Atqarylǵan sharalar aýqymy zor

Memleket basshysy Nursultan Nazarbaev Tuń­ǵysh Prezıdent – Elbasy qory­nyń basshylyǵymen kez­desti, dep habarlady Pre­zıdenttiń baspasóz qyzmeti. Kezdesý barysynda Elbasyna Qordyń 2015 jylǵy jáne bıyl­ǵy 5 aıdaǵy qyzmetiniń qory­tyndylary týraly, sondaı-aq, júzege asyrylyp jatqan, jos­par­lanyp otyrǵan jobalar jóninde baıandaldy. Nursultan Nazarbaev Qordyń óz qyzmetinde jańa sapaly deń­geı­­ge kóterilýi qajet ekenin atap ótti. – Qor jumysynyń negizgi ba­ǵyty – ǵylymı baǵyt. Zert­teýshilik baǵyttyń, sonyń ishinde álemdik sarapshylarmen saıasat, ekonomıka, halyqaralyq qatynas jáne qaýipsizdik máseleleri boıynsha ózara is-qımyldyń mańyzy zor, – dedi Memleket basshysy. Qazaqstan Prezıdenti Qor júr­gizetin ǵylymı zertteýler aıa­synda eldi damytýdyń ózekti má­seleleri jóninde usynymdar ázirleýdiń de ózektiligin atap ótti. Elbasy Qor azamattardyń áleýmettik máselelerin sheshýge qatysa otyryp, óz jobalary arqyly halyqty barynsha molynan qamtýy tıistigine nazar aýdardy. Bul rette mádenıet, óner jáne ádebıet salasyndaǵy bastamalar bıyl Táýelsizdiktiń 25 jyldyǵy aıasynda júzege asyrylýy qajet. Qordyń atqarýshy dırektory S.Nurahanov esepti kezeńde ǵylymı-shyǵarmashyl jastardy qol­daý, áleýmettik baǵdary bar jobalar men qaıyrymdylyqty júzege asyrý, sondaı-aq, aqpa­rat­tyq-taldamalyq qyzmet sııaqty baǵyttar boıynsha 67 is-shara ótkizilgenin aıtty. О́tken jyly Qor jas býyn úshin syılyqtar, stıpendııalar men granttar taǵaıyndaý jó­nin­de dástúrge aınalǵan kon­kýrstyq baǵdarlamalardy iske asyrdy. Jurtshylyqtyń joǵa­ry baǵasyn alǵan jańa tabys­ty jobalar qatarynda «Altyn to­bylǵy» ádebı syılyǵy bar. Sony­men qatar, «Astana klýby» sarap­shylyq uıymy jumysyn jalǵastyrýda. Qor janyndaǵy Álemdik ekonomıka jáne saıasat ınstıtýtynyń dırektory S.Ákimbekov halyq­aralyq taldaý ortalyǵyn úzdik halyq­aralyq standarttarǵa saı damy­tý jónindegi mindettiń júzege asyrylýyna toqtaldy. Ins­tı­týt óz qyzmeti aıasynda ha­lyq­ar­alyq kún tártibindegi ózekti ta­qy­ryptar jóninde zertteýler ja­sap, baıandama daıyndaıdy. Bıyl 12-shi ret ótken, «Búgingi ba­qytty balalyq – erteńgi qýatty Qazaqstan» degen taqyrypqa arnal­ǵan jyl saıynǵy «Áleýmet­tik ıdeıalar men jobalar jár­meńkesi» aıasynda el óńirlerinen 16 úkimettik emes uıym Qordan qar­jylyq qoldaý aldy. Uly Otan soǵysyndaǵy Jeńistiń 71 jyldyǵyna oraı Tuń­ǵysh Prezıdent – Elbasy qory­nyń qarjylyq qoldaýymen Ke­ńes Odaǵy Batyrlarynyń, qa­zaq­standyqtardyń erlikteri týraly baıandaıtyn «Jeńistiń ja­lyny» atty úsh tomdyq jınaq qaıta basylyp shyqty. Jyl basynda jas shyǵar­mashyl qyzmetkerlerdiń máde­nıet pen óner salasyndaǵy, son­daı-aq, jas ǵalymdardyń ǵylym jáne tehnıka salasyndaǵy jetis­tikterin qoldaý jáne baǵalaý aıasynda Qor syılyǵynyń 21 laýreatyn marapattaý rásimi bolyp ótti. Qor Qazaqstannyń BUU Qaýip­sizdik Keńesiniń turaqty emes músheligine kandıdatýrasyn ilgeriletý isine atsalysý maq­satymen mamyr aıynyń basynda Nıý-Iork shtatynda konsert jáne fotokórme uıymdastyrdy. Sýretti túsirgender S.BONDARENKO, B.OTARBAEV