«Salaýatty sana» jobasy
Qoǵam • 01 Qazan, 2025
5 keselge qarsy kúrestiń jol kartasy ázirlenedi
Memlekettik qyzmette istegender «Jol kartasy» degendi jaqsy biledi. Qarapaıym tilmen aıtsaq, ol – aýqymdy mindetti ret-retimen, sapaly, nátıjeli oryndaý jospary. Ádette, Memleket basshysynyń jyl saıynǵy Joldaýynan keıin qabyldanady, sondaı-aq uzaq merzimdik memlekettik baǵdarlamalardy iske asyrý, partııalar sezderiniń sheshimderin oryndaý úshin de jasalady. QHA janyndaǵy respýblıkalyq Analar keńesiniń Qaraǵandy oblysynda ótken keńeıtilgen otyrysynda óńir ákimi Ermaǵanbet Bólekpaev «Salaýatty sana» jobasyn iske asyrýdyń 3 jylǵa arnalǵan Jol kartasyn qabyldamaq nıetterin jarııa etti. Bul – qoǵamǵa qaýip tóndirip otyrǵan keseldermen kúresýdegi úlken qadam. Jáne bılik pen qoǵamnyń bir maqsatta alǵa basýynyń jaqsy kórsetkishi.
