Júsip Ábdirahmanov
Zerde • Búgin, 08:25
Turar men Júsip – qos halyqtyń ortaq tulǵalary
Keńes ókimeti qazaq jáne qyrǵyz halyqtarynyń ózin-ózi basqarý quqyn moıyndaıtynyn resmı dekret arqyly jarııalap, osy arada naqty qadam jasady. Bul jaǵdaı, árıne, ımperııa ómirindegi jaǵymdy qubylys edi. Sonymen qatar ortalyq úkimet bul qadamǵa bara otyryp, jergilikti ulttyq saıası basshylyqqa tolyq senim artýdan qaımyqty. Onyń árbir erkin de batyl qadamdaryna seziktene qarady. Mundaı ustanymnyń astarynda kedergi retinde, birinshiden, sheshim qabyldaıtyn ortalyq basshylyqtaǵy qyzmetkerler men jergilikti halyq arasyndaǵy órkenıettik, dinı-mádenı alshaqtyq jatsa, ekinshiden, týǵan jer, onyń tabıǵı jáne adamı resýrsyn ıgerýde, paıdalanýda ózara úılespeıtin múddeler qaıshylyǵy da bar-tyn.
