Úkimet • 23 Qarasha, 2023
Keshe Májilis spıkeri Erlan Qoshanovtyń tóraǵalyǵymen Palatanyń jalpy otyrysy ótti. Jıyn barysynda turǵyn úı saıasatyn reformalaý máseleleri qaraldy. Sondaı-aq birneshe ratıfıkasııalyq zań jobasy qabyldandy.
Aýyl • 23 Qarasha, 2023
Prezıdent byltyrǵy saılaýaldy baǵdarlamasynda aýyl sharýashylyǵy máselesine aıryqsha den qoıyp, otandyq ekonomıkanyń lıderi bolýǵa qabiletti osy salanyń kem-ketigine kóńil bóldi. Ásirese aýylsharýashylyq kooperatıvterdi damytý qajettigin basa aıtty. Memleket basshysynyń sózinshe, osy maqsatta 1 trln teńge bólinedi jáne sátimen oryndalǵan jaǵdaıda bastama 1 mıllıonnan astam aýyl turǵynynyń hal-aýqatyn jaqsartýǵa septigin tıgizedi. Saılaýaldy baǵdarlamada budan basqa taǵy birneshe bastama kóterilgen.
Forým • 22 Qarasha, 2023
Tańdaý erkindigine taldaý júrgizgen jón
Jasandy ıntellekt osy júrisinen jańylyspasa, birer jyldan keıin adam eńbegi kózge kórinbeı qalýy múmkin. Sebebi «ChapGPT»-tiń bir ózi birneshe mamannyń jumysyn atqaryp, jýrnalısterdiń ornyna maqala, aqyn-jazýshylar úshin shyǵarma jazýǵa qabiletti. Alaıda jasandy ıntellektiniń jańa dáýirinde jaýapkershilikke júrdim-bardym qaraýǵa bolmaıdy. Keshe bul másele Astanada ótken jýrnalıstıkadaǵy jasandy ıntellekt bolashaǵyna arnalǵan «Media Vision 2023: Ai in Journalism» forýmynda ortaq taqyrypqa aınaldy.
Qoǵam • 22 Qarasha, 2023
Áke ınstıtýty: Qundylyq pen qaǵıdat
Urpaq aldyndaǵy amanatty atqarýǵa kelgende otbasyndaǵy qarym-qatynastyń jibi úzilip qalǵany týraly jıi aıtylady. Úzildi deımiz-aý, qazaq uǵymynda alyp báıterekke teńelgen tórdegi ákeniń róli bosaǵada syǵalap turǵaly qashan. Buryn bala ákeniń meıirimin, ananyń aıaly alaqanyn seziný kerek desek, qazir óz týǵanynan kún saıyn jábir kórip jatqan óskeleń urpaqqa otbasyndaǵy ákeniń rólin túsindirýde tilimiz kúrmelip qalatyny belgili. Bıyl elimizde kóz jumǵan 25 balanyń 6-ýy et jaqyndarynyń qolynan qaza tapqan. Osynyń ózi otbasy qundylyǵynyń quldyrap, bala bolashaǵyna bas aýyrtatyn emes, balta shaýyp jatqan otbasyndaǵy jaǵdaıdyń ýshyǵyp turǵanyn kórsetedi. Bul másele tóńireginde aıtpaǵan usynys, ózgertilmegen zańnama, qolǵa alynbaǵan joba qalmady. Sol sebepten bala tárbıesindegi ata-ana jaýapkershiligi men áke ınstıtýtyn qalyptastyrý taqyrybyna jıi oralýǵa májbúrmiz. Búgingi dóńgelek ústelimizde de «Áke ınstıtýtyn qalyptastyrý otbasyndaǵy zorlyq-zombylyqty azaıtyp, urpaq tárbıesin uqyptylyqpen qaraýǵa shaqyra ala ma?» degen saýaldy qoıyp otyrmyz.
Joba • 22 Qarasha, 2023
«Dıplommen – aýylǵa!»: Baǵyty oń baǵdarlama
Bir kezderi táýir tanylyp, keıin kómeskilenip ketken «Dıplommen – aýylǵa!» baǵdarlamasy qaıta jańǵyra bastady. Atalǵan baǵdarlama kómegimen osy kúnge deıin 40 myńǵa jýyq maman eldi mekenderge jumysqa baryp, baspanaly bolypty. Bıyl «Otbasy bank» baǵdarlama operatory bolyp resmı bekitilgennen keıin ótinim qabyldaý, jastardyń jumys jáne baspana máselesin sheshý prosedýrasy meılinshe jedel ári sapaly bola tústi. Baǵdarlama jumysy úshin bólingen 20 mlrd teńgeniń 50 paıyzy ıgerilip, 2 myń zaım berildi.
