Úzdikter úzilip shyǵa bastady

Qazirgi kúnderi Reseıdiń Máskeý já­ne Sankt-Pe­ter­býrg qalala­ryn­da ótip jat­qan hokkeıden álem chempıonaty irik­teý týrnıri bel ortasynan aýdy. Beısenbi kúni Danııa qu­ramasyn 10:1 etip talqandap shyqqan Reseı quramasy endi 9 upaımen A tobyn­daǵy eki lıderdiń biri bolyp shyǵa keldi. Al Norve­gııany 7:0 esebimen oısyrata jeńgen Chehııa upaı sanyn 11-ge jetkizip, burynǵy pozı­sııasyn biraz nyǵaıta tústi. Úshinshi orynǵa sonyń aldynda Qazaqstan quramasyn tize búktirgen Shvesııa ornalasty. Onyń 8 upaıy bar. Bizdiń jigitterden 1-týrda utylyp qal­ǵan Shveısarııa keıin 7 upaıǵa qol jetkizip, tórtinshi orynǵa kóterildi. Burnaǵy kúni Germanııadan 5:2 esebimen basym túsken Kanada upaı sanyn 12-ge toltyryp, birinshi tuǵyrǵa turaqtady. V to­bynda odan basqa fınderde de osynshama upaı bar. Bul eki qu­rama týrnırde ázirge birde-bir upaı joǵaltpaǵan, barlyq oıynda negizgi ýaqytta jeńiske jetken ujym­dar bolyp tur. Osy kúni AQSh Fransııany 4:0 etip jeńip, 6 upaımen úshinshi pozısııaǵa qadam basty. Onymen upaı qory birdeı Slovakııa kelesi orynda keledi. Keshe túnde 5-týrdyń oıyndary oınaldy. Qazaqstan qu­ramasy Chehııa komandasymen bet­testi. Budan basqa, AQSh – Ven­grııa, Danııa – Latvııa, Ger­­manııa – Belarýs terme ja­ma­ǵattary ózara kúsh synasty. Al búgin bizdiń jigitter óz­de­ri­niń basty básekelesteriniń biri Lat­vııa quramasymen kez­de­sedi. Osy oıynda komandany elıta tobynda qalatyn-qal­maı­tyny belgili bola bastaıdy. Týr­da ta­ǵy sondaı-aq Reseı – Shveı­sa­­­rııa, Norvegııa – Shvesııa, Fran­­­sııa – Fınlıandııa, Vengrııa – Belarýs, Kanada – Slovakııa quramalary oınaıdy. Erteń Qazaq­stan quramasy Danııa hok­keı­shilerimen tartysqa túsedi. Komandanyń aldaǵy jylǵy taǵdyryna osy oıynnyń qosa­tyn úlesi de az bolmaq emes. Rýslan IGILIK