Jańa sport kesheni

«Salamatty ómir saltyn ustan, sportpen shuǵyldan» dep aıtý, nasıhattaý ońaı. Al oǵan jaǵdaı týǵyzý bólek áńgime. Oblystaǵy bas oqý orny bolyp sanalatyn Qorqyt ata atyndaǵy Qyzylorda memlekettik ýnıversıteti óz stýdentteri úshin arnaıy «Seıhýn» sporttyq-saýyqtyrý keshenin saldy. Jalpy aýmaǵy 3294,86 sharshy metrdi quraıtyn saýyqtyrý kesheniniń qurylysy 2009 jyly bastalǵan bolatyn. Al oǵan  194 mıllıon teńge bólingen edi. «Seıhýn» sporttyq-saýyqtyrý kesheninde sporttyń qaı túrimen de aınalysýǵa bolady. Mını-fýtbol, basketbol, voleıbol, gandbol, kórkem jáne rıtmdik gımnastıkamen aınalysatyn zaldar bar. Onda bir aýysymda 40 adamǵa deıin jattyǵý jasaýǵa bolady. Sondaı-aq tereńdigi 2 metrge jetetin júzý basseıni de salynǵan. Basseınde bir mezette 32 adamǵa deıin júze alady. Stýdentterge yńǵaıly bolý úshin onda arnaıy nusqaýshylar jumys isteıdi. Sonymen qatar, sýdyń quramyn zerttep, únemi nazarda ustap otyratyn sarapshy mamandar da bar. Qorqyt ata atyndaǵy Qyzylorda memlekettik ýnıversıteti el sportyna eleýli úles qo­syp keledi. Atalǵan oqý orny tárbıelegen Ilıa Ilın talaı básekede top jaryp júr. Al­daǵy London Olımpıadasynda da altyn júl­deden úmitti sportshylardyń biri osy Ilın. Erjan BAITILES, Qyzylorda.