Qoǵamdyq keńesterdiń kóterer júgi aýyr

Keshe Ortalyq kommýnıkasııalar qyzmetinde memlekettik organdar men ákimder janyndaǵy qoǵamdyq keńesterdiń jumysy jóninde baspasóz máslıhaty ótti. Oǵan Parlament Májilisiniń depýtattary Nurlan Ábdirov pen Serik Seıdýmanov qatysyp, atalǵan jaıttyń jaı-japsary týraly aıtyp berdi. «100 naqty qadam» Ult Jos­parynyń 99-qadamy osy máselege arnalyp, qoǵam­dyq keńesterdiń ókilettik­teri men mártebesin zań­men bekitý mindeti alǵa qoıyl­ǵany belgili. Osyǵan oraı «Qoǵamdyq keńester týraly» Zań qabyldanyp, 2016 jyl­dyń 1 qańtarynan bastap kúshine engen bolatyn. N.Ábdi­rovtiń aıtýynsha, ol zańda keńes músheleriniń jumy­syna qajetti barlyq jaǵdaı qamtylǵan. Atap aıtqan­da, olarǵa memlekettik organ­dar múshelerimen birlesip, eń ózekti máselelerdi qaras­ty­rýǵa múmkindik berilip otyr. «Qoǵamdyq keńester qyzmetiniń aýqymy óte keń. Eń bastysy – túrli má­selelerge qatysty qoǵamnyń kózqarasyn bılik organdaryna jetkizip, eki taraptyń ózara tıimdi baılanysyn qamtamasyz etý. О́z kezeginde bılik qoǵamdyq keńester qabyldaǵan ár sheshimdi qaraýǵa mindetti bolyp tabylady. Iаǵnı, zańda kórsetilgendeı, bılik organdary kóterilgen máselege qatysty suraqqa laıyqty deńgeıde jaýap berip, ony tıisti qoǵamdyq keńestiń atyna joldaýy kerek. Sondaı-aq, mundaı keńesterdiń quzyryna damý strategııasyn jáne azamattardyń quqyqtary men mindetterin qarastyratyn tıisti normatıvtik aktilerdi talqylaý jumystary jatatynyn atap ótken jón. Sondyqtan, qoǵamdyq keńes­terdiń qurylýy jergi­likti máslıhattardyń jumys­taryna qoldaý bolary anyq», – dedi Májilis depýtaty. Sonymen qatar, N.Ábdirov qoǵamdyq keńestiń jumys merzimi úsh jyldan aspaıtynyn aıtty. Onyń sózine qa­raǵanda, kórsetilgen ýa­qyttan keıin jańadan taǵaıyndaýlar júrgiziledi. Al keńestiń quramy jóninde depýtat: «Keńes quramynyń úshten ekisi qoǵam qaıratkerleri men jeke azamattardan quralady. Al qalǵan bir bóligine bılik ókilderi enedi. Osy rette, bir mınıstrliktiń janynan qurylǵan qoǵamdyq keńestiń quramyna ózge vedomstvo ókilderi de múshe bola alatynyn aıtqym keledi», – dedi. Odan bólek, jıynda qoǵamdyq keńestiń músheligine azamattardyń 18 jastan bas­tap qabyldanatyny belgili boldy. Alǵashynda 25 jastan bastaý máselesi sóz bolǵan eken. Alaıda, atalǵan zańdy ázirleýshiler ádeıi bul talapty jeńildetip, 18 jasqa deıin tómendetken. Sebebi, qazirgi tańda jastardyń basym bóligi áleýmettik jelilerdi belsendi qoldanyp, sol jerlerde ózekti máselelerdi talqylaıtyny belgili. N.Ábdirov aldaǵy ýa­qytta sondaı belsendi jas­tar­dy qoǵamdyq keńester ala­ńy­na shaqyryp, birlesip ju­mys isteýge usynys jasady. Sondaı-aq, N.Ábdirov bú­ginde ózektilerdiń qatary­nan sanalatyn jer másele­sin talqylaý barysynda da qoǵamdyq keńes múshe­leriniń qatysýy erekshe ról atqa­ratynyn tiline tıek etti. О́z kezeginde S.Seı­dýmanov atalǵan keńestiń jumy­sy 99-qadamda kórsetil­gen strategııalyq jospar­lar men aýmaqtyq damý baǵ­dar­lamalaryn, bıýdjetterdi, esepterdi, maqsatty ındıka­tor­larǵa qol jetkizýdi, azamat­tardyń quqyqtary men bos­tandyqtaryn qozǵaı­tyn normatıvtik-quqyqtyq akti­ler jobalaryn, baǵdarla­malyq qujattar jobalaryn talqylaý bóligindegi rólderin kúsheıtýge jáne memlekettik sheshimderdi qabyldaý ashyq­tyǵyn arttyrýǵa septigin tıgi­zetinin atap ótti. Elaman QOŃYR, «Egemen Qazaqstan»