Almaty Air Initiative qorynyń málimetinshe, jańa qurylǵylardyń 17-si adamdar kóp shoǵyrlanatyn oryndarǵa – mektepter, balabaqshalar men skverler mańyna ornalastyrylǵan.
Burynǵy qurylǵylardan ereksheligi – jańa stansalar PM2.5 jáne PM10 usaq bólshekterin ǵana emes, densaýlyqqa qaýipti gaz tárizdi lastaýshy zattardy da baqylaıdy. Olardyń qatarynda azot dıoksıdi, kómirtek totyǵy, kúkirt dıoksıdi jáne jerge jaqyn qabattaǵy ozon bar.
Dúnıejúzilik densaýlyq saqtaý uıymynyń málimetinshe, avtokólik shyǵaryndylary men kómir jaǵýdan bólinetin bul zattar tynys alý júıesine keri áser etip, sozylmaly aýrýlardyń asqynýyna sebep bolýy múmkin.
О́skemende aýa sapasy tekserilip jatyr: О́ńir turǵyndaryna ótemaqy tólene me?
Qazirgi ýaqytta datchıkter synaq rejıminde jumys istep tur. Olardyń kórsetkishterin Mycar.kz qosymshasyndaǵy «Aýa sapasy» bóliminen kórýge bolady. Jańa núkteler kartada sharshy belgimen kórsetilgen.
Qordyń atqarýshy dırektory Juldyz Saýlebekovanyń aıtýynsha, bul jańartý Ortalyq Azııadaǵy eń tyǵyz azamattyq monıtorıng jelisin odan ári kúsheıtete túsedi. Synaq kezeńi aıaqtalǵannan keıin barlyq derekter uıymnyń ashyq dashbordyna engiziledi.
