24 saǵat

24 qańtarda Máskeý ýa­qy­ty boıynsha 16 saǵat 32 mı­nót­te Domodedovo áýejaıynda terrorlyq áreket jasaldy. Sońǵy málimetterge qaraǵan­da, jankeshti denesine jasy­ryl­ǵan jarylǵysh quryl­ǵy­lar­dyń salmaǵy 7 kılo trotılge jýyq. Jarylys sal­da­ry­nan 35 adam qaza taýyp, 180-nen astam adam jaraqat al­dy. Olardyń 110-ǵa jýyǵy aý­rý­ha­naǵa jatqyzyldy. Qaza tap­qandardyń arasynda sheteldik azamattar da bar. Osy­ǵan baılanysty Reseı prezıdenti Dmıtrıı Medvedev Davosta ótetin forýmǵa saparyn doǵardy. Ortalyq Afrıka Respýblı­ka­synda prezıdenttik jáne parlamenttik saılaý aıaqtaldy. Saı­laýdyń aldyn ala qorytyndysy segiz kúnnen keıin jarııa etiledi. Keıbir málimetter boıynsha, eldiń qazirgi prezıdenti Fransýa Bozıze jeńiske jetýi múmkin. Izraıl syrtqy ister mı­nıstrliginiń qyzmetkerleri ereýil­di toqtatty. Dıplomat­tar­dyń birneshe aptaǵa so­zyl­ǵan bul aksııasyna negizinen olardyń jalaqyla­ry­nyń tó­mendigi sebep bolǵan. О́ıtkeni, dıplomattardyń jal­aqysy 17 jyldan beri kóbeıtilmegen kórinedi. Brazılııadaǵy sý tasqyny men jer kóshýinen qurban bol­ǵandardyń sany 806 adamǵa jetti. Reıter agenttiginiń aqparattary boıynsha, iz-túzsiz ketkenderdiń qatary 300-ge jýyqtaıdy. Opat bolǵandardyń arasynda balalar men jasóspirimder kóp. Grýzııanyń eks-prezıdenti Edýard Shevardnadze keshe ózi­niń 83 jasqa tolýyn atap ótti. Eks-prezıdent kómekshisiniń má­­limdeýinshe, E.Shevardnadze tý­ǵan kúnin óz otbasy men ja­qyn týystarynyń ortasynda toılaǵan. Shanhaı qalasynda álemde balamasy joq kórme ortalyǵy salynatyn bolady. Onyń quny – 3,5 mıllıard dollar. Or­ta­lyqtyń qurylysy 2011 jyldyń sońynda bastalyp, 2014 jyly paıdalanýǵa beriledi. Kórme ortalyǵynyń jalpy alańy 500 myń sharshy metrdi quraıdy. OPEK-ke qatysýshy elder suranystyń ósýine baı­lanys­ty bıylǵy jyly munaı jetkizýdi arttyrýy múmkin. Saýd Arabııasy mınıstriniń habar­laýynsha, OPEK-ke múshe el­derdiń kúndelikti óndiretin mu­naıy 6 mıllıon barrel deńgeıinen aspaýy tıis. Fılıppınniń astanasy – Manıla qalasynda jolaýshylar avtobýsynda jarylys boldy. Jarylys saldarynan eki adam qaza taýyp, 15-ke jýyǵy jara­landy. Eldiń quqyq qorǵaý or­gandary jarylysty belgili terrorshy uıymdar jasady degen boljam jasap otyr. Grekııa úkimeti Germanııa­nyń Siemens konsernin sotqa bermek. Konsern basshylary Grekııanyń sheneýnikterin «sa­­typ alǵan» degen kúdik bar. Aqparat kózderine qara­ǵanda, osyǵan baılanysty Grekııa parlamenti 11 aıǵa jýyq tekseris júrgizgen. Osynyń sal­da­rynan el qazynasyna 2 mıllıard eýro kem túsken.

Internet materıaldary negizinde ázirlendi.