Janymyzdy jadyratqan jańalyq

Premer-Mınıstr Kárim Másimovtiń qatysýymen ótken Bilim jáne ǵylym mınıs­tr­liginiń alqa má­jilisi bizdiń kó­keıimizde júr­gen másele­ler­di dóp basyp, kóńilimizden shyqty. Básekege qabilettiliktiń bas­ty kórsetkishi – stýdent jastardyń bilim deńgeıiniń ha­lyqaralyq talaptarǵa saı bo­lyp, olardyń izetti, tár­bıe­li tulǵalar bolyp qalyp­tasýy. Stýdentter kúni erteń-aq bilikti maman atanyp, ón­di­ristik jáne áleýmettik sala­lar­dy basqarý júıesin óz qol­daryna alady. Sondyqtan, jastarǵa barynsha jaǵdaı ja­saýdy Elbasymyz ejelden aı­typ, soǵan saı jaǵdaı týǵy­zyp keledi. Jyl saıynǵy «Bo­lashaq» baǵdarlamasy ar­qy­ly jastardyń shet memleketterde jan-jaqty tereń bilim alýy, Astana qalasynda «Nazarbaev ýnıversıtetiniń» ashylýy jastardyń talabyn ush­tap, bilim kókjıeginde qu­lashyn jaıýyna jaǵdaı jasap otyr. «Úıi joqtyń kúıi joq» degendeı, joǵary oqý ornynda oqyp júrgen kóptegen jastar baspana qıyndyǵyn kórip ja­tatyny jasyryn emes. Áleý­mettik jaǵynan az qamta­ma­syz etilgen topqa jatatyn stýdentter úshin páter jaldap turý ońaıǵa soqpaıdy. Osy oraıda Premer-Mınıstrdiń «Stýdenttik baspana» másele­sin kóterýi barsha stýdentter qaýymyn qýanyshqa bóledi. Sondaı-aq, stýdentterdiń qo­ǵamdyq kólikterde kóp jú­retini barshamyzǵa aıan. Sebebi, bilim izdegen jastar kitaphana, murajaı, sport keshenderi, ǵylymı izdenis jumys­tarymen aınalysý maqsa­tyn­da qoǵamdyq kólikterge jıi mi­nýge májbúr. Osy tusta stý­dent jastarǵa qoǵamdyq kó­likte jeńildikpen júrý qa­ras­tyrylsa quba-qup bolary anyq. Elbasynyń sarabdal saıa­sa­tynyń, jastarǵa degen jan­ashyrlyǵynyń dáleli – jyl saıyn stýdentter shákirta­qy­syn satylap ósirip otyrýy der edik. Jańa jyldyń ja­ǵym­dy, janymyzǵa shýaq tók­ken jańalyǵy, ıaǵnı shákirt­aqymyzdyń 30 paıyzǵa kóte­rilgeni bilimge degen ynta-ji­ge­rimizdi arttyra túskeni sózsiz. Jeti mamandyq boıynsha halyqaralyq ASIIN akkredıtasııalaý agenttiginiń ser­tı­fıkatyna ıe bolǵan bizdiń M.Áýezov atyndaǵy OQMÝ eli­mizdiń qaryshtap damýyna atsalysatyn talaı jas da­ryndardy daıarlap keledi. Bú­gingi kúni ýnıversıtetimizdiń kúndizgi bóliminde 12500 stýdent bilim alsa, onyń 8504-i memlekettik grant ıegeri bo­lyp tabylady. Bir bizdiń ýnı­versıtettiń ózinde 8504 stýdent Prezıdent qamqorly­ǵy­na bólenip, tegin bilim alý quqyǵyna ıe bolǵan. Eliniń keleshegi úshin barlyq jaǵ­daı­lardy jasap, qoldap ot­yrǵan Elbasynyń úmitin aq­taý jolynda eseli eńbek etetin ójet jastardyń kóbeıe túsetini sózsiz. Jaqsy aǵalarymyz jas­tardyń jaǵdaıyn oılasty­ryp jatyr. Qazir de biz eshteneden kemdik kórdik demeımiz. Jyl saıyn jaǵdaıymyz jaq­saryp keledi. Bizdiń búgingi mindet – jaqsy oqyp, sanaly tárbıe alý. Úkimet basshy­sy­nyń mınıstrlikke “Stýdenttik baspana” baǵdarlamasyn jasaýdy tapsyrýy qurdas­ta­ry­myzdyń qýanyshyna ula­syp jatyr. Zamanbek ORYNBEKOV, M.Áýezov atyndaǵy OQMÝ, hımııa-tehnologııalyq fakýltetiniń 3-kýrs stýdenti. Shymkent.