Rýhanııat • 14 Mamyr, 2019
Zafer Kıbar: «Abaı joly» barlyq tilge qaıta aýdarylsa da artyqtyq etpeıdi
Alashtyń alyp temirqazyǵy Abaı hákim desek, sol tuǵyrly tulǵanyń bolmys bitimi men ol ómir súrgen qazaq ortasynyń qalyby buzylmaǵan kóshpeli rýhyn qalam qýaty arqyly álemge pash etken uly jazýshy Muhtar Áýezov, onyń «Abaı joly» roman-epopeıasy ekeni daýsyz. Bizge belgili málimetter boıynsha «Abaı joly» romany dúnıe júzi halyqtarynyń 116 tiline, sonyń ishinde túrik tiline de aýdarylǵan. Alaıda Eýrazııa jazýshylar qaýymdastyǵynyń tóraǵasy, túrkııalyq jazýshy Iаkýp Omeroǵly byltyr «Qazirgi zamanǵy sóz energııasy» atty halyqaralyq forýmda bul aýdarma nashar ekenin, jańa sapaly nusqasyn kútetinin aıtqan edi. Biz orasan eńbekpen erikti túrde aınalysyp jatqan ádebıet janashyry Zafer Kıbar esimdi túrik azamatymen júzdesip úlgerdik. Ol «Abaı jolyn» aýdarýǵa kiriskenge deıin uly hákimniń 45 qara sózin, 163 óleńin, odan bólek qazaqtyń aqıyq aqyny Muqaǵalı Maqataevtyń tańdamaly óleńderin aýdarǵan eken. Bizdi Zafer myrzanyń qazaqsha erkin sóıleıtini birden baýrap aldy.
Qoǵam • 14 Mamyr, 2019
Kıik tóldep, quralaıyn órgizgen
Qazaq uǵymynda «Quralaıdyń salqyny» degen sóz bar. Búgingi tańda onyń sırek qoldanylyp, uǵymy da kómeskilenip bara jatqany ótirik emes. Qyrdaǵy qarııalardyń aýzynan oqtyn-oqtyn estip qalyp jatatynymyz bolmasa, qaladaǵy jurttyń kóbi ony áldeqashan umytqan. Quralaı bastalǵanda qasıetti janýar da tóldeýdi bastaıdy eken. Kıiktiń jappaı tóldeýi, tólin aıaqtandyrýy tabıǵattyń qubylmaly, salqyn kezine dóp kelgendikten bul kezdi «quralaıdyń salqyny», «quralaıdyń sýyǵy», «kıiktiń laq órgizbesi» dep atap ketken.
Ekologııa • 14 Mamyr, 2019
Ádette, Arqa tósine kóktem kesh keledi. Saı-saladaǵy, ormandy alqaptardaǵy jer degdimeı jatyp jasyl jelekti órt shala bastaýy eldi alańdatyp otyr. Byltyr oblys ormandarynda 11 márte iri órt bolǵan eken. Al, bıyl kóktem endi týsa da, Kóksheniń jasyl jelegin 4 ret órt shaldy.
Suhbat • 14 Mamyr, 2019
Gózel Quljabaeva: Kógaldandyrý isine bólingen qarjy tıimsiz jumsalady
Qalany kórkeıte túsýdiń bir tetigi – talǵammen júrgizilgen kógaldandyrý isi. Eger bul sharýa tıimdi uıymdastyrylsa, megapolıstiń mıllıondaǵan qarajaty únemdeletini anyq. Aryqtardy arnasyna buryp, taqyr jerdegi týǵan aýylyn adam tanymastaı ózgertken Qazaq ulttyq agrarlyq ýnıversıtetiniń qurmetti professory Gózel Quljabaevany áńgimege tartqan edik. Kásipker tórt jyl buryn Almaty oblysy Kerbulaq aýdanynyń Basshı aýylynda elimizdegi alǵashqy taqyryptyq «Abaı baǵyn» otyrǵyzdy. Basshıge barǵanymyzda, búkil Qazaqstannyń kóbelegi Quljabaevanyń aýylyna ushyp barǵandaı áser qaldyrǵan-dy. Búginde onyń demeýshiligimen bul óńirde 2 gektar jerde qaraǵaıly baq, 7 gektarda kókterek ormany, halyq ártisi Nurǵalı Núsipjanovtyń qurmetine otyrǵyzylǵan 5 gektar alma baǵy, 10 gektarda «Batyr analar» saıabaǵy qosa jaıqalyp tur. Aýyldyń mektepteri botanıkalyq baqqa aınaldy.
Medısına • 14 Mamyr, 2019
Dárigerler ózderi «izdep» keledi
Elimizdegi «Medısına jaqyn!» atty onkúndik densaýlyq sharasy barysynda dárigerler brıgadasy óńirdegi shalǵaı aýyldarǵa jol tartty. Densaýlyq sharasy oblystyq densaýlyq saqtaý basqarmasy men «Áleýmettik medısınalyq saqtandyrý qory» AQ fılıalynyń qoldaýymen ótkizilýde.
