Asyrǵan
Elbasy • 30 Qarasha, 2021
XX ǵasyrdaǵy 80-jyldarynyń sońy men 90-jyldardyń basyndaǵy syndarly oqıǵalar sol kezeńdegi halyqaralyq qarym-qatynastardyń bıpolıarlyq júıesin quldyratty. Sóıtip, álemniń saıası kartasynda jańa táýelsiz memleketter paıda boldy. Ǵalamdyq geosaıasatta tektonıkalyq ózgeristermen qatar, Eýrazııa men Shyǵys Eýropa keńistiginde burynnan qordalanyp qalǵan jáne jańadan paıda bolǵan azamattyq jáne memleketaralyq qaqtyǵystar shıelenise tústi. Sonymen birge uıymdasqan qylmys, separatızm, dinı ekstremızm, terrorızm, esirtkiniń zańsyz aınalymy sekildi jańa syn-tegeýrinder men qaýip-qaterler shyǵa bastady. Bul postkeńestik elderge ǵana emes, shartarapta ornyqqan áleýmettik-saıası jáne ekonomıkalyq turaqtylyqqa nuqsan keltirýi múmkin edi.
