Qoǵam • 10 Tamyz, 2025

Qurylys salasynda jeldetý júıesiniń mańyzy qandaı?

Qazaqstanda qurylys salasy qaryshty damyp keledi. Bul sózimizdi sandyq derekter de senimdi ete túsedi. Ulttyq satatıstıka bıýrosynyń málimetinshe, elimizdegi jalpy ishki ónim kóleminiń 6 paıyzyn osy qurylys salasy qamtyp otyr. Salanyń serpin alýy halyq sany men suranysynyń ósýimen de baılanysyp jatyr. Sebebi keıingi jyldary turǵyn úı qurylysy qarqyn alyp, 2024 jyly 19,1 mln sharshy metr baspana paıdalanýǵa berilip, táýelsizdik jyldaryndaǵy rekordtyq belesti baǵyndyrǵan. Qurylys salasynyń ózi on saýsaqtaı tarmaqtalyp jatyr. Tehnık, ınjener, jobalaýshy, tas qalaýshy, montajdaýshy, dánekerleýshi, jeldetý júıesiniń mamandary, santehnık, ártúrli jumysty atqaratyn adam dep tolassyz tizimdi jalǵaı berýge bolady. Biz búgin «ǵımarat tynysyn ashatyn», jeldetý júıesin jetik meńgergen maıtalman maman Alekseı Nıkıshın jáne onyń uly Kırıll Aleksıevıch jumysy týraly baıandaımyz, dep jazady Egemen.kz.