Marına Svetaeva
Ádebıet • 14 Shilde, 2021
Ol týraly túrli ańyz-áńgime bar: bálkı, shyn... bálkı, ótirik. Onyń óleńi de óziniń bolmysy sekildi «bóten» seziletin. Sonysymen «kúmis dáýir ádebıetindegi» poezııaǵa lırıkalyq jańa boıaý, svetaevalyq daýys alyp keldi. Keıde onyń asqaq ta órshil óleńderi keıbireýlerdiń seziminen, namysynan, batyldyǵy men seniminen bıik kórinedi. Ol Nobeldi alǵan joq, tipti kózi tirisinde týǵan jerine de syıǵan joq, dálirek aıtsaq, orys qoǵamy ony kerek etken joq: kórse de kórmegendeı boldy, oqysa da oqymaǵandaı keıip tanytty. Aqynnyń tragedııasy, mine osy tustan bastaldy.
