Ádebıet • 10 Mamyr, 2023
Roman júgi aýyr janr ekeni oqýshy qaýymǵa belgili jaıt. HH ǵasyrda qazaq ádebıetine olja salǵan qadaý-qadaý kórkem shyǵarmalar sol kezdegi oqyrmandardyń áli kúnge deıin esinde. Ony qazir oısha sholyp shyqsaq, Ǵabıt Músirepovtiń ataqty «Ulpany», Ilııas Esenberlınniń «Qaharynan» bastap, kóshpeliler ómirine arnalǵan birqatar týyndysy ádebıetimizdi jańa bıikke kótergen edi. Ábish Kekilbaıulynyń «Úrkeri» men Muhtar Maǵaýınniń «Alasapyrany» esimizge alǵashqylardyń biri retinde oralady. Ábekeńniń (Núrpeıisov) «Qan men terin», odan keıin «Sońǵy paryzyn» oqydyq. Tizimdi budan ári de soza berýge bolar edi. Sondaı-aq qazaq kórkem ádebıetine «Jasyl beles», «Túıeli adam», «Bala jigit», «Qara jorǵa», «Baldaqty adam» sııaqty súbeli shyǵarmalar bergen Rahmetolla Raıymqulovatyń esimi de qurmetke laıyq dep bilemiz.
Álem • 10 Mamyr, 2023
Teńiz jaǵasynda shashylǵan marjan tastaı jarqyraǵan, Kaspıı boıyndaǵy kózdiń jaýyn alatyn ǵajap qala – Bakýdi Ázerbaıjannyń basyna bitken baq dep qana emes, túrki jurtynyń jaýhary dep bilemiz. Tarıhy baı bul jerge qansha márte tabanymyz tıse de, talaı ǵasyr boıyna búkken mol syryna qanyǵý áste múmkin emes. Osynaý ásem shahardyń nuryna shomylyp, ekinshi ret jolymyz túsip tursa da, jańa tanysqan arý qyzǵa tamsanǵandaı odan saıyn tánti bola tústik.
Sport • 10 Mamyr, 2023
Buqaralyq sport jáne ult saýlyǵy
Memleket basshysy Qasym-Jomart Toqaev «Ult densaýlyǵyn bekemdeý máselesi de óte ózekti. Barlyq jas sanaty arasynda buqaralyq sport túrlerin nasıhattaı berý kerek. Balalar úshin sporttyq ınfraqurylymnyń barynsha qoljetimdi bolýyn qamtamasyz etý kerek. Buqaralyq sportty damytý – pıramıdaǵa aınalýy qajet. Onyń basyna chempıondar shyqsa, onyń negizinde biz saý ári sanaly urpaqty, myqty ultty qalyptastyramyz» degen bolatyn.
Tulǵa • 09 Mamyr, 2023
Maıdanda bolǵandar ómirdi, dostyqty erekshe qadirleıdi. Maıdandas dostardyń bir-birine degen qurmeti erekshe bolatyny da sol. О́mir ótkeliniń bir mezetinde Kemeldiń úıinde qona jatyp, syrlasqan sáti kóz aldyna arbalyp tura qalǵan. Onda Ázilhan «Sosıalıstik Qazaqstannyń» Pavlodar oblysyndaǵy menshikti tilshisi bolyp isteıtin. Kemel osy basylymnyń jaýapty hatshysy edi. Alystan kelgen dosyn qolqalap, tórine shyǵarǵan. Jumys aıaǵynda jetken bulardy orta boıly, taldyrmash deneli, qaratory kelinshek kúlimdep qarsy alady. Jaıdarylyǵy júzinen esken jan eken, ashyq qabaǵynan qonaq kútýge daǵdylanǵan ańsarly ádep ańǵarylady.
Oqıǵa • 09 Mamyr, 2023
Resmı derekkózge júginsek, qan maıdanǵa Qazaqstannan attanǵandardyń 410 myńy qaıta oralmaǵan. Bul jaýyngerlerdiń 350 myńy qazaq ultynyń ókili bolsa, osylardyń 271 myńy habar-osharsyz ketkender qatarynda eken. Sol habarsyz ketken kóp qazaqtyń biri – Qaıyrjan Tikshekeev esimdi jaýyngerdiń múrdesi 2020 jyldyń naýryz aıynda Ýkraınanyń Kıev oblysyna qarasty Makarovskıı aýdanynyń Borovka selosy mańynan tabyldy. Sol jyldyń qazan aıynda qazaq jaýyngeriniń súıegi Astana qalasyna ushaqpen jetkizilip, elordadaǵy Áskerı-tarıhı mýzeıde marqumdy ulyqtaý is-sharasy ótkizilgen soń, kindik qany tamǵan Dáýqara aýylyndaǵy ata-baba qorymyna jerlendi. Osylaı qatardaǵy soldat Qaıyrjan Tikshekeevke 80 jyldan keıin ǵana týǵan jerinen topyraq buıyrdy.
