Arystan Ábildın
Rýhanııat • 02 Qyrkúıek, 2021
Álem ártisterin tańǵaldyrǵan Arystan
Elimizdiń Tuńǵysh Prezıdenti – Elbasy Nursultan Nazarbaevtyń bastamasymen qolǵa alynǵan «100 jańa esim» jobasynyń bıylǵy, tórtinshi maýsymy qorytyndylandy. Al joba bastalǵaly beri oǵan respýblıkanyń túkpir-túkpirinen 5 myńnan astam úmitker qatysyp, óz jetistikteriniń tarıhyn ortaǵa salǵan edi. Olardyń ishinde respýblıkaǵa tanymal tulǵalarmen qatar, neler ıgi isterdi úndemeı tyndyryp júrgen jaısań jandar bar. Nátıjesinde, tórt maýsymda barlyǵy 193 azamat jeńimpaz atanyp, ártúrli saladaǵy óz jetistikterimen kózge tústi. Munyń ózi boıǵa bitken darynymen, kemel aqyl-parasatymen, qajyrly eńbegimen zamanaýı qazaqstandyq qoǵamdy qalyptastyrýǵa úles qosqan tulǵalar qatary qalyńdaı túskendigin ańǵartqandaı.
