Muqash Seıtqazınov
Rýhanııat • Búgin, 08:43
Muqash (Muhanbetqalı) Seıtqazınov aǵanyń aıtysyn tuńǵysh ret 1990 jyly Almaty qalasynda kórgenmin. Biz onda QazMÝ-dyń sońǵy kýrsynda oqıtyn edik. Ár oblystan tańdaýly aqyndar, termeshiler, jyrshylar qatysqan úlken óner alamany ótti. Sol joly sahnaǵa dombyrasyz shyǵyp, «Dárıdaı» dep aıtysqan Muqańa tań-tamasha qalǵanbyz. Bul azdaı, Kerekýden kelgen Serik Qusanbaev aǵamyz dombyrany solaqaı tartatyn bolyp shyqty. Biri dombyrasyz «dárıdaılasa», biri dombyrany solaqaı ustap shyqqany, jasyratyny joq, basynda kúlkili kóringen. Keıin aqyndardyń taban astynda sóz taýyp ketken tapqyrlyǵyn, sóz saptaýyn, tegeýrinin kórgende, talantyna qaıran qaldyq.
