О́ńiraralyq yntymaqtastyq – órkendeý kepili

Eki kúnge sozylǵan Qyzylorda oblysynyń Aqtóbedegi kúnderi tabysty ótti. Oblystyń óńiraralyq kooperasııa aıasynda elimizdiń ońtústik aımaqtarymen áriptestik baıla­nysty nyǵaıtý qadamy ýaqyt ótken saıyn qaıtarymdy bola túsýde. Buǵan deıin Ońtústik Qazaqstan jáne Qostanaı oblystarynyń taýar óndirýshileri kerýenderi atbasyn Aqtóbege buryp, azyq-túlik jármeńkelerin ótkizgen bolatyn. Endi Aqtóbede Qyzylorda oblysynyń kúnderi ótti. Maqsat Aqtóbe men Qyzylorda oblys­tary arasynda ekonomıkalyq-mádenı baılanysty nyǵaıtý, óz­ara tájirıbe almasý, ózderinde óndiriletin ónimderdi kórshilerine usynyp, ımporttyń úlesin tó­mendetý bolyp tabylady. Bul joly aımaqqa Qyzylorda oblysynan 200-ge tarta delegat keldi. Olardyń arasynda «Aral tuz», «Syr marjany» sekildi bel­gili sharýashylyqtardyń ókil­deri bar. Qy­zylordalyq delegat­tardyń 120-sy ónerpaz­dar. Olar­dyń qa­ta­ryn­da Qyzyl­or­dadaǵy Tur­ma­ǵan­­bet Izti­leýov atyndaǵy ult as­­pap­tar or­kestri, kameralyq hor jáne «To­mırıs» bı ansambli ujym­­­­da­­ry, jy­raýlar men ánshiler bar. Qyzylordalyq delegasııa ókil­deri sala-salaǵa bólinip, aýmaqtyń ekonomıkalyq-áleýmettik jáne mádenı-sporttyq áleýetimen tanysty. О́nerkásip salasynyń ókil­deri qaladaǵy barlyq ınfraqu­ry­lymy júrgizilgen ındýstrııa­lyq aımaqta, «Aqtóbe munaı qon­dyr­ǵylary jáne sorǵylar daıyn­daý», «Eko­ton­Batys», «Nazar Treıler», «Kas­pıı plıýs» jaýap­ker­shiligi shekteý­li serik­testigi sııaqty irgeli kásip­oryndarda bol­dy. Al aýyl sharýa­shylyǵy sala­sy maman­daryn «Aqtóbe jyly­jaı» JShS-niń kókónis óndirisi men «AkTEP»JShS-niń mal bor­daqylaý alańy men et kombınaty qyzyqtyrdy. Seriktestiktiń birigeı et kombınatynda jylyna 7,5 myń tonna et qaldyqsyz óńdeledi. Byltyr elimiz eksportqa shyǵarǵan 12 myń tonna ettiń teń jartysy Aqtóbeniń úlesine tıesili. Bıyl elimiz boıynsha syrtqa shyǵarylatyn 20 myń tonna ettiń 12 myń tonnasyn aqtóbelikter óndiredi. Osy zamanǵa medısınalyq qondyrǵylarmen jabdyqtalǵan «Darý» ońaltý ortalyǵyn, oblys­­tyq eresekter aýrýhana­syn jáne qurylysy bastalǵan oftal­molo­gııalyq aýrýhana jumysy­men ta­nysqan qyzylordalyqtar óńir­­de medısınalyq klaster jáne medısınalyq týrızm qurý jobasynyń negizsiz emes eke­ni­ne kóz jetkizdi. Elimizdiń batys óńirine ǵana emes, kórshiles oblys­tarǵa da maman dárigerler daıar­laıtyn M.Ospanov atyndaǵy Batys Qazaqstan memlekettik medısına ýnıversıteti de kadrlarmen qamtamasyz etedi. Qonaqtar qala qurylysy, sport, saýda jáne týrızm salalary boıynsha tájirıbe almasyp, ózara baılanysty nyǵaıtýǵa, yntymaqtasa jumys isteýge bolatynyna senim­dilik bildirdi. Qyzylorda oblysynyń Aqtó­bedegi kúnderi aıasynda «Nur Otan» partııasy oblystyq fılıalyn­da óńir basshysy Berdibek Sapar­baevtyń qatysýymen dóńgelek ústel uıymdastyryldy. Oǵan qala jáne aýdandardyń ákim­deri men olardyń orynbasarlary, mem­lekettik organdar men kásip­oryn jetekshileri, oblys­tyq máslıhat depýtattary men aýylsharýashylyq taýarlaryn óndirýshiler, sonymen birge, Qy­zylorda oblysy ákiminiń orynbasary Serik Qojanııazov bastaǵan delegasııa qatysty. Dóńgelek ústel barysynda oblystardyń ákimdikteri ara­synda ózara yntymaqtastyq jáne aı­­­maqaralyq baılanystardy ny­ǵaıtý jónindegi memorandýmǵa qol qoıyldy. Memleket basshysy Nursultan Nazarbaevtyń aımaqaralyq kooperasııany damytý týraly tapsyrmasyna sáıkes bıyl oblys­ta elimizdiń ońtústiginen jáne Qostanaı oblystarymen kókónis pen ózge de azyq-túlik túrlerin tikeleı jetkizý jóninde jumystar jolǵa qoıyldy. Dóńgelek ústel barysynda Qy­zylorda oblysy ákiminiń oryn­basary Serik Qojanııazov pen Aqtóbe oblysy ákiminiń oryn­basary Muhtar Jumaǵazıev eki óńir­diń ekonomıkalyq-áleýmet­tik damý baǵyttaryna toqtalyp, aldaǵy ýaqytta qandaı jobalar­dy birlesip júzege asyrýǵa bola­tyny týraly oılaryn ortaǵa saldy. Qol qoıylǵan memoran­dýmǵa sáıkes kórshiles oblys­tar­dyń arasyndaǵy aımaqaralyq koope­rasııanyń negizgi tujy­rym­da­ma­lary men baǵyttary kórsetil­gen. О́z kezeginde, kórshiles eki ob­lystyń bilim basqarmalary bir­lese otyryp, ǵylym, tehnı­ka­lyq jáne kásiptik bilim berý, stýdentter men oqytýshylar aıyrbas­taý boıynsha jobalardy júzege asyrý jóninde kelisimge qol jet­kizdi. Qazirdiń ózinde osyndaǵy joǵary oqý oryndarynda 1500, kolledj­der men lıseılerde 2 myń qyzylordalyq jas bilim alýda. Bul baılanys alda da jalǵasyn tabatyn bolady.  Satybaldy SÁÝIRBAI, «Egemen Qazaqstan» Aqtóbe oblysy