tarmaqshasynyń jáne Konstıtýsııalyq Keńes jónindegi Konstıtýsııalyq zańnyń 22 jáne 25-baptaryna súıene otyryp óndiriske qabyldaǵan bolatyn. Soǵan oraı memlekettik organdardyń ókilderi arasynan konstıtýsııalyq óndiristi júrgizýge qatysýshylar toby belgilenip, Parlament qabyldaǵan zańnyń Konstıtýsııaǵa sáıkestigin qaraý jumysy bastalǵan edi. Keshe Konstıtýsııalyq Keńes osy memlekettik organdardyń, atap aıtqanda, Parlament Se­na­ty men Májilis depýtattary, Úki­met músheleri, Joǵarǵy Sot, Bas prokýratýra, Syrtqy ister mınıstrligi, Ortalyq saılaý ko­mı­s­sııa­sy, Adam quqyqtary jónin­degi ýákil jáne úkimettik emes uıymdardyń ókilderi men táýel­siz sarapshylardyń pikirlerin tyń­dady. Otyrysqa tór­aǵa­lyq etýshi I.Rogov áýeli konstı­tý­sııa­lyq óndiristiń múshelerine olar­dyń Konstıtýsııalyq zańnyń 21-babynda aıqyndalǵan quqyq­tary men mindetterin atap ótti. Olar ózderiniń ýákilettilik sheń­berinde barlyǵyna birdeı pro­sessýaldyq quqyqtarǵa ıe. Son­dyqtan konstıtýsııalyq óndiris­tiń músheleri óndiris qujat­tary­men tanysýǵa, dálelder keltirýge, ony zertteýge atsalysýǵa, óz­deriniń pikirlerin shynaıy to­lyq­taı jetkizýge, usynys túsi­rý­ge, jazbasha nemese aýyzsha Kons­tıtýsııalyq Keńeske zańdy tú­sindirme berýge quqyly. Budan keıin tóraǵa sóz kezegin Konstıtýsııalyq Keńestiń múshe­si Vıktor Malınovskııge berdi. Ol atalǵan máseleni Keńestiń qa­raý sebebi men onyń mazmunyn túsindirip ótti. Ústimizdegi jyl­dyń 14 qańtarynda Konstı­tý­sııa­lyq Keńeske Prezıdent Nur­sul­tan Nazarbaevtan Qazaqstan Res­pýblıkasynyń Konstıtýsııasyna ózgerister men tolyqtyrýlar engizý jónindegi zańnyń Konstı­týsııaǵa sáıkestigin tekserý tý­raly ótinishi kelip túsken edi, dedi V.Malınovskıı. Parlament 2011 jyldyń 14 qańtaryndaǵy birlesken otyrysynda respýblıka halqynyń pikirin qoldap, Qa­zaqstan Respýblıkasynyń Tuń­ǵysh Prezıdenti N. Nazarbaevtyń prezıdenttik ókilettigin uzartý merzimin kózdeıtin Konstı­tý­sııaǵa ózgeris engizý týraly zań jobasyn talqylap, qabyldady. Ol zań Prezıdent qaraýyna jiberildi. Joǵaryda aıtylǵan óti­nishti óndiriske alyp, qaraý bary­synda elimizdiń jáne birqatar shet­eldiń konstıtýsııalyq zańna­ma­lary atalǵan zańdy qoldaný barysy boıynsha tereń zerttelgen. Sóıtip, ón­diristiń qatysý­shy­larynyń kóme­gi­men kóptegen qujattar jan-jaq­ty tekserilgen jáne olardyń zańǵa qaıshy kelmeıtindigi qa­ralǵan. Sonymen, Ata Zańǵa ózge­ris­ter men tolyqtyrýlar engizý jónin­degi Parlament qabyl­da­ǵan zań­nyń Konstıtýsııaǵa sáı­kes keletindigi týraly memlekettik organ­dar­dyń, Parlament Senaty men Má­jili­siniń, Ádi­let, Syrtqy ister mı­nıstr­lik­teriniń, Jo­ǵar­ǵy Sot, Or­ta­lyq saılaý ko­mıssııasynyń, Adam quqyqtary jónindegi ýá­kil, úki­mettik emes uıymdardyń ókilderi men táýelsiz sarapshylar jáne túrli joo-nyń ǵalymdary baıandama jasap, naqty dálelder keltirip, Konstıtýsııaǵa jáne basqa zańdarǵa súıenip tujyrym jasa­dy. Eń sońynda olardyń keltirgen dálel­deriniń zańdylyǵyn sa­ralaǵan Bas prokýrordyń oryn­basary Ashat Daýylbaev bul aı­tylǵan málimet­terdiń birde-biri zańǵa qaıshy emestigin aıtyp berdi. Sóıtip Konstıtýsııalyq Ke­ńes konstıtýsııalyq óndiris múshe­leri­niń árbireýiniń pikirin, dále­lin, usynysyn muqııat tyńdap Ata Zańǵa ózgerister men tolyq­tyrý­lar engizý jó­nin­degi Parlament qabyldaǵan zańnyń Kons­tıtý­sııaǵa sáıkes keletindigi tý­raly ótinishti qa­rap, naqty sheshim shyǵarýǵa mol málimet jınalǵandyǵyn baıan etti. Alaıda, Kons­tı­tý­sııalyq Keńestiń múshesi Ilııas Baqtybaevtyń osy jı­nal­ǵan mol málimetti tereń qo­rytyp, aıqyn da naqty tu­jyrym jasaý úshin áli de ýaqyt kerek degen usynysy boıynsha Konstı­tý­sııalyq Keńes atalǵan másele jóninde óz sheshimin ja­rııa­laýdy keıinge qaldyrdy. Aleksandr TASBOLATOV.