Qazaqstan Respýblıkasy Prezıdentiniń Jarlyǵy № 248

Jer zańnamasynyń keıbir normalaryn qoldanýǵa moratorıı engizý týraly Qazaqstan Respýblıkasy Konstı­týsııasynyń 40-babyna, 44-babynyń 3) tarmaqshasyna sáıkes qaýly etemin:

1. 2016 jylǵy 31 jeltoqsanǵa deıin mynalarǵa:

1) «Qazaqstan Respýblıkasynyń Jer kodeksine ózgerister men tolyqtyrýlar engizý týraly» 2015 jylǵy 2 qarashadaǵy Qazaqstan Respýblıkasy Zańynyń normalaryn qoldanýǵa; 2) sheteldikterge, azamattyǵy joq adamdarǵa, sheteldik zańdy tulǵalarǵa, sondaı-aq jarǵylyq kapıtalyndaǵy sheteldikterdiń, azamattyǵy joq adamdardyń, sheteldik zańdy tulǵalardyń úlesi elý paıyzdan asatyn zańdy tulǵalarǵa aýyl sharýashylyǵy maqsatyndaǵy jer ýchaskelerin jaldaý sharttarymen ýaqytsha jer paıdalaný quqyǵyn berýge; 3) jeke jáne zańdy tulǵalarǵa memlekettik menshiktegi aýyl sharýashylyǵy maqsatyndaǵy jer ýchaskelerine jeke menshik quqyǵyn berýge moratorıı jarııalansyn.

2. Qazaqstan Respýblıkasynyń Úkimeti:

1) osy Jarlyqtyń 1-tarmaǵyn iske asyrýǵa baǵyttalǵan zańnamalyq túzetýler engizýdi qamtamasyz etsin; 2) jer reformasy jóninde Komıssııa qursyn; 3) Osy Jarlyqty iske asyrý jóninde ózge de sharalar qabyldasyn.

3. Qazaqstan Respýblıkasynyń Bas prokýratýrasy osy Jarlyqtyń 1-tarmaǵyn iske asyrý barysynda zańdylyqtyń saqtalýyn qadaǵalaýdy qamtamasyz etsin.
4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
5. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti N.NAZARBAEV Astana, Aqorda, 2016 jylǵy 6 mamyr № 248