Jaqyp Haırýshev
Energetıka • 08 Tamyz, 2025
Jaqyp Haırýshev: Qazaqstan ekonomıkalyq damýdyń jańa kezeńinde
Bizdiń el Avaza is-qımyl baǵdarlamasyn turaqty, ınklıýzıvti jáne ornyqty keleshekke jetkizer jol kartasy retinde tolyq qoldaıdy. Bul týraly Prezıdent teńizge shyǵar joly joq damýshy elderge arnalǵan BUU-nyń 3-shi konferensııasynda aıtty. Qasym-Jomart Toqaev bul mańyzdy bastama tranzıttik elderdiń, damý jónindegi halyqaralyq uıymdar men qarjy ınstıtýttarynyń saıası qoldaýyna ıe bolýy tıis, dedi. Memleket basshysy kólik, energetıka men sıfrlyq ınfraqurylym sııaqty negizgi sektorlarǵa ınvestısııa yntalandyrýǵa ınnovasııalyq qarjy tetikteri qajet ekenin aıtty. Energetıka mınıstrligi Qoǵamdyq Keńesiniń tóraǵasy Jaqyp Haırýshevtiń pikirinshe, Qazaqstan orta ekonomıkasy bar el retinde kóbirek qabyldanýda ári bul mártebe onyń energetıkalyq áleýeti turǵysynan erekshe ózekti. Tolymdy taqyrypty arnaıy suhbatta talqylap kórelik.
