Jeti aıda ardagerlerge úı salyp berdi

Sóıtip, Uly Otan  soǵy­sy­na qatysqan maıdanger atalar Jańa jyldyń aldynda qonys toıla­ryn toılady. Oblys áki­mi Ba­qyt­jan Saǵyntaev ótken jylǵy 9 ma­myrda ýáde etken sózinde tur­dy. Oblys orta­ly­ǵynda paı­da­lanýǵa berilgen tur­ǵyn úıdiń páter kiltterin 108  ardagerge óz qolymen sal­ta­natty túrde tabys etti. Jańa turǵyn úıdi salý úsh­in oblystyq bıýdjetten 460,8 mıllıon teńge bólindi. Úıdiń birinshi qabatynda ardagerlerge ar­nal­ǵan medısınalyq ortal­yq,  az­yq-túlik ónimderin sata­tyn dú­ken jumys isteıdi. Bul jerde  ata-ájelerdiń basqo­syp, áńgi­me-dúken quratyn dem­alys ból­meleri bar. Ardagerler shahmat, toǵyzqumalaq, doı­by oınap, dom­byra, baıan sekildi mýzy­ka­lyq aspaptarda án shyrqaýǵa múmkindik aldy. Jo­ǵary qabat­tarǵa esh qıyn­dyq­syz kóterilýi úshin qazirgi zaman talabyna saı jabdyq­tal­ǵan lıfti jumys isteıdi. Qar­taıǵan shaqtarynda qol­­da­ryn jyly sýǵa malǵyza­tyn jaı­ly páterlerge qol jetkizgen ardagerler Mazan Mýsın, Nıkolaı Garýsov, Aleksandr Sul­tanǵazınder  ıgi tilekter aı­typ, batalaryn berdi. Páter kiltine ıe bolǵandardyń biri – baıa­n­aýyldyq Táýekel Ábjanov aqsa­qal Elba­synyń jáne ob­lys bas­shyly­ǵy­nyń qamqor­lyq­taryna ardagerler de ár­qashan sapta eke­nin qýa­nyshty kóńil-kúımen jetkizdi. Farıda BYQAI, Pavlodar.