Jamaleddın Beısenov
Zerde • Búgin, 08:52
Jamaleddın Beısenov – Ybyraı Altynsarın negizin qalaǵan qazaqtyń jańa úlgidegi bilim júıesiniń alǵashqy leginde turǵan, aǵartýshylyq muratty ómirine serik etken tulǵa. Qostanaıdaǵy eki klastyq orys-qazaq ýchılıshesinde bilim alyp, Orynbor qazaq muǵalimder mektebin támamdaǵan ol bar sanaly ǵumyryn el balasyn oqytýǵa, qazaq qoǵamynyń kózin ashýǵa arnady. Ybyraı Altynsarınniń shákirti ári izbasary J.Beısenov pedagog, jazýshy Spandııar Kóbeevti alǵash mektepke jetelep, oqý úıretip, bilim bergen. Spandııar Kóbeevtiń «Oryndalǵan arman» memýarlyq romanynda: «Jamaleddın Beısenniń balasy edi. Orynborda oqytýshylar daıarlaıtyn mektepti bitirip shyqqan jas oqytýshy bolatyn. Baǵymyzǵa qaraı, Jamaleddın de, Dosmaǵul da, tipti Ybyraıdyń ózi de kelipti.
