Syrtqy saıasat sabaqtastyǵy
Táýelsizdik • 12 Jeltoqsan, 2021
Táý eter Táýelsizdigimizdiń 30 jyldyq mereıli belesine elimizdiń tolaıym tabystarmen jetýine syrtqy saıasat salasynyń qosqan úlesi zor ekeni anyq. Mámilegerlikti ese jibermeı, esebin taýyp, eldiń eńsesin tikteý desek, Elbasy elimizdiń syrtqy saıası kelbetin symbatty qalyptastyrdy. Shıelenisterdi sheship, shekaramyzdy shegendep berdi. Kórshilermen irgeles sozylǵan qurlyqtaǵy eń alyp shekara Otanymyzdyń myzǵymas taǵanyna aınaldy. Qazaqstan álemdik qaýymdastyqta beıbitshil aıshyqty saıasaty arqyly órnek saldy, kóptegen jahandyq bastamaǵa uıytqy boldy. Syrtqy saıasatymyzda osy sabaqtastyqtyń jemisti jalǵasyp kele jatqanyn Prezıdent Qasym-Jomart Kemeluly Toqaevtyń sońǵy 100 kúndegi is-sharalarynan da ańǵarýǵa bolady.
