Maqtaaralda shıt sebý bastaldy

Maqtaaral aýdanynda kók­temgi egis jumystary qarqyn aldy. Aýdanda jalpy sýarmaly egistik alqap 136,4 myń gektardy qurasa, búgingi tańda 12130,5 gektar jerge baqsha, 810 gektar jerge dándik júgeri, 227 gektar jerge kúnbaǵys egildi. Al, aýdan aýyl sharýashylyǵy salasynyń negizin quraıtyn maqtany 83 myń gektar jerge egý josparlanýda. Jýyrda aýdannyń Eralıev aýyldyq okrýgindegi «Nuraly Jol – J» sharýa qojalyǵy egistik alqabynda maqtashylar bas qosyp, semınar-keńes ótti. Semınar-keńeste atalǵan sharýa qojalyǵynyń tóraǵasy Erbol Eralıev ústimizdegi jyly 190 gektar alqapqa maqta shıt ornalastyratyndyqtaryn aıtyp, osy saladaǵy ózderiniń ozyq is-tájirıbelerimen bólisti. Jıynda Maqtaaral aýdanynyń ákimi Jamantaı Beısenbaev, oblystyq aýyl sharýashylyǵy basqarmasynyń basshysy Serik Turbekov, «Qazaq maqta ǵylymı-zertteý ınstıtýty» JShS basshysy Ibadýlla Úmbetaev, «Qazaq sý sharýashylyǵy ǵylymı-zertteý ınstıtýty» JShS basshysy Nurlan Balǵabekov, aýyl sharýa­shy­lyǵy salasynyń ardageri Begim Serikov, taǵy basqalar maq­ta sharýashylyǵyn damytýdaǵy túıt­kildi máseleler men olardy sheshýdiń joldary jónindegi óz oı-pikirlerin ortaǵa saldy. Semınar-keńeske qatysýshy maqtashylar «Nuraly Jol – J» sharýa qojalyǵynyń egiske jerdi daıyndaý jáne maqta shıtin ornalastyrý jumysy barysymen tanysty. Osy kúnnen bastap, maqta­aral­dyqtar maqta shıtin sebýge jappaı kiristi.  Asqar OMARHANOV, jýrnalıst  Ońtústik Qazaqstan oblysy, Maqtaaral aýdany