Jaz mezgilinde balalar úıden tys jerde kóbirek ýaqyt ótkizedi. Olar kóshede, aýlada, sport jáne oıyn alańdarynda bolady, velosıped, samokat tebedi, demalys oryndaryna barady, saıahattaıdy.
Sondyqtan dál osy kezeńde balalardyń qaýipsizdigi eresekterdiń qyraǵylyǵy men jaýapkershiligine tikeleı baılanysty.
Osyǵan baılanysty Ulttyq komıssııa ata-analardy, júrgizýshilerdi jáne barsha azamattardy aldaǵy jazǵy demalys kezinde balalardyń ómiri men densaýlyǵyna erekshe jaýapkershilikpen qaraýǵa shaqyrady.
Qurmetti ata-analar!
Balalaryńyzben jolda, aýlada, sý aıdyndary mańynda jáne tabıǵat aıasynda ózin qaýipsiz ustaý qaǵıdalary týraly sóılesińizder. Bul erejelerdi únemi esterine salyp otyryńyzdar.
Balalarǵa jolda asa muqııat bolý qajettigin túsindirińizder. Joldy tek jaıaý júrginshiler ótkelimen jáne qaýipsizdigine kóz jetkizgennen keıin ǵana kesip ótý qajet. Al ótkelden ótpes buryn mindetti túrde velosıpedten nemese samokattan túsý kerek.
Velosıped, samokat nemese rolık tepken kezde balalardyń qorǵanysh quraldaryn paıdalanýyn qamtamasyz etińizder.
Úıdegi qaýipsizdik máselesine de erekshe nazar aýdaryńyzdar. Terezelerdi qorǵanysh qurylǵylarynsyz ashyq qaldyrmańyzdar, balanyń qulap ketýine ákelýi múmkin jaǵdaılarǵa jol bermeńizder, sondaı-aq qaýipti zattar men hımııalyq zattardyń qaýipsiz oryndarda saqtalýyn qamtamasyz etińizder.
Balalardy qaraýsyz qaldyrmańyzdar, olardyń qaı jerde júrgenin baqylaýda ustaǵandaryńyz abzal. Ásirese, keshki ýaqytta balalardyń eresekterdiń qaraýynsyz syrtta júrýine jol bermeńizder.
Osy qarapaıym erejeler balanyń eń qymbat baılyǵy - ómiri men densaýlyǵyn saqtaýǵa kómektesedi.
Qurmetti júrgizýshiler!
Kópshiligińiz – ata-anasyzdar, aǵa-ápkesizder. Kólik tizginine ár otyrǵan saıyn osyny este saqtańyzdar.
Jolda, ásirese turǵyn úılerdiń mańynda, aýlalarda, saıabaqtar men balalar alańdarynyń janynda asa muqııat bolyńyzdar.
Jyldamdyq rejımin saqtańyzdar, jaıaý júrginshiler ótkeli men aýlaǵa jaqyndaǵanda jyldamdyqty tómendetińizder.
Kólik júrgizý kezinde mobıldi qurylǵylardy paıdalanýdan bas tartyńyzdar.
Bala kólikti baıqamaı qalýy múmkin. Al júrgizýshi balany mindetti túrde baıqaýǵa tıis.
Balalardyń ómiri Sizdiń bir sát nazar aýdarýyńyzǵa baılanysty bolýy múmkin.
Qurmetti qazaqstandyqtar!
Balalardyń ómiri men densaýlyǵy - otbasynyń, qoǵamnyń jáne memlekettiń ortaq jaýapkershiligi.
Eshqandaı aldyn alý sharalary eresekterdiń qyraǵylyǵy, jeke ónegesi men balalarǵa degen janashyrlyǵyn almastyra almaıdy.
Balalarymyzdyń jazǵy demalysy qaýipsiz ótýi úshin barshamyz birlesip kúsh salaıyq.
QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa
