Alaýmen araılanǵan Altaı

О́skemen áýejaıy merekedegideı be­zendirilgen. Aspannan aqsha qar qylaý­lap, adam janyn shattyqqa terbegendeı. On­syz da jınalǵan myńdaǵan  óskemen­dikter Pavlodardan keletin ushaqty asy­ǵa kútip, aspanǵa telmiredi. Aqyry ushaq 24-shi qańtarda keshki  21.00-ge taman О́skemenge kelip qondy. Mýzyka áýeni qalyqtaıdy. Sálden keıin traptan túsken VII Qysqy Azııa oı­yndary alaý estafetasy dıreksııasy je­tekshisiniń orynbasary Sársen Quranbek bastaǵan delegasııany oblys ákimi Berdibek Saparbaev, Qazaqstannyń halyq ja­zýshysy, jasy 90-ǵa taıap qalsa da baýyr basqan Almatysynda jata almaı, Al­taıǵa kelgen, qasıetti alaýdy óz qolymen ustaýdy armandaǵan Ázilhan Nurshaıy­qov, Qazaqstannyń halyq ártisi Roza Rymbaeva men basqa da ánshi, aqyn-ja­zý­shylar, qalanyń ardagerleri men oqý­sh­y­lary, stýdentteri qarsy aldy. Kelesi kúni Berdibek Máshbekuly Azıa­da alaýyn ataqty hokkeıshi, Naganoda ótken Qysqy Olımpııa oıyn­da­rynda elimizdiń qurama komandasynyń kapı­tany bolǵan Erlan Saǵymbaevqa usyndy. Erlan Erlesuly eki júz metr júgirgen soń Erlan Qaıyrbaevqa us­yn­dy. Al Aıdar óz kezeginde alaýlaǵan alaýdy shy­raı­ly shyǵysta myńdaǵan belgili sport­shylardy baýlyp ósirgen Shy­ǵys Qazaq­stan Memlekettik ýnıver­sıtetiniń rekto­ry, professor Beıbit Ma­myraevqa usyn­dy. Atap ótý kerek, osy joǵary oqý or­nyn aıaqtaǵan 20-dan astam qysqy sport sheberleri el na­mysyn qorǵaǵaly otyr. Budan keıin akter Dosqan Jol­jaq­synov,  aqyn-jazýshylar Ulyqbek Es­dáý­let, Dıdahmet Áshimhan, Sádibek Tú­gel, ánshi Toqtar Serik te ózderine tıesili 200 metrdi júgirip ótti. Ataqty dzıý­doshy, Álem kýbogynyń ıegeri, eki Ol­ım­pııa oıyndaryna qatysqan Rýslan Seıilhanov, astanalyq jýrnalıst Berik Ýálı, túıe balýan Musylmanbek Qajy­muqanov, ardager sportshy, Álem chem­pıony Qalı Imanbaev, sýretshi Erkin Nurazhan úshin de alaý ustaǵan sát máńgi este qalary sózsiz. Kıkbokstan álemniń bes dúrkin chem­pıony, oblystyq sport jáne dene shy­nyqtyrý basqarmasynyń bastyǵy Asqar Mojanov jazýshy Ázilhan Nurshaıy­qovpen birge Respýblıka alańyndaǵy bıik minbege kóterilgen kezde qalyń jurt dý ete qaldy. Ázaǵań Asqar ekeýi Or­talyq alańdaǵy alaýdy jaqty. Tústen keıin estafetanyń ekinshi kezeńi bas­talyp, alaýdy birinshi bolyp Roza Rym­baeva alyp júgirdi. Ár aýdandardan kelgen N. Shaýhın, velosıpedshi T. Qasymov, Á. Dosqajanov, S. Kartoev, boksshy D. Sýjanov, belgili kásipker, sport mese­naty, aýǵan soǵysynyń ardageri Qaırat Mýsın, t.b. alaýmen birge júgirdi. Atap ótý kerek, alaýmen júgirý kezinde sáı­gúlik atqa mingen belgili sportshylar jer­lesterin qoldap otyrdy, tipti sý ús­timen de alaýdy alyp ótti. Sońynan jelaıaq qyzymyz Olga Rypakova alaýdy tutatty. Ońdasyn ELÝBAI, О́skemen.