Jyl basy jańalyqtarǵa toly

Qoıan jylyn qarǵalylyqtar jar­qyn jańalyqtarmen bastady. Munda jańa jyl qarsańynda birneshe jańa nysandar paıdalanýǵa berilip, aýyl­dardyń áleýmettik jaǵdaıyn jaq­sart­ty. Petropavlovka aýylynda res­pýb­lıkalyq «Aýyz sý» baǵdarla­masy bo­ıynsha bólingen 155 mıllıon teńgeden astam qarjyǵa qaıta j­a­raqtandy­ryl­ǵan sý qubyry iske qo­syldy. Osy ju­mysty júrgizgen «Aq­tóbe arnaýly qu­rylys quras­tyrý» JShS Shámshi Qal­daıaqov atyndaǵy aýyldyń da sý qubyryn qaıta jaraq­tandyrdy. Bul qurylysqa 122 mıllıon teńge bólindi. Respýblıkalyq bıýdjetten bólingen 135,5 mıllıon teń­geden astam qarjy Mamyt aýy­lyn­da da aýyz sý máselesin sheshýge alǵyshart jasady. Sýmen qamta­masyz etetin eki nysan qurylysy bıyl aıaq­talady. Sondaı-aq, ústimizdegi jy­ly Qaıraqty aýyly da aýyz sýly bolady, bul úshin respýblıkalyq bıýdjetten 100 mıllıonǵa jýyq teńge bólindi. «Bıznestiń jol kartasy – 2020» baǵ­darlamasy boıynsha bólingen 9 mıllıon teńgege Qosestek selolyq okrýgine qaras­ty «Jańa turmys» sharýa­shylyq qury­ly­my­nyń mal sharýashy­lyǵy keshenine elektr jelisi tartyldy. Sharýashylyq bas­­shysy Murat Qubıev­tiń qýanyshynda shek joq. Qýanbaǵanda she, elektr qýatymen kóp sharýany tyn­dyrýǵa bolady, malshy­lar da turmys­tyq ıgilikterdi kóretin boldy. Aýdanda jańa jyl qarsańynda kóp­tegen jeke kásipkerlik nysandary ashyl­dy. «Aqtóbe-Or» halyqaralyq trassasy boıyn­da 24 oryndyq «Rodnıchok» kafesi paı­da­lanýǵa berildi. Munda jo­laýshylar ty­­nyǵatyn úsh bólme bar. Osymen bir mezgilde aýdan ortalyǵy Badamshada ashyl­ǵan «Keremet» jáne «Baqdáýlet» kafeleri de tutynýshy­lardy qabyldaı bastady. Munda kelýshilerge qaladaǵydaı jaǵ­daı jasalǵan. Keń de sáýletti kafelerde qyzmet kórsetý mádenıeti de jo­ǵary. «Albına» jeke dúkeni de qarǵa­ly­lyqtarǵa jańa jyldyq tartý boldy. Osy ashylǵan jeke kásipkerlik nysandarynyń barlyǵy da «Aýyl sharýashylyǵyn qarjylaı qoldaý qory» AQ Aqtóbe ókildiginiń qarjy­sy esebinen nesıe alý arqyly iske qosylyp otyr. О́kildiktiń dırektory Gúljanat Erǵazınanyń málimdeýin­she, ótken jyly bólingen qyryqtan astam nesıeniń 14-in qarǵalylyqtar alǵan eken. Nesıe qarjysy tolyq ıgerilip, óz maqsatyna jumsalypty. Kúrdeli jóndeýden ótken aýdan­dyq ólketaný murajaıy da jańa jylda kelýshilerge esigin aıqara ashty. Buryn bir-eki bólmede orna­las­qan murajaı kúrdeli jóndeýden keıin adam tany­mastaı ózgergen. Ǵımarat keńeıip, jańa eksponattar qoıýǵa múmkindik týdy. Satybaldy SÁÝIRBAI, Aqtóbe oblysy.