Úshemder aıadaı bólmede turady

Osydan bir-eki aı shamasy  buryn Ekibastuz qalasyna qa­rasty Solnechnyı kentinde Vılen, Elen, Genrıh atty úshemder ómirge kelgenin, olar­dyń ata-analarymen birge qıyn jaǵdaıda turyp jatqandaryn jazǵan bolatynbyz. Kóp uzamaı-aq úshemderdiń ákeleri Valentın Tolmachev jumys jasaıtyn GRES-2 stansasynyń basshylyǵy bul otbasyna 5 bólmeli páter kiltin tapsyrǵan edi. Endi, mine, Allanyń shapaǵaty tıip, Janar atty kishkentaı súıkimdi qyzdary bar Medet pen Qarlyǵash Tankeshovterdiń otbasynda da úshem dúnıege keldi. Páterleri joq jastar qazir oblys ortalyǵyndaǵy  jataqhananyń aıadaı ǵana bólmesinde turyp jatyr.  Úshemniń ákesi Medet bolsa alpaýyt  zaýyt – «Qazaqstan alıýmınııi» AQ-ta eńbek etedi. Ázirge ol jaqtan kelgen kómektiń quny 100 myń teńgemen shektelipti... Úshem tabý qazir tańsyq emes degendeı, jergilikti ákim-qaralardyń ózi tóbe kórsete qoımapty. Búginde bul sábılerdi jýyndyryp, baǵyp-qaǵýdyń ózi jas anaǵa ábden qıynǵa túsetini kórinip tur. Biz aldaǵy ýaqytta qala ákimdigi men kásiporyn ókilderi úshemder turyp jatqan aıadaı bólmeni óz kózderimen kórip, oılanar, kómekteser degen jaqsy oıdamyz. Farıda BYQAI, Pavlodar.