Qyspaqqa alyp tur

Dál bıylǵydaı tabandap tu­ryp alǵan  aıazdy kúnderdi bala­lyq shaqta bilýshi edik. Mine, bir aıdan asqanda ǵana aıaz sál sy­nyp, oblystyń keıbir aımaq­ta­ry­na qylaýlap qar jaýa bas­tady. Alaıda, Katon­qa­ra­ǵaı jáne Zaısan aýdandaryn­da, Zyrıan qala­syn­da túnge qa­raı aýa tempera­týrasy mınýs 37 gradýstan asyp túsýde. Semeı jáne Rıdder qala­laryn­daǵy apatty jaǵdaıdan kóp­shi­­lik habardar. Bul eki qalada da kúnniń qatty sýyqtyǵynan jylý qazandyqtary isten shy­ǵyp, kóptegen turǵyn úıler­degi adamdardyń jaýraǵany belgili. Jyl basynda Semeıdiń Er­tis­tiń  sol jaǵalaýyndaǵy bó­li­gi­ne jylý berýdiń sapasyz­dyǵy jóninde oqıǵalar tirkelip, 5-12 qańtar aralyǵynda TES-1 isten shyǵyp, turǵyn úılerdegi temperatýra rejımi kúrt tómendep ketti. Búgingi tańda TES-tegi 7 qazandyqtyń altaýy jumys qal­pynda, bireýine jóndeý jumys­tary júrgi­zil­di. Qubyrlardaǵy temperatýra  76  gradýsty kór­setýde. Bir kezderi Semeıde 100 qazan­dyq bolsa, qazir qalǵany – 49. Onyń 22-si ǵana jumys istep tur, –dedi oblys ákiminiń oryn­basary Serik Táýkebaev jýrnalıstermen kezdesýde. Al Rıdder qalasyna kelsek, munda da kómirdiń sapasyz­dyǵy­na baılanysty jylý beretin qazan­dyqtar durys jumys istemeı, birneshe turǵyn úıler men áleýmettik ǵımarattar sýyp ketken. Kómir qu­ramynda mıneral­dy qospalar­dyń kóptiginen kómir tastarynyń mól­sheri standart ta­labyna saı emes. Atalmysh má­sele boıynsha oblys ákimi Qara­jyra ken orny­nyń bas­shy­lary­men kezdesip, Rıdder JEO-ǵa sa­pa­ly kómir jetkizý jónindegi kelisimge qol qoıyldy. Eń basty kemshilik, – deıdi Serik Sháýen­uly – turǵyn úılerdiń qys­qa ázir bol­maǵandyǵy. Oblys bo­ıyn­­sha 2 mıllıon 810 myń tonna kó­mir ázir­lendi, bul qajettilik­tiń 90 pa­ıyzy, demek kómir qory jetkilikti. Budan keıin áńgime tórkini, joldardyń qysqa ázirligi, tehnıka jáne jol tazalaýǵa oıysty. О́t­ken jyly da, bıyl da qar mól­sheriniń qalyńdyǵynan ári qatty sýyqtan joldar birneshe kúnge jabylyp qalǵan. Bıyl jaǵdaı jaman emes. Barlyq avtojoldarǵa 730 qar tazalaý tehnıkasy bólingen. Sony­men qatar, 73 sharýashylyqpen qaýipti jaǵdaı týyndaǵan jaǵ­daıda qosymsha 166 tehnıka bólý jóninde kelisim jasaldy. О́tken jylǵy sý tasqynynan qorytyndy jasaýǵa tıispiz dedi  S.Táýkebaev. Kókpekti aýdanyn­daǵy Laıly sý qoımasyn jón­deý­ge 70 mıllıonnan astam qar­jy bó­linip, ol jóndeldi. Qazir ob­lys­ta 193 gıdroqondyrǵylar bar. Onyń 48-i memlekettik menshikte bolsa, 16-sy jeke menshikte. 55-i kommýnaldyq sharýashy­lyqtarda, qala, aýdan, aýyldyq okrýgter qaramaǵynda. 74-iniń ıesi joq. Mine, sý tasqyny kezinde osylar­dy qatań baqylaýǵa alǵan jón. Atap aıtqanda, Bektemir sý qoımasy, Cherkashıno jáne Eshkibaı sý qoımalaryn­daǵy ahýal alań­datarlyq. Bul qon­dyrǵy­lardyń barlyǵyn ob­lys ákimi qatań baqylaýda ustap otyr. Bir aıdan astam turyp alǵan sarshunaq aıaz saldarynan birneshe adam úsip qalǵan, 13 órt oqıǵasy, turmyspen qamtama­syz etý nysandarynda birneshe apatty jaǵdaı tirkelgen. Ońdasyn ELÝBAI, Shyǵys Qazaqstan oblysy.