Atyraý ekspedısııasy
Rýhanııat • 16 Qyrkúıek, 2021
Atyraýdyń apaıtós dalasy qundy tarıhqa tunyp tur. Qazynaly óńirdiń topyraǵynda jaýǵa qarsy qol bastaǵan batyrlar da, qazaqtyń shuraıly tilimen órnekti sóz órgen aqyndar men jyraýlar da, tipti tylsymy jumbaq san ǵajaıyp qasıetimen jurt jadynda jattalǵan áýlıeler de máńgilikke tynystap jatyr. Tarıhı-mádenı murany zertteý ortalyǵynyń basshysy Muhambetqalı Kıpıevtiń aıtýynsha, Elbasy – Tuńǵysh Prezıdent Nursultan Nazarbaevtyń «Bolashaqqa baǵdar: rýhanı jańǵyrý» atty maqalasynan keıin Qazaqstannyń kıeli jerler geografııasynyń kartasyna 7 nysan engen. Sondaı-aq jergilikti mańyzy bar nysandar tiziminde 20 nysan bar. Apta basynda «Egemen Qazaqstan» men «Kazahstanskaıa pravda» gazetteri uıymdastyrǵan «Atameken» ekspedısııasy sol nysandardyń búgingi jaı-kúıimen tanysty.
