Mádenıet • 24 Qazan, 2024
Respýblıka kúni qarsańynda Aqtaýda Qazaqstannyń eńbek sińirgen ártisi Almas Bekbosynovtyń týǵanyna 100 jyl tolýyna arnalǵan aýqymy úlken, birneshe is-sharalardy quraıtyn halyqaralyq bı festıvali ótti. Festıvalǵa Almaty qalasynan kelgen Almas Bekbosynovtyń týystary Sara jáne Aqmaral Bekbosynovalar, Qazaqstannyń Halyq ártisi Gúljan Talpaqova bastaǵan qazylar alqasy men qonaqtar, sondaı-aq Ázerbaıjan, Qyrǵyzstan, Túrkııa, О́zbekstan jáne Qazaqstannyń túkpir-túkpirinen 24 ónerpaz qatysty. Festıval aıasynda bıshi Almas Bekbosynovtyń ómiri men shyǵarmashylyǵynan syr shertetin kórmeniń ashylýy, onyń ómiri men shyǵarmashylyǵy týraly derekti fılmniń tusaýkeseri, dóńgelek ústel, sheberlik saǵattary jáne konkýrs ótti.
Maman • 24 Qazan, 2024
Mártebeli mamandyq, eseli eńbek
Mektep ishindegi aıadaı ǵana bólme kitapqa qushtar balalardan bir sát te bosamaıdy. Biri ertegi oqyǵysy kelse, endi birin túrli-tústi sýreti bar kitaptar qyzyqtyrady. Oqýshylardyń qaı-qaısysynyń da kóńilin tabýǵa tyrysatyn kitaphanashylardyń bir kúndik jumysy kitap úlestirýmen bitpeıdi. Dataly kúnder, konferensııalar, kezdesýler kestesinen bólek, oqýlyqtar, ártúrli mazmundaǵy kitaptardy kútip ustaýǵa qatysty sharýamen damyl tappaıdy. Osyndaı qarbalasqa toly kúnderdiń birinde Almaty qalasyndaǵy B.Atyhanuly atyndaǵy №36 mektep kitaphanasynyń meńgerýshisi Ǵaısha Sadyrovamen áńgimelesip qaıtqan edik.
Kitaphana • 24 Qazan, 2024
«Qazaq gazetteri» JShS Almaty fılıalynda Qazaqstan Ulttyq elektrondy kitaphanasyn (QazUEK) tolyqtyrý boıynsha yntymaqtastyq týraly kelisimge qol qoıyldy.
Týrızm • 24 Qazan, 2024
«Taý ulymyn, taý – meniń dáý besigim» dep aqyn Muqaǵalı Maqataev jyrlaǵandaı, taý – qazaqtyń taǵzym etip, eńse túzer bıigi. Ákeni asqar taýǵa balap, «taýdaı bol!» dep bata beretin elmiz. Búginde sol taý sakraldy uǵym ǵana emes, taýdaı tabys kózine aınalyp otyr.
Qoǵam • 24 Qazan, 2024
Dúnıejúziniń 132 elin aralap, olardyń tarıhı oryndaryn, ulttyq qundylyqtaryn, uly adamdarynyń ómirin, sáýlet óneri eskertkishterin, florasy men faýnasyna deıin táptishtep jazý árkimniń qolynan kele bermeıdi. Jıhankezden eren tózimdilikti, baıqaǵyshtyqty, asqan bilimdilikti talap etedi.
