Anargúl Mýshkanova
Volonter • 20 Maýsym, 2024
Tasqyn kezinde birlik pen qamqorlyqtyń ne ekenin túsindik - aqmolalyq erikti
Bıylǵy sý tasqyny saldarynan eldiń 10 oblysynda tótenshe jaǵdaı jarııalandy. Bul - kólemi jaǵynan sońǵy 80 jyldaǵy eń iri tabıǵı apat. Osynaý qıyn-qystaý kezeńde halyqtyń bir judyryqtaı jumylǵany birshama qaıǵyly oqıǵanyń aldyn aldy. Bolary boldy, tasyǵan sý jerge sińdi, jan-jaqqa aǵyzyldy. Ýaqyt óte kele bári qalpyna keletini belgili. Alaıda halyqtyń kezekti «daǵdarysqa» ushyraýy áp-sátte esten kete qoımas. Baspanasyz, kıim-keshek pen azyqsyz, maly men múliksiz qalǵan azamattarǵa keregi - jylýlyq.
