Ońtústikte bıyl kene kóbeıip ketti

Ońtústikte byltyrǵy jylmen salystyrǵanda, kene shaǵý oqıǵasy jıilep ketti. Máselen, osy mezgilde kene shaqqan 1072 adam medısınalyq ortalyqtarǵa qaralsa, bıyl bul kórsetkish 1634 adamǵa jetken. Abyroı bolǵanda, Qyrym qandy bezgegin juqtyrǵandar joq. Alaıda, alańsyz otyrýǵa taǵy bolmaıdy. О́ıtkeni, ma­mandardyń kúshimen terilip alǵan 12 myńnan astam keneniń 59-ynan qaýipti indettiń belgileri tabylǵan. Kene negizinen malda bolady. Jyl saıyn 11 mln.-nan astam maldy toǵytýǵa jáne búrkýge kerek dári-dármek áli satylyp alynbapty. Memlekettik satyp alý jumystary keshikkendikten, qora-qopsy, maldy zalalsyzdandyrý jumystary kesh bastalǵaly otyr. Oblystyq aýyl sharýashylyǵy basqarmasy veterınarııa bóliminiń basshysy Bazarbaı Omarov: «Tehnıka daıyn, adamdar arnaýly kıimdermen qamtyldy. Dári-dár­mek jetkizilse, jyldaǵy 1,5 aıǵa sozylatyn jumysymyzdy bir aıda aıaqtaımyz. Oǵan shamamyz keledi», – deıdi. Bıyl aýa raıy salqyndaý. Eger kún kúrt ysysa, kenelerdiń ýyty artyp, zardaby aýyr bolýy múmkin. Jaman aıtpaı jaqsy joq. Kene kúshine minip keledi. Baqtııar TAIJAN, «Egemen Qazaqstan»