Qostanaı sýısıdtik oqıǵalar jóninen elimizdegi bestikke kiredi

QOSTANAI. 8 mamyr. Qostanaı oblysy jasóspirimder arasyndaǵy sýısıdtik oqıǵalar sany jóninen respýblıka aımaqtarynyń bestigine kirip otyr. Bul týraly alau.kz saıtyna silteme jasaǵan egemen.kz tilshisi habarlady. Oblys ákiminiń orynbasary Marat Júndibaevtyń aıtýynsha, jyl basynan beri sýısıdtik birneshe oqıǵa tirkelgen. Onyń ishinde 8 jasóspirim ómirden qoshtasýǵa umtylǵan, 2 jasóspirim ózine qol jumsaǵan. Oblys óńirindegi aýdandar men qalalar arasynda bul jóninen Rýdnyı qalasy basty orynda tur. Rýdnyı qalalyq bilim berý bóliminiń basshysy Olga Kanonenkonyń málimetinshe, sýısıdtik faktilerdiń basym kópshiligi kompıýtermen baılanysty kórinedi. Sondyqtan qalada barlyq qajetti sharalar qarastyrylyp jatyr. Qalalyq prokýratýramen birlesip, sýısıdtik baǵyttaǵy jeliler baqylanady, balalarmen jáne olardyń ata-analarymen naqty jumystar júrgizilýde. Názıra Járimbetova. Derek, foto: alau.kz.