Sport • 02 Shilde, 2025

Valerıı Jumadilov: «Tarıhı otanym – Qazaqstannyń atynan jarysqa qatysamyn»

6–8 shilde kúnderi Almaty qalasynda jeńil atletıkadan ALATAU 2025 halyqaralyq týrnıri ótedi. Bul Ortalyq Azııa keńistigindegi Masters (35+) jáne áýesqoılar (18–34 jas) sanatyndaǵy sportshylarǵa arnalǵan alǵashqy iri jarys bolmaq. Ártúrli elderden, jastan, ulttan jınalǵan júzdegen sportshy úshin bul naǵyz sport merekesine aınalmaq. Osy týrnırge qatysatyn eń shabyttandyrarlyq tulǵalardyń biri 64 jastaǵy Valerıı Jumadilov. Ol júgirýmen 50 jasynda ǵana aınalysa bastaǵan, al búginde jeti eldiń chempıony, Eýropa vıse-chempıony jáne óziniń jas sanatyndaǵy álemdegi eń myqty sprınterlerdiń biri sanalady. Biz týrnır qarsańynda Valerıı Jumadilovpen onyń ómir joly, otanǵa degen súıispenshiligi men rýhynyń myqtylyǵy týraly áńgimelestik. Bul oqıǵa Qazaqstan halqy Assambleıasynyń qundylyqtary - sport, mádenıetke qurmet jáne adamdardy biriktirý ıdeıasyn shynaıy ómirde qalaı júzege asyrýǵa bolatynyna jarqyn dálel.