Berlınde Dımash Qudaıbergenge arnalǵan «JULDYZ» kórmesi ashyldy

Dımash Qudaıbergenniń Eýropadaǵy jeke konsertterimen qatar, 12-17 qarasha aralyǵynda «JULDYZ» kórmesi ótti. Ekspozısııada sýretshi Punktgeläut ánshiniń ómiri men shyǵarmashylyǵynan syr shertetin týyndylaryn usyndy, dep habarlaıdy Egemen.kz.

Qustardyń qımylyn qalt jibermeıdi

Atyraýda turatyn Fılıpp Syplıonkov birneshe jyldan beri munaı tasymaldaıtyn kompanııada jumys isteıdi. Alaıda tabıǵattyń ásem kórinisin, ásirese qustardy sýretke túsirgendi unatady.

Ulttyq qolónermen upaıymyz túgendeledi

Jýyrda Shymkentte «Ádet-ǵuryp jáne salt-dástúr» ortalyǵynyń uıymdastyrýymen «Er-turmanym kúmisten» atty respýblıkalyq sheberlik saǵaty ótti. Onda elimizdiń ár óńirinen jınalǵan qolóner sheberleri er shabý, bylǵarymen qaptaý, kúmispen órnekteý, qamshy órý sekildi ulttyq qolónerdiń san túrin kórsetti. Er-turmannyń jasalý joldaryn, ádis-tásilderin túsindirdi. Qolónershiler osy buıymdardy kópshiliktiń aldynda jasap, sheberlikterin pash etti. Is-sharanyń maqsaty – qazaq halqynyń er-turman jasaý ónerin nasıhattap, jańǵyrtý. Eń bastysy, kelgen qonaqtar sheberlik saǵatynan ózderine paıdaly kóp maǵlumat aldy. Ulttyq qolóner buıymdarymen jaqynyraq tanysyp, sheberlermen betpe-bet tildesti. Ásirese jastardyń qyzyǵýshylyǵy zor. Árbir zatty qoldarymen ustap kórip, tańdana qarasty. Qolónershiler ustalyq óner jaıynda oı órbitip, qyzyqty áńgimelerin de aıtty. Sheberlerdiń qolynan shyqqan eń tańdaýly týyndylardan arnaıy kórme uıymdastyryldy.